1 Jon 5:10 - Label

¹⁰ Esining i tortorot ana Nat e God, a warwara talapor ane God kaning ui na balana. Pa esining bel i tortorot ana warwara talapor ane God, i atong e God mang a tena asasongo, anasa bel i tortorot ana warwara talapor ane God o e Natnalik.

1 Jon 5:10 ပူးပေါင်းရင်းမြစ်များ

Jon 3:16

“E God i maris a rakrakan hanua, pa i saran tar e Natnalik takai sot ka, sur esining ir tortorot onoi, ir laun tikin, pa bel ir hirua.

Jon 3:18

Esining i tortorot onoi, bel dir warkurai i sur ir mat. Ika, esining bel i tortorot, di ka warkurai tari sur ir mat, anasa bel i tortorot o e Nat e God takai sot ka.

Jon 3:33

Ika esining i tortorot ana nuna warwara talapor, i amomoli mang e God a momolna.

Jon 5:38

Pa bel mulo nuk akes anuna na warwarala ana balamulo, anasa bel mulo tortorot o esaning i sune i ute.

A Pas ane Pol tetek a tarai Rom 8:16

Pa a Talngan Tabu i warwara talapor te na ingundala mang dala na natnat e God.

Galesia 4:1

Ar warwara tetek mulo ana warwara larlar. A nat a barsan ir kibas a gongonla rop ane tamana ning tamana ir mat. Ika ning i kaklik ot, belot ir kibasi, ir arlar ka lar a tena titol oros.

Galesia 4:6

Mulo na natnat e God ot. Ine a kamkamna ning i saran a Talngan Tabu, a Inguna e Natnalik, sur ir kes ting na balamulo, pa i arkabah tetek e God mange, “Aba! Tata!”

Kolosi 3:3

Anasa mulo ka mat, pa onone anumulo a lalaun i kes mumun taum o e Karisito, tingui o e God.

Hibru 3:12

Na tastasikla, mulor tai alar mulo, sur gong tik o mulo a nuknukna ir mur a toltol laulau pa bel ir tortorot, pa ir han masik kusun e God, ning i laun.

2 Pita 1:19

A ututnala ning mila oroi, i amomol tar a warwara anuna propetla tetek dala, pa i wakak sur mulor longori. Anasa a warwara anuna propetla i arlar ana ning a talapor ana mormorom, tuk ot ana lar, pa a matlai ir atalapor a balamulo.

1 Jon 1:10

Ning dala atongi mang bel dala tol ta toltol laulau, dala atongi mang e God a tena asasongo, pa anuna warwara bel i kes ana balandala.

1 Jon 5:1

La rop ning la tortorot mang e Iesu i a Karisito, la na natnat e God. Pa la rop ning la mang sur e tamana, la mang otleng sur e natnalik.

Tatatai 12:17

Pa dregon i balakut kol tetek hane ning, pa i han suir harum taum dingla na natnatna a hane otleng ning. La ning la sira longor ana warkurai ane God, pa la sira mur a warwara talapor o e Iesu.

Tatatai 2:17

Esining a talngana kaning, i wakak sur ir longor a warwara ning a Talngan Tabu i atongi tetek a lotula. Esining i tolsot pas a harum, ar tabari on ta mana ning i kes kumna. Pa ar saran tar otleng a kokok a hat di ka tumus tar a tona rising ono, ning bel tik i tasmani. I sot ka, ning ar saran tar a hat ne tana ir tasmani.

Tatatai 2:28

Pa ar tabari otleng ana matlai.