Tite 2:8 - Mbede Lə Luba Kone Gə Sigi

⁸ tar gə gadə-gadə ɓa ar-ɛ ce ta-i gə, gə dəw a kasə ma̰y ang mba kar rɔ kul uwa ne nje kəm tarje lə-si ngaɓa kar d-inga ne ɗəw kara gə d-a pa ne tar gə kṵra̰y dɔ-si gə ang.

Testament ke Siki 1960 (Kabba Laka)

⁸ Ke tar ke gaté gaté ke dase gange saria dè té ang, baa ta kare ròkoul doou ke ndjè mbeténa, ke ta kare nè néh ke tar ke madjang ta pa dòdjè té ang.

Tite 2:8 ပူးပေါင်းရင်းမြစ်များ

Marəke 12:17

Be ɓa, Jeju pa ar-je na: Ne lə Sejar nama ar-je Sejar, a to gə ɓo ne lə Luba nama ar-je Luba, ɗaa lo tar igi-je sɛl.

Marəke 12:28

Dəw kara horo njekɔr gəl toronduje gə tuga mbi-a o ndu-je lo ma̰y tar gə ɗaa, o to gə Jeju ila Sadusiyɛ̰je kəne gə maj-ɛ ɗaa, n-gɛsə gə mbɔr Jeju gə ngaɓa dəji-e na: Ndu gə ɗa ɓa to ɓəəl unda mar-ɛje tɔ̰y wa?

Marəke 12:32

Njekɔr gəl torondu le pa na: May boy, Njenetɔji, tar gə ꞌpa le to tar gə tɔgərɔ ja. Mbayɓe le to Luba gə kara baa ɗəgədə ngaɓa Ye gə nje kunda-a kəne gə ɗangə godo;

Marəke 12:34

Logə Jeju o to gə n-ila kəne gə go negərə ɗaa, ila-a kəne na: ꞌI le nay əw ang baa gə Ɓeko̰ lə Luba, ɗaa dəw kara kara asə dəji-e tar ang ngaa.

Lugu 13:17

Logə Jeju pa tar to gə be ɗaa, rɔ kul ɗa nje kəm tarje lə-a, ɗaa rɔ bula dəwje tɔ̰y ləl-je mba neje gə may gə Jeju ɗa.

2 Thessaloniciendjé 3:14

To gə ɓo dəw ila kuji dɔ tar gə ja ɗa mə mbede gə nee le ang nama, ꞌtən-eje oje gə maj-ɛ, ɗaa ɔs-ɛje ngərəng mba kar rɔ kul uwa-a.

1 Timoce 5:14

Gəl-e nee ɓa, m-njigi kar jene ndubaje gə ꞌnay mandə ɓi ꞌta ngaw, d-uji nganje, ꞌngom-je mə kəy lə-je mba kar njeba̰a̰ inga ɗəw tuji ri-je ang.

1 Timoce 6:3

To gə dəw gə ɗa-ɗa ɓa tɔji ne gə dang baa ose nja mə tar gə lə Mbayɓe Jeju Kirisi, ose nja gə go nendo gə ɔji kila kuji dɔ ne gə lə Luba ang nama,

Tite 3:14

May kar njekar-sijee kara ndo ne kula ɗa gə may dɔ-je gə kede-kede mba kar ndɔ gə ne ce dɔ-je gə bus nama ꞌɗa ne, be ɓa kandə takagə lə-je a to ne.

1 Piyɛr 2:12

Ar-je pa nja-si to gə maj-ɛ horo dəwje gə ꞌgərə Luba ang gə, mba kar logə ꞌpa na ꞌɗaje ne gə kṵra̰y kəne nama, kula ɗa si gə may ɓa d-o kəne ngaɓa kar d-ɔsə ne gaji Luba dɔ ndɔ ɗe gə lə-a.

1 Piyɛr 2:15

mba Luba njigi kar pa nja-si to gə maj-ɛ ar mbəje d-o ne lo pa tar ang,

1 Piyɛr 3:16

ɗaa ꞌpaje gə ndu gɔsə gə kul yururu gə kila kuji, ar-je kəji gə may ɓa uwa mə-si, mba kar lo gə d-aw ꞌpa gə si kəne nama, rɔ kul ɗa ne nje pa tarje gə kṵra̰y dɔ pa nja-si gə may gə ɗəw gə lə Kirisi.