1 Jon 4:15 - Label

¹⁵ Ning tik i patuai mang e Iesu a Nat e God, e God i laun onoi, pa i laun o e God.

1 Jon 4:15 ပူးပေါင်းရင်းမြစ်များ

Matiu 10:32

“Esining ir atong puasa i na matan a taraila mang, i tagun iau, iau otleng ar atong puasa i, namatana e Tata ning i kes saot na langit mang, i tagun iau.

Luk 12:8

“A atai mulo mang, esining ir atong puasa i mang i anuki namatana tarai, a Nat a Barsan otleng ir atong puasai na matan a angelola ane God.

Jon 6:56

Esining ir ien a palaok pa ir gang a sulukik, ir laun hok, pa iau ar laun onoi.

A Pas ane Pol tetek a tarai Rom 10:9

Ning u apuasa i ana numa warwara mang e Iesu a Leklek, pa u tortorot ting na balam mang e God ka akamtur ulak pasi kusun a minat, e God ir alaun u.

Pilipai 2:11

pa la rop lar atong puasa i mang e Iesu Karisito i a Leklek, sur lar aitna pas e God a Tamandala.

1 Jon 2:23

Tik ning i puai sen a Nat e God, e Tamana otleng bel i kes onoi. Pa tik ning i patuai talapor o e Natnalik, e Tamana otleng i kes onoi.

1 Jon 2:24

I wakak ning a asasaerla rop ning mulo longor tari nating ot ir laun o mulo. Ning i laun o mulo, mulo otleng mulor laun o e Natnalik, pa o e Tamana.

1 Jon 3:23

A warkurai ane God i mange: Dalar tortorot ana risana e Natnalik, e Iesu Karisito, pa dalar mang artalai sur dala, arlar ana nuna warkurai tetek dala.

1 Jon 3:24

Esining i longor ana nuna na warkuraila, i laun o e God, pa e God i laun onoi. Pa dala tasmani mang e God i laun ondala, anasa a Talngan Tabu ning i tabar dala ono, i laun ondala.

1 Jon 4:12

Belot tik i oroi tar e God. Ika ning dala mang artalai sur dala, e God i laun ondala, pa anuna marmaris i kes kidol ondala.

1 Jon 4:2

Mulor tasman lalan a Inguna e God manglarne: Esining i atongi mang e Iesu Karisito i hanot a barsan momol, i tagun e God.

1 Jon 5:1

La rop ning la tortorot mang e Iesu i a Karisito, la na natnat e God. Pa la rop ning la mang sur e tamana, la mang otleng sur e natnalik.

1 Jon 5:5

Esining ir tolsot pas a rakrakan hanua? La ka ning la tortorot mang e Iesu i a Nat e God.

2 Jon 1:7

A galis a tena asasongola ning la puai mang e Iesu Karisito bel i hanot a barsan momol, la ka han sarara te na rakrakan hanua. A ngas a taraila ning, la na tena asasongo, pa la na hiruala ane Karisito.