1 Jon 4:8 - Label

⁸ Esining bel i tasman a marmaris, bel i tasman e God, anasa e God a marmaris.

1 Jon 4:8 ပူးပေါင်းရင်းမြစ်များ

2 Korin 13:11

Anuk a ararop a warwara ne: Na tastasimila, mulor gas! Mulor atostos mulo, mulor mur anuk a warwara, ir takai ka a nuknukimulo, pa mulor kes na molmol artalai. Pa e God ning i sira saran a marmaris pa a bal molmol ir kes taum omulo.

Epeses 2:4

Ika, e God i bukus ana marmaris! I alaun pas dala anasa i maris kol dala.

Hibru 12:29

anasa anundala God i arlar ana tnan irnga na iah, ning ir ien arop sen a ututnala rop.

1 Jon 1:5

A warwara talapor ne, mila longori ta e Iesu Karisito, pa mila atalapori tetek mulo mange: E God a talapor momol, pa bel ta mormorom i kes onoi.

1 Jon 2:4

Ning tik i atongi mang, “A tasman e God,” ika bel i longor ana nuna warkuraila, i a tena asasongo, pa a momolna bel i kes ono.

1 Jon 2:9

Esining i atongi mang i kes ana talapor, ika i nget e tasnalik, a barsan ning kaning ot i kes ana mormorom.

1 Jon 3:10

Dala oroi lalan na natnat e God pa na natnat e Satan otleng mange: Esining bel i tol a tostos a toltol, i bel a nat e God, mang otleng larning tetek esining bel i mang sur e tasnalik.

1 Jon 3:6

Pa esining i laun o e Karisito, bel i sira tol a toltol laulau. Pa esining i sira tol a toltol laulaula, bel i oroi e Karisito, pa bel i tasmani otleng.

1 Jon 4:16

Pa dala ot dala tasman a marmaris ane God tetek dala pa dala tortorot onoi. E God a marmaris, pa esining i laun taum ana marmaris, i laun o e God, pa e God i laun onoi.

1 Jon 4:7

Na halalik, dalar mang artalai sur dala, anasa a marmaris i han miting ta e God. La rop ning la asangan a marmaris, la na natnat e God, pa la tasman e God.