1 Jon 3:2 - Label

² Na halalik, onone dala na natnat e God, pa belot di atalapor dala mang lamur dalar mangmangasa. Ika dala tasmani mang, lamur ning e Iesu ir hanot, dalar arlar onoi, anasa dalar bot oroi momoli.

1 Jon 3:2 ပူးပေါင်းရင်းမြစ်များ

Matiu 5:8

La ning a nuknukinla i totoh, la angis, anasa lar oroi e God.

Luk 17:30

“Ir mang otleng larning ana pukakiar ning a Nat a Barsan ir hanot talapor onoi.

Luk 20:36

Pa bel lar mat ulak, anasa la arlar kama ana angelola. La na natnat e God, anasa la ka laun ot kusun a minat.

Jon 1:12

Ika, la rop ning la maling pasi, pa la tortorot ana risana, i malmaling pas la, sur la na natnat e God.

Jon 11:52

Pa bel sur la ka, sur a taraila rop otleng ane God ning la kes sarara ting na hanhanua masik, sur ir ben taum pas la sur lar takai ka.

Jon 17:24

“Tata, la ning u ka saran tar la tak, a mang sur lar kes taum hok ting na hanua ning ar kes ia, sur lar oroi anuka matatar, ning u saran tari tak, anasa u mang sur iau nating ot ning belot di akes a rakrakan hanua.

A Pas ane Pol tetek a tarai Rom 8:16

Pa a Talngan Tabu i warwara talapor te na ingundala mang dala na natnat e God.

A Pas ane Pol tetek a tarai Rom 8:18

A tasmani mang a wakak a matatar ning lamur e God ir apuasai tetek dala, ir itna kol tana mamahatla ning onone dala barati.

A Pas ane Pol tetek a tarai Rom 8:19

A kidol a akakes rop i harnanai pa i mang kol sur a pukakiar ning e God ir apuasa na natnatnala.

A Pas ane Pol tetek a tarai Rom 8:29

Lanigo ot e God ka tasman tar la ning anuna tarai. Pa ka aslang pas la otleng nating ot, sur lar hanot arlar o e Natnalik, sur i a ningnigo tana galis a tastasnala.

1 Korin 13:12

Onone anundala a tatatai o e God bel i talapor, i arlar larning dala oroi a manarindala ting na galas, ning i gawul ka. Ika lamur, dalar oroi e God ana matmatandala. Onone anuka tastasim bel i kidol, ika lamur ar tastasim rop, arlar o e God i tasman rop iau.

1 Korin 15:49

Dala kibas a manar a barsan ning e God i toli ana piu, pa lar otleng ning, dalar kibas a manar a barsan misaot na langit.

1 Korin 2:9

Ika, i arlar ana warwara ning di ka tumus tari ting na Buk Tabu larne, “Bel tik i oroi i, pa bel tik i longori, pa bel i hanot miting na nuknukin tik, asaning e God ka sang tari sur la ning la mang kol suri.” Ais 64:4

2 Korin 3:18

Pa dala, ning bel di poroi alar a matandala ana ta diah kaen, dala apuasa a matatar ana Leklek. Pa anundala na lalaun i talingir amon sur dalar arlar o e Karisito, pa anuna matatar ir itna amon ting na nundala a lalaun. A matatar ne, tana Leklek ot, esaning a Inguna.

2 Korin 4:17

A mamahatla ning mila kilangi, bel i itna pa bel i kes bongnani, ika i saran a matatar tamila, a matatar ning bel ir rarop. A matatar ning i itna kol tana mamahatla ning mila kilangi.

Galesia 3:26

Onone mulo rop a natnat e God, anasa mulo tortorot o e Karisito Iesu.

Galesia 4:6

Mulo na natnat e God ot. Ine a kamkamna ning i saran a Talngan Tabu, a Inguna e Natnalik, sur ir kes ting na balamulo, pa i arkabah tetek e God mange, “Aba! Tata!”

Pilipai 3:21

Ir keles pas a palaondala ning bel i rakrakai, sur ir arlar ana palaona, ning i bukus ana matatar. Ir kelesi ana rakrakaina, ning i titol onoi sur ir suah tar a ututnala rop nahai anuna warkurai.

Kolosi 3:4

E Karisito i anumulo a lalaun. Pa ning ir hanot mulo otleng mulor hanot puasa taum onoi ting na nuna matatar.

Hibru 9:28

Mang otleng larning e Karisito i saran tar i ot sur a artabar tetek e God muntakai ka, sur ir kibas maskan sen a toltol laulaula anuna galis a taraila. Pa ir hanot munaur ulak. Bel sur ir kibas maskan sen a toltol laulaula. Ir hanot sur ir alaun pas la ning la harnanai suri.

2 Pita 1:4

I tabar dala ana lelela ning i itna pa i wakak kol, anasa ana anuna matatar pa wakak a toltol anunai. I ka lele tar sur mulor tolsot pasi sur mulor kibas a toltol ane God pa nuna lalaun, pa mulor alah kusun a laulauna miting na rakrakan hanua ning i sira hanot miting na laulau a nuknuk.

1 Jon 2:28

Momol, a natnatukla, mulor patap tikin o e Karisito, sur gong dala matmataut pa gong dala meme namatana ana nuna tinan ot.

1 Jon 2:7

Na halalik, bel a tona warkurai ne a tumusi tetek mulo, a turaina, ning mulo ka longor tari tagun nating ot. A warkurai ne, mulor mang sur na tastasimulo.

1 Jon 3:1

Oroi! E Tamandala i asangan anuna tnan marmaris tetek dala, ning i atong dala mang dala na natnatnala. I momol ot, dala na natnat e God. A tarai mite na rakrakan hanua bel la tasmani mang dala na natnat e God, anasa bel la tasman e God.

1 Jon 3:10

Dala oroi lalan na natnat e God pa na natnat e Satan otleng mange: Esining bel i tol a tostos a toltol, i bel a nat e God, mang otleng larning tetek esining bel i mang sur e tasnalik.

1 Jon 3:21

Na halalik, ning a nuknukindala bel i arup dala, bel dalar matmataut ning dala kaning ui o e God.

1 Jon 5:1

La rop ning la tortorot mang e Iesu i a Karisito, la na natnat e God. Pa la rop ning la mang sur e tamana, la mang otleng sur e natnalik.

Tatatai 2:28

Pa ar tabari otleng ana matlai.

Tatatai 22:4

Lar oroi a patarna, pa dir tumus tar a risana ting na patarinla.