Romaindjé 8:39 - Mbede Lə Luba Kone Gə Sigi

³⁹ singamongəje ang nəm, nekundaje gə dara ang nəm, nekundaje gə nangə nee ang nəm, nekunda gə ɗa-ɗa kara a kɔr sijee mə njigi gə Luba njigi sijee ɗəw gə lə Mbayɓe lə-sijee Kirisi Jeju le ang.

Testament ke Siki 1960 (Kabba Laka)

³⁹ Aséh né ke ngal, aséh né ke ourou, aséh mare né ke nda mbä da kase ta kaidjè ndiki té lo Allah ang ke to mè Christ Jésus té Mbaibé lodjè.

Romaindjé 8:39 ပူးပေါင်းရင်းမြစ်များ

Matiye 24:24

Mba kirisije gə gə mbɔr-ɛ baa gə Pajambərəje gə gə mbɔr-ɛ baa d-a ɗe ɗa netɔjije gə to ɓəəl to ɓəəl, gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə Luba mbərə-je ja kara nəm.

Jean 16:27

mba Bɔ dəwje gə darɔ-ɛ ja njigi-si mba ꞌnjigi-mje ɗaa ꞌtaje kagə-m to gə m-ḭ rɔ Luba gə.

Jean 17:26

M-kila dɔ ri-i m-ar-je ꞌgərə ɗaa m-a kila kar-je gərə ja ɓi mba kar njigi gə ꞌnjigi-m le to mə-je gə ngaɓa mba kar ꞌma kara m-ga̰ ne mə-je gə tɔ.

Jean 3:16

Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ.

Romaindjé 1:7

m-ɗa mbede nee m-ar-sisəy tɔ̰y gə isije Rɔm, gə Luba njigi-si ya̰, gə ꞌɓar-si kar ꞌtoje gə losang-ɛ le: May kar Bɔ-sijee Luba gə Mbayɓe Jeju Kirisi d-ar-si mənuji gə ɗɛgɛgɛ!

Romaindjé 11:33

Əy, nebaw lə Luba to ɓəəl ya̰, kəm karə gə negərə lə-a nəm! Kila kagə dɔ tarje gə lə-a na ɓa asə gərə wa? Ngaɓa na ja a kasə gərə neje gə n-gɔl mba ɗa wa?

Romaindjé 5:8

Ngaa, ɗəb-e gə nee ɓa Luba tɔji ne njigi gə n-njigi sijee, logə j-a to njeneɗaje gə kṵra̰y baa ɓi ja, Kirisi uy mba-si.

Romaindjé 6:23

Mba kuga lə neɗa gə kṵra̰y to yo; ngaa nekarə baa lə Luba to təbə gə gə ndɔ gə ndɔ ɗəw gə lə Mbayɓe lə-sijee Kirisi Jeju.

Romaindjé 8:1

Ɓisine ɗaa tar kara kara uwa dɔ nje gə d-um naa gə gə Kirisi Jeju ang.

Romaindjé 8:35

Na ja a kɔrə sijee mə njigi gə lə Kirisi wa? ꞌMəsərə, ose kar gə gəd gədə, ose nekəmandoo, ose ɓo, ose kaw kudu dum, ose ne gə a ce yo, ose kiya bayi wa?

2 Corinthiendjé 11:3

Be ja kara, ɗəw kara baa to gə li ərə ne Ɛbə gə gusu le, kar-m gədə-m gədə mba kar kəji lə-si turu buguju ngaɓa ɔsə-si ila-si əw gə lo kum naa gə lə-si, gə lo sangə rɔ gə lə-si mba Kirisi.

2 Corinthiendjé 2:11

mba kar ꞌSu uba singa dɔ sijee gə ang, sijee le ja gərə kula ɗ-ɛ som.

Ephésiendjé 1:4

ɗaa Luba mbərə ne sijee, ɗəw gə lə Kirisi, kede ləw baa nam ɓa gəl dara gə gəl nangə to, mba kar j-a to gə losang-ɛ ngaɓa kar tar uwa dɔ-si no-ɛ gə ang. Dan njigi gə lə-a,

Philippiendjé 3:12

Ə̰ə̰ə̰, m-pa na m-ce kəne nam ose m-arə ngadə nam ngaa ang, ngaa m-aw ndole go-e gə ndole ja ɓi ɗaa, m-unda mə-m mba kuwa gə ji-m ja, mba ꞌma kara Kirisi Jeju ula ji-a uwa-m ne tɔ.

Philippiendjé 3:3

Mba njekunja bərəje gə tɔgərɔ le to sijee, gə j-aw polo Luba ɗəw Njil Luba gə, gə j-ila ne riɓar dɔ Kirisi Jeju gə, ngaɓa j-unda kar-si gə ne gə darɔ gə ang.

Philippiendjé 3:8

Ngaɓa m-o ne tɔ̰y gə ne gə baa mba m-gərə Kirisi Jeju gə Mbayɓe lə-m m-ar al dɔ lo. Mb-ɛ ꞌne ja m-mbadə ne neje tɔ̰y ngaɓa m-o ne tɔ̰y gə dɔ yibi mba kinga ne Kirisi.

2 Thessaloniciendjé 2:4

ꞌNe gə n-to nje kəm tar n-un rɔ-ɛ n-unda dɔ neje tɔ̰y gə ꞌɓar-ɛ Luba ose ne gə d-a polo ngaɓa n-aw saar n-isi mə kəy gə lə Luba, ngaɓa n-ɗa rɔ-ɛ to gə ꞌne ja to Luba be.

1 Jean 4:16

Cibi sijee le, j-a gərə njigi gə Luba njigi-si, j-a ta ne kag-ɛ. Luba to njigi; dəw gə njigi to m-e gə nama, um naa gə Luba, ngaɓa Luba kara isi m-e gə tɔ.

1 Jean 4:19

Ye gə ɔji dɔ sijee ɗaa, njigi to mə-si gə mba ꞌne ja n-njigi-si dɔngɔr.

Apocalypse 12:9

D-ɔs-ɛ d-ila-a dɔ nangə gə nee, da kɔb gə boy, gə to li gə kede ləw, ꞌne gə d-unda ri-a na ꞌSɛ̰ngərɛ̰ gə ꞌSu, ꞌne gə n-ɗa n-ar dəwje gə d-isi dɔ nangə tɔ̰y ꞌndəəm, d-ɔs-e d-ila-a nangə, ngaɓa anjije lə-a kara d-ɔsə-je d-umje sə-a tɔ.

Apocalypse 13:14

N-ərə dəwje gə d-isi dɔ nangə nee gə n-ɗa netɔjije ta kəm da kɔr gə le n-sula neje n-ar ꞌɗa ndaji da kɔr gə inga do kiya bayi ɓa təl isi kəm baa le.

Apocalypse 19:20

D-uwa da kɔr le naa gə kara baa gə pajambərə gə gə mbɔr-ɛ baa, gə nje ɗa netɔjije lə-a no gɔl-ɛ gə, kərə ne dəwje ar d-ɔsə ndaji da kɔr rɔ-je gə ngaɓa ar d-um məkəji-je no ndaji-ɛ gə le tɔ. Joo kɛm ja d-umje kəm baa dan pər gə dan sori gə ta yɛg-yɛg.

Apocalypse 2:24

Kar-sisəy ɗaa, m-pa m-ar nje gə kɛm gə d-isi Tiyatir. Nje gə tɔ̰y gə ꞌta tar sula lə-a ꞌne gə Jejabɛl nee ang nəm, ngaɓa d-ula rɔ-je bababa dan negərə gə lə ꞌSu ang, to gə ꞌpa ne tar-ɛ le: ꞌMa m-unda nekodo gə uway gə ɗangə dɔ-si gə ang.

Apocalypse 20:3

N-ila-a mə buwa wəl gə sṵra̰ godo, ɗaa n-udu t-ɛ badə ngaɓa n-ɔsə bəngə ji kəne mba kar n-ərə gəl kuji dəwje n-ar-je ꞌndəm ang saar mba kar ɓal gə tɔl dɔg lo kara udu ta naa bugum. Go-e gə ɗaa, may kar ꞌtudu-e d-ila-a tar asə dɔ kar njɛ̰ be.

Apocalypse 20:7

Logə ɓal gə tɔl-tɔl dɔg lo kara le a kudu ta naa bugum ɗaa, d-a kɔr ꞌSu kəy kula gə lə-a kila-a taar,