Romaindjé 8:3 - Mbede Lə Luba Kone Gə Sigi

³ Ne gə torondu asə ɗa ang, mba mbɔr-ɛ lə darɔ ɓa Luba ɗa, ula Ngon-e ja ar-ɛ un darɔ gə ta naa gə njeneɗa gə kṵra̰y be, ila ne tar dɔ neɗa gə kṵra̰y gə darɔ gə,

Testament ke Siki 1960 (Kabba Laka)

³ Mbata né ke tar ndedji ase ta da ang, mbata da rò toudjou singa la, deo koula Ngonè dé asena ke da rò ke to madjang, mbata né ke madjang, Allah gange saria né ke madjang mè da rò té.

Romaindjé 8:3 ပူးပေါင်းရင်းမြစ်များ

Marəke 15:27

ꞌƁər-e kagə dəsə gə gə gayimje joo mbɔr-ɛ gə, dəw gə kara dɔ ji kɔl-ɛ gə, ꞌye gə kara dɔ ji gəl-e gə tɔ.

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 9:24

Parijiyɛ̰je ꞌɓar nje kəm tɔ le gə gɔl joo lə-a ɗaa ꞌpa d-ar-ɛ na: Ɔsə gaji Luba! Sijee j-a gərə to gə dəw gə nee le to gə njeneɗa gə kṵra̰y

Koula 13:39

Dəw gə ta kag-ɛ nama tar neɗaje gə kṵra̰y gə torondu Moyiji asə kɔr tar-ɛ dɔ-ɛ gə ang le a kɔr dɔ-ɛ gə.

Romaindjé 3:20

Mba dəw kara ja gə a to gadə-gadə no Luba gə go kila kuji dɔ torondu gə ang, mba torondu le ɔr ta ɗəw ar dəwje ꞌgərə ne neɗa gə kṵra̰y.

Romaindjé 6:6

j-a gərə-je to gə pa nja lə-si gə ləw le ꞌɓər-e sə-a kagə dəsə gə, mba kar darɔ gə neɗa gə kṵra̰y kəne nee le tuji ne ngaɓa mba kar j-a to ne ɓərəje lə neɗa gə kṵra̰y ang ngaa;

Romaindjé 7:18

Mba m-gərə: m-njigi pa to gə darɔ-m ꞌma gə ja, ne gə may godo kəne. Mba mə-m njigi ɗa may ja ngaa m-ɗa ang.

Romaindjé 8:32

ꞌNe gə Ngon-e ja ɓi ɓa n-ɔr kəm-e ang, ngaa n-un-e mba dəwje tɔ̰y nee le ja n-a kasə kar-si ne tɔ̰y sə-a ɗəw mənuji gə ang wa?

Romaindjé 9:3

Mba m-njinga kar ꞌma ja ɓa kugu uwa-m ngaɓa kar ꞌma ja m-um naa gə Kirisi ang mba may lə ngan ko̰-m, njenujije lə-m gə ɗəw darɔ gə,

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

Galatedjé 3:13

Kirisi uga dɔ-si gəl ndɔɔl gə lə torondu, təl to ne ndɔɔl mba tar lə-si. To gə Mbede pa na: Ndɔɔl uwa dɔ dəw gə ꞌɓər-e kagə.

Galatedjé 3:21

Se torondu tila kəm ndu kunje gə Luba uwa dɔ gɔl-ɛ wa? Bənəng ang baa! To gə Luba a kaji dəw ɗəw torondu gə nama, neɗa gə gadə-gadə a ɗe ɗəw torondu gə ja tɔgərɔ.

Philippiendjé 2:7

ngaa n-uba n-ḭya̰ gə dɔ rɔ-ɛ ja, n-turu rɔ-ɛ gə ɓərə, n-təl n-asə naa gə dəwje, go təl gə n-təl n-unda rɔ dəw nee ɗaa,

Ebərəje 10:12

Ngaa ꞌne le, logə n-un nepolo mba neɗa gə kṵra̰y gɔl kara ja ɗaa, n-isi dɔ ji kɔl Luba gə gə ɓal-ɓal,

Ebərəje 10:14

Mba gə go nepolo gə kara baa ja n-təl ne njekɔr ne tar neɗa gə kṵra̰y dɔ-je gə gə dəwje gə may pɛdə gə dɔbo̰.

Ebərəje 2:14

Be ɓa mba nganje d-um naa gə kara ɗəw məsə gə ɗəw darɔ gə ɗaa, ꞌne kara to to gə be ja n-um ne gə je naa gə ɗəw kuy gə lə-a mba guru ne singa ꞌye gə singamongə yo to ji-a gə, gə to ꞌSɛ̰ngərɛ̰,

Ebərəje 2:17

Cibi ɓa ɗəw neje gə tɔ̰y ja n-a təl ta naa gə ngan ko̰-ɛ kəne ɓa gə mba təl to buba njekapolo gə nje ɗa məmay, gə dəw gə gadə-gadə, ɗəw kula gə lə Luba kɔr ne tar neɗa gə kṵra̰y dɔ dəw mə ɓeje gə.

Ebərəje 4:15

Mba buba njekapolo lə-si le a kasə kum gə si naa gə dɔ ɗəəm gə lə-si ja, gəl-e gə ne ɓa ꞌne kara nena ce dɔ-ɛ gə ɗəw kara baa to to gə sijee be ja tɔ, ngaa n-ɗa neɗa gə kṵra̰y ang.

1 Piyɛr 2:24

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.