1 Jon 2:13 - Label

¹³ A tumtumus tetek mulo a tatatnan tarai, anasa mulo ka tasman esining i laun tagun nating ot. A tumtumus tetek mulo a barmanla, anasa mulo ka tolsot pas e Satan. A tumtumus tetek mulo a kakakla, anasa mulo ka tasman e Tamandala.

1 Jon 2:13 ပူးပေါင်းရင်းမြစ်များ

Matiu 11:27

“E Tata ka saran tar a ututnala rop tak. Bel tik i tasman e Natnalik, e Tamana ka, pa bel tik otleng i tasman e Tamana, e Natnalik ka, pa la otleng ning e Natnalik i mang sur ir apuasa e Tamana tetek la.

Matiu 13:19

Esining i longor a warwara ana matanitu misaot na langit, pa bel i tastasmai onoi, i arlar ana pat a witla ning la punga ting na ngas. A barsan laulau i hanot pa i kibas sen a warwara ning di ka oman tari ting na balana.

Matiu 13:38

A barim, i a rakrakan hanua, pa a wakak a pata witla, la a tarai tagun a matanitu misaot na langit, pa a karapala, la na natnat a laulau a barsan,

Matiu 5:37

Mulor atongi ka mang ‘ma’ o ‘bel’. Anasa, ning mulor atong ta ngas a warwara otleng, i ning i hanot kama kusun a Tena Laulau.

Luk 10:22

“E Tata ka saran tar a ututnala rop tak. Bel tik i tasman e Natnalik, e Tamana ka, pa bel tik otleng i tasman e Tamana, e Natnalik ka, pa la otleng ning e Natnalik i mang sur ir apuasa e Tamana tetek la.”

Jon 14:7

Ning mulo tasman momol iau, mulor tasman e Tata otleng. Pa onone mulo ka tasmani, pa mulo ka oroi.”

Jon 14:9

E Iesu i kelesi mange, “Pilip, ia ka kes kol taum o mulo, pa belot u tasman iau? Esining ka oroi iau, ka oroi tar e Tata. Sur asa u atongi mang ar asangan tar e Tata tetek mulo?

Jon 16:3

A tarai lar tol a ututnala ne tetek mulo, anasa bel la tasman miau ma e Tata.

Jon 16:33

“A atong a warwarala ne ta mulo sur mulor laun hok pa bal molmol ir kes o mulo. Te ana rakrakan hanua, mulor kilang a mamahat. Ika gong mulo matmataut, anasa ia ka tolsot pas a rakrakai ana rakrakan hanua.”

Jon 17:21

Tata, a nunung mang la rop ning la tortorot hok, lar takai ka, larning u kane hok pa iau kaning hom. I wakak sur la kane on dau, sur a taraila te na rakrakan hanua lar tortorot mang u sune iau.

Jon 17:3

A lalaun tikin i manglarne: A tarai lar tasman u, ning u ka e God momol, pa lar tasman otleng e Iesu Karisito, ning u sune i ute.

Jon 8:19

La dekeni mange, “E tamam kanaha?” E Iesu i keles la mange, “Bel mulo tasman iau, pa bel mulo tasman otleng e Tata. Ning mulor tasman iau, io, mulor tasman e Tata otleng.”

2 Korin 4:6

Nating ot ning e God i akes a rakrakan hanua i atongi mang, “A talapor ir sasai ot miting na mormorom.” Pa onone, e God ka suah tar anuna talapor te na balandala, sur ir sasai teia, sur dalar tasman a matatar ane God, ning di oroi i ting na patar e Karisito.

1 Timoti 5:1

Ning ur atostos ta barsan ning di agon nigoni tam, gong u warwara na balakut, ur warwara molmol ka larning u toli tetek e tamam. Ur toli tetek a barmanla, larning u toli tetek na tastasim.

Taitus 2:6

Larne, ur arakrakai a barmanla, sur lar warkurai tostos anunla a lalaun.

1 Jon 1:1

Mila warwara talapor o esaning a Warwara na Lalaun. Natnating ot ning belot di akes a rakrakan hanua, i laun. Mila ka longor tari, mila ka oroi tari ana matamila, mila oroi momol tari ot, pa mila tong ot a palaona.

1 Jon 2:1

Na natnatukla, a tumus a ututnala ne tetek mulo sur gong mulo tol a toltol laulau. Ika ning tik ir tol a toltol laulau, anundala a tena harnangai, e Iesu Karisito a Tena Tostos, ir atalapori tetek e Tamana.

1 Jon 2:12

A tumtumus tetek mulo a kakakla, anasa di ka kepsen anumulo na toltol laulau ana risana e Karisito.

1 Jon 2:14

A tumtumus tetek mulo a tatatnan tarai, anasa mulo ka tasman esining i laun tagun nating ot. A tumtumus tetek mulo a barmanla, anasa mulo rakrakai, pa a warwara ane God i kes ting na balamulo, pa mulo ka tolsot pas e Satan.

1 Jon 3:12

Pa gong dala arlar o e Kain, ning ane Satan, pa i umkol e tasnalik e Abel. Asa kamkamna ning i umkoli? Anasa anuna toltol i laulau, pa a toltol ane tasnalik i tostos.

1 Jon 4:4

Na natnatukla, mulo ane God, pa mulo ka tolsot pas a propet asasongola, anasa a Talngan Tabu ning kaning o mulo, i leklek kol ta e Satan ning i kes te na rakrakan hanua.

1 Jon 5:18

Dala tasmani mang la rop ning na natnat e God, bel la tol ulak a toltol laulaula. Anasa a Nat e God i tai alar la, pa e Satan bel i tolsot sur ir alaulau la.

1 Jon 5:20

Dala tasmani otleng mang a Nat e God ka hanot, pa ka tabar tar dala ana tastasman, sur dalar tasman a momol a God. Dala laun ana momol a God, anasa dala laun ana Natnalik e Iesu Karisito. I a momol a God, pa lalaun tikin.

Tatatai 12:11

Na tastasindala la ka tolsot pasi ana suluk a Nat a Sipsip pa ana nunla na warwara talapor. Bel la mangan alar anunla a lalaun kusun a minat.

Tatatai 2:7

Esining a talngana kaning, i wakak sur ir longor a warwara ning a Talngan Tabu i atongi tetek a lotula. Esining i tolsot pas a harum, ar malmaling pasi suir hangan miting na rakai a lalaun, ning kaning na Paradais ane God.