1 Jon 4:16 - Label

¹⁶ Pa dala ot dala tasman a marmaris ane God tetek dala pa dala tortorot onoi. E God a marmaris, pa esining i laun taum ana marmaris, i laun o e God, pa e God i laun onoi.

1 Jon 4:16 ပူးပေါင်းရင်းမြစ်များ

Jon 6:69

Mila ka tortorot pa mila tasmani mang u a Tena Totoh ane God.”

Jon 9:3

E Iesu i atongi mange, “A barsan ne bel i tol ta laulauna, e tamana pa e tana otleng bel. I kut ka sur a tarai lar oroi a rakrakai a titol ane God onoi.

1 Korin 2:9

Ika, i arlar ana warwara ning di ka tumus tari ting na Buk Tabu larne, “Bel tik i oroi i, pa bel tik i longori, pa bel i hanot miting na nuknukin tik, asaning e God ka sang tari sur la ning la mang kol suri.” Ais 64:4

1 Jon 3:1

Oroi! E Tamandala i asangan anuna tnan marmaris tetek dala, ning i atong dala mang dala na natnatnala. I momol ot, dala na natnat e God. A tarai mite na rakrakan hanua bel la tasmani mang dala na natnat e God, anasa bel la tasman e God.

1 Jon 3:16

Dala tasman a marmaris momol mange: E Iesu Karisito i saran anuna lalaun sur dala. Pa i wakak sur dalar saran anundala lalaun sur na tastasindala.

1 Jon 3:24

Esining i longor ana nuna na warkuraila, i laun o e God, pa e God i laun onoi. Pa dala tasmani mang e God i laun ondala, anasa a Talngan Tabu ning i tabar dala ono, i laun ondala.

1 Jon 4:7

Na halalik, dalar mang artalai sur dala, anasa a marmaris i han miting ta e God. La rop ning la asangan a marmaris, la na natnat e God, pa la tasman e God.