1 Jon 3:9 - Label

⁹ La rop ning na natnat e God, bel lar tol ulak a toltol laulaula, anasa a lalaun ane God i kes onla. Bel lar tol ulak a toltol laulau, anasa la na natnat e God.

1 Jon 3:9 ပူးပေါင်းရင်းမြစ်များ

Matiu 7:18

A wakak a rakai bel ir suah ta laulau a wana, pa a laulau a rakai otleng bel ir suah ta wakak a wana.

Jon 1:13

Bel di atong la mang a natnat e God ana agon ana mangis a tarai, o ana nemnem ana ta barsan mite lapiu. E God ot e tamanla.

Jon 3:3

E Iesu i kelesi mange, “A atong momoli tam, ning tik bel di agon tona pasi, bel ir tol sot sur ir oroi a matanitu ane God.”

Aposel 4:20

Ika miau, bel miar sairas lar pas miau ana warwara ona ututnala ning mila ka oroi tari, pa mila ka longor tari.”

A Pas ane Pol tetek a tarai Rom 6:2

Bel momol! Dala mat kusun anundala toltol laulau. Dalar laun mangmangasa ulak ma onoi?

Galesia 5:17

A lalaun turai i mang sur asaning bel i arlar ana nuknuk a Talngan Tabu, pa a Talngan Tabu otleng i mang sur asaning bel i arlar ana lalaun turai. Naur a utna ne, dia harum artalai, pa bel mulo tolsot asaning mulo mang suri.

Taitus 1:2

A tortorot ning, pa a momolna ning, i hanot miting na keskes harnanai ana tortorot sur a lalaun tikin. A lalaun tikin ning e God i lele tar onoi, ning belot i akes a rakrakan hanua. Pa e God bel i sira asongo.

1 Pita 1:23

Anasa di ka agon ulak pas mulo. Pa anumulo a tona lalaun, bel i kamna pas on tik mite lapiu, anasa tik mite lapiu ir rarop ka. Di agon tona mulo ana utna ning bel ir rarop, i a warwara ane God, ning i laun pa ir kes tikin.

1 Jon 2:29

Mulo tasmani mang e God a tena tostos, pa mulo tasmani otleng mang la rop ning la tol a tostos a toltol, la na natnat e God.

1 Jon 3:6

Pa esining i laun o e Karisito, bel i sira tol a toltol laulau. Pa esining i sira tol a toltol laulaula, bel i oroi e Karisito, pa bel i tasmani otleng.

1 Jon 4:7

Na halalik, dalar mang artalai sur dala, anasa a marmaris i han miting ta e God. La rop ning la asangan a marmaris, la na natnat e God, pa la tasman e God.

1 Jon 5:1

La rop ning la tortorot mang e Iesu i a Karisito, la na natnat e God. Pa la rop ning la mang sur e tamana, la mang otleng sur e natnalik.

1 Jon 5:18

Dala tasmani mang la rop ning na natnat e God, bel la tol ulak a toltol laulaula. Anasa a Nat e God i tai alar la, pa e Satan bel i tolsot sur ir alaulau la.

1 Jon 5:4

Anasa la ning na natnat e God, la ka tolsot pas a rakrakan hanua. A rakrakai ning dala tolsot pas a rakrakan hanua onoi mange: anundala tortorot.

3 Jon 1:11

Halik, gong u oroi asasaer ana toltol laulau ne, ur mur a wakakna. Esining i tol a wakakna, ai anune God. Pa esining i tol a laulauna, bel i tasman e God.