1 Jon 3:14 - Label

¹⁴ Dala tasmani mang dala ka han kusun a minat sur a lalaun, anasa dala mang sur na tastasindala. Esining belal marmaris kaning ot i kes ana minat.

1 Jon 3:14 ပူးပေါင်းရင်းမြစ်များ

Matiu 25:40

“A king ir keles la mang, ‘A atong momoli ta mulo, asaning mulo toli tetek ta barsan oros ka tagun a tastasikla ne, mulo toli hok.’

Luk 15:24

Anasa a natuklik ne ka mat, pa onone ka laun ulak, i rongo tar pa ne ka hanot.’ Pa a ngasa i turpasi.

Luk 15:32

I wakak sur dalar gasgas pa dalar hangan, anasa e tasimlik ne ka mat pa onone ka laun ulak, i rongo pas, pa onone ka hanot ulak.’”

Luk 7:5

anasa i mang kol sur anundala a tarai, pa i lou tar anumila rumai lotu.”

Jon 13:35

Ning mulo mang artalai sur mulo, a taraila rop lar tasmani mang mulo anuk na kakak a asaerla.”

Jon 15:12

Anuk a warkurai tetek mulo ne: Mulor mang artalai sur mulo, larning a mang sur mulo.

Jon 15:17

Anuk a warkurai ne: Mulor mang artalai sur mulo.

Jon 5:24

“A atong momoli ta mulo, esining i longor anuk na warwarala pa i tortorot o esaning i sune iau ute, i ka kibas a lalaun tikin, pa bel ir hirua ana warkurai. I ka han kusun a minat sur a lalaun tikin.

2 Korin 5:1

A palaondala i arlar ana rumai sel ning dala laun ono te na rakrakan hanua. Pa dala tasmani mang ning ir laulau, e God ir saran a tona rumai tetek dala saot na langit. A rumai ning ir kes tikin. Bel a tarai la toli ana kunla. E God ot ka tol tari.

Galesia 5:22

Ika, a wana Talngan Tabu ine la: A marmaris, a gasgas, a bal molmol, a kes wowon, a harnangai tetek tik masik, a wakak a toltol, a momol a toltol tetek tik,

Epeses 1:15

Larne, ning a longori mang mulo tortorot ana Leklek e Iesu, pa mulo mang sur a taraila rop ane God,

Epeses 2:1

Nating a ingumulo i mat, anasa mulo kutus warkurai pa mulo tol a toltol laulaula.

Epeses 2:5

Ning dala mat ana nundala na toltol laulaula, i alaun pas dala taum o e Karisito. E God ka alaun pas mulo, anasa ana nuna marmaris.

Kolosi 1:4

anasa mia ka longori mang mulo ka tortorot o e Karisito Iesu, pa mulo mang sur a taraila rop ane God.

1 Tesalonika 4:9

Bel mitol ar tumtumus ulak tetek mulo ana numulo a marmaris tetek na tastasimulo, anasa e God ka asaer tar mulo sur mulor mang artalai sur mulo.

Hibru 13:1

Gong mulo manah ana marmaris artalai tetek mulo, arlar o mulo na kabaitas ana tortorot.

1 Pita 1:22

Pa onone, ning mulo ka longor ana momol a warwara, mulo ka totoh, sur mulor mang momol sur na tastasimulo ana tortorot. Larning mulor mang artalai sur mulo ana marmaris momol ting na balamulo.

1 Pita 3:8

Anuk na ararop a warwara tetek mulo rop larne, i wakak sur ir takai ka a nuknukimulo, pa ning ta halimulo ir kilang a mamahat, mulo otleng mulor kilangi taum onoi. Mulor mang artalai sur mulo larning mulo tas, mulor lasan ana marmaris, pa mulor anatarna pas mulo.

2 Pita 1:7

Pa mulor palataum a toltol ning e God i mang suri taum ana marmaris tetek na tastasimulo ana tortorot. Pa mulor palataum a marmaris ning taum ana marmaris otleng tetek a taraila rop.

1 Jon 2:3

Ning dala longor ana nuna warkuraila, dala talapor mang dala tasman ot e God.

1 Jon 3:23

A warkurai ane God i mange: Dalar tortorot ana risana e Natnalik, e Iesu Karisito, pa dalar mang artalai sur dala, arlar ana nuna warkurai tetek dala.

1 Jon 4:12

Belot tik i oroi tar e God. Ika ning dala mang artalai sur dala, e God i laun ondala, pa anuna marmaris i kes kidol ondala.

1 Jon 5:13

A tumus a ututnala ne tetek mulo, ning mulo tortorot ana risana e Nat e God, sur mulor tasmani mang mulo ka kibas a lalaun tikin.

1 Jon 5:2

Dala tasmani mang dala mang sur na natnat e God mange: Dala mang sur e God, pa dala longor ana nuna warkuraila.