Tite 3:1 - Mbede Lə Luba Kone Gə Sigi

¹ Ole mə njetakagəje tɔ̰y ar-je d-oso kul no njeko̰ dɔ dəwje gə cibi d-ila kuji dɔ njeko̰ ɓeje gə ɓo d-isi pɛrɛrɛ mba ɗa ne kula gə ɗa-ɗa gə may,

Testament ke Siki 1960 (Kabba Laka)

¹ Olè mèdè ta ko tar lo mbaidjé ke ndjè ko béhdjé, ta ko tar lodè, ta ngem ta da koula ke madji toï.

Tite 3:1 ပူးပေါင်းရင်းမြစ်များ

Matiye 22:21

D-ila-a kəne na: To kar Sejar. Be ɓa Jeju pa ar-je na: Ne gə to kar Sejar nama ar-je Sejar, ne gə to kar Luba nama ar-je Luba.

1 Corinthiendjé 15:58

Be ɓa, ngan ko̰-mje gə m-njigi-si ya̰, uwaje gədərə, ulaje ngira-si nangə, awje gə kede-kede mə kula gə lə Mbayɓe, mba ꞌgərəje to gə kula lə Mbayɓe gə ꞌɗaje le to ne gə baa ang.

Ephésiendjé 2:10

Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.

Philippiendjé 1:11

May kar pa nja gə may gə ingaje ɗəw gə lə Jeju Kirisi le, ila riɓar gə dɔ Luba gə, gə ɔsə gaji-ɛ.

Colossiendjé 1:10

mba kar pa nja-si to ne gə may gə asə ləl Mbayɓe dan neje gə tɔ̰y, mba kar ꞌɗaje ne kulaje gə may-may ja tɔ̰y ngaɓa kar ꞌtɔgəje ne dɔ gərə Luba gə gə kede-kede nəm tɔ.

1 Timoce 2:2

mba mbayje, gə nje gə d-um ɓeko̰ mə ji-je gə mba kar j-isi nee gə dɔ si taar ɗɛgɛgɛ gə mə kul lom, gə kila kuji dɔ Luba gə nəm ngaɓa ɗəw pa nja gə gə maj-ɛ tɔ.

1 Timoce 4:6

To gə ɓo ꞌi tɔji tar nee le no ngan ko̰-ḭje ɗaa, ꞌi a to njekula lə Jeju Kirisi gə horo njetakagə gə gə maj-ɛ, Ye ɓa ꞌi a tɔji to gə tar takagə gə nendo gə tɔgərɔ gə ꞌi ndoo le ɗusu mə-i.

1 Timoce 5:10

may kar neɗaje lə-a gə may to ɗaga pay-pay kəm dəwje gə: ɗəw siri ngan-ɛ gə gə maj-ɛ, ɗəw kuwa mbaje gə, ɗəw togo gɔl njetakagəje, ɗəw la gə nje gə d-isi dan nekəmtondoo gə, ɗəw ɗa ne gə may gə lo-e lo-e.

2 Timoce 1:6

Gəl-e gə nee ɓa m-ndəji mba kar-i n-ndol dɔ gusu lə mənuji gə Luba ula mə-i gə go ji-m gə m-ila dɔ-i gə le.

2 Timoce 2:14

Tar gə a kole mə dəwje kəne ɓa to nee: ꞌPa ar-je no gɔl Luba gə mba kar d-əw rɔ-je tar ma̰y gə asə ɗa ne kara ang. Mba tar ma̰y gə baa le tuji dəwje gə njeko-eje gə tuji.

2 Timoce 2:21

Be ɓa dəw gə sangə rɔ-ɛ gə maj-ɛ, gə ngom rɔ-ɛ dɔ neɗa gə kṵra̰y gə nama a to to gə bay gə a ta kəm nj-ɛ ngaɓa a to ɔji dɔ kula gə gə maj-ɛ tɔ̰y.

Tite 1:16

ꞌƊa rɔ-je to to gə dəwje gə gərə Luba be ngaa kula ɗa-je gə kṵra̰y ja d-a gərə-je ne. ꞌToje yɛm gə nje dɔ ngangəje ngaɓa d-asə ɗa ne gə may kara ang.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Tite 3:14

May kar njekar-sijee kara ndo ne kula ɗa gə may dɔ-je gə kede-kede mba kar ndɔ gə ne ce dɔ-je gə bus nama ꞌɗa ne, be ɓa kandə takagə lə-je a to ne.

Tite 3:8

Tar gə m-pa nee le to tar gə tɔgərɔ, ɗaa may kar ore kəm-i kəne ndəng mba ndəji ne nje gə d-unda mə-je dɔ Luba gə mba kar ꞌɗa ne kulaje gə may gə kede-kede. Ye ɓa to ne gə may gə to kəm kar njetakagə ꞌɗa!

Ebərəje 13:21

may kar n-ar-si singa ɗa ne tɔ̰y gə may mba ɗa ne mə njigi lə-a; may kar n-ɗa ne gə ləl-e mə-si gə ɗəw gə lə Jeju Kirisi, gə rɔnduba to k-ɛ gə ɓalje ɓalje! Oyo!

2 Piyɛr 1:12

Gəl-e gə nee ɓa, m-a kole mə-si taar-taar dɔ neje gə nee le, to neje gə ꞌgərəje nam ja ngaa mba kar ꞌɓije ne dɔ tar gə tɔgərɔ gə ɓogəne.

Jude 1:5

Sisəy gə ꞌgərəje ne gə nee tɔ̰y le, m-njigi kole mə-si to gə, logə Mbayɓe ɔr dəwje gə Ijirayɛl dɔ nangə gə Ejipətə ce gə je ɗaa, ɗa ar nje məkədərəje d-uba tuji go-je gə.