Romaindjé 8:29 - Mbede Lə Luba Kone Gə Sigi

²⁹ Mba nje gə n-gərə-je kede nam le, n-gɔl kede mba kar ꞌta naa gə ndaji Ngon-e, kar Ngon-e nee le to ne ngon dəər no ngan ko̰ naaje gə bula.

Testament ke Siki 1960 (Kabba Laka)

²⁹ Mbata dèdè ke nè ngeredè dongor, nè ntouradè dongor to, ta karedè ndé dasena ke ndii lo Ngonè, tokou ban ta kare nè nase dé to ngon dere horo ngaködjèdjè té ke baya.

Romaindjé 8:29 ပူးပေါင်းရင်းမြစ်များ

Matiye 12:50

Mba, dəw gə ɗa-ɗa gə ɗa mə njigi lə Bɔ-mje gə isi mə dara gə nama, nj-ɛ nee ɓa to ngon ko̰-m, ko̰ nan-m gə ko̰-mje.

Matiye 25:40

Ɗaa Mbay le a təl kila-je kəne na: Tɔgərɔ ja, m-pa m-ar-si, lo gə ɗa gə ja ɓa ꞌɗaje məmay gə dəw kara baa ja horo ngan ko̰-mje gə nee ɗaa, to ꞌma ja ɓa ꞌɗaje sə-m kən.

Matiye 28:10

Ɗaa Jeju pa ar-je na: ꞌƁəəlje ang, awje aw paje ar-je ngan ko̰-mje ar-je d-aw dɔ nangə Galile: Ye ɓa d-a kinga-m kəne.

Matiye 7:23

Lo-e gə əng ɗaa m-a pa karəje təsərə na: M-gərə-si ndɔ kara ang, sə-i nje ɗa ne dɔ buguruje, ɔdəje ta-m gə gə nu.

Jean 17:16

ꞌToje gə dɔ nangə gə nee ang, ɗəw kara baa to gə ꞌma kara m-to gə dɔ nangə gə nee ang tɔ.

Jean 17:19

ꞌMa ja gə dɔ-m kara, m-sangə rɔ-m mba tar lə-je, mba kar ꞌjejee ja kara, d-unda-je gə losang-ɛ ɗəw tar gə tɔgərɔ gə.

Jean 17:26

M-kila dɔ ri-i m-ar-je ꞌgərə ɗaa m-a kila kar-je gərə ja ɓi mba kar njigi gə ꞌnjigi-m le to mə-je gə ngaɓa mba kar ꞌma kara m-ga̰ ne mə-je gə tɔ.

Jean 20:17

Jeju pa ar-ɛ na: Ɔr rɔ-m ang, mba m-aw ɓə lə Bɔ dəwje ang baa ɓi. Ɗaa aw inga ngan ko̰-mje ꞌpa ar-je to gə m-aw gə rɔ Bɔy gə, gə Bɔ-sisəy-je gə ngaɓa Luba lə-m gə Luba lə-sisəy tɔ.

Romaindjé 11:2

Luba mbadə dəw mə ɓeje lə-a gə ye gərə-je kede nam le ang. Ose mə-si uy dɔ tar gə Mbede pa ɔji dɔ Eli gə səgə Ijirayɛl no Luba gə le wa:

Romaindjé 13:14

Ngaa, Mbayɓe Jeju Kirisi ɓa may kar-si ula-aje gə kubu rɔ-si gə, ɓo ar-je ɓo gə darɔ gə o̰ dɔ-si ar-si ꞌɗa-je mə njigi lə-a ang.

Romaindjé 9:23

Ngaɓa mba kar ꞌgərə ne nebaw riɓar lə-a gə ɔji dɔ bayje gə kar məmay gə gə n-gɔl kede mba rɔnduba.

1 Corinthiendjé 15:49

Ngaɓa, ɗəw kara baa to gə ja to ndaji ꞌye gə nangə nee le, j-a to ndaji ꞌye gə dara tɔ.

1 Corinthiendjé 2:7

Ngaa j-a pa tar kəm karə lə Luba, gə to ne gə to lokiya gə, gə d-iya gə kiya, gə Luba uwa dɔ gɔl-ɛ kede ləw-ləw baa mba riɓar lə-sijee,

1 Corinthiendjé 8:3

Ngaa to gə ɓo dəw njigi Luba nama Luba gərə nj-ɛ nee le tɔ.

2 Corinthiendjé 3:18

Sijee tɔ̰y gə ta kubu nee godo kəm-si gə le, j-a tɔji riɓar lə Mbayɓe gə ɗaga ta kəm-si gə to gə tatara gə dəw o ne rɔ-ɛ be. Mbayɓe gə to Njil mbəl si ar j-a ta sə-a naa dan riɓar gə ɔsə dɔ naa gə kede-kede.

Ephésiendjé 1:11

Ɗəw gə lə Kirisi le ja tɔ ɓa, sijee gə Luba ɔr-si unda-si gə kəm-e kede ləw baa le, j-inga ne nenduba gə ɔji dɔ-si, ɗəw neje gə ꞌne gə Luba ja n-uwa dɔ gɔl-ɛ nəm, gə neje tɔ̰y gə n-ɗa n-ɔji ne go mə njigi lə-a ꞌne ja,

Ephésiendjé 4:24

ɗaa unje darɔ gə sigi gə Luba unda-a ɗəw neɗa gə dana gadə, gə ɗəw nesangə gə to gə kandə tar gə tɔgərɔ le ula-aje rɔ-si gə.

Philippiendjé 3:21

gə a mbəl darɔ gə a kuy nee le kar ta naa gə darɔ-ɛ gə a kuy ang gə go singamongə lə-a gə dum ne dɔ neje tɔ̰y.

Colossiendjé 3:10

Be ɓa unje pa nja gə sigi gə aw dɔ-ɛ gə kede-kede mba kun ne ndaji njekunda gəl-e mə-si gə mba kar ꞌgər-eje ne ɔr njal.

2 Timoce 1:9

Luba ja aji-si cibi ɓa ɓar-si gə ɓar gə arə ngadə, ɓo gə go kula ɗa si ang ngaa gə go mənuji ɓa n-gɔl ne to gə be ɗəw gə lə Jeju Kirisi kede ləw nam ɓa n-unda dara je gə dɔ nangə ɓi.

2 Timoce 2:19

Tar gə tɔgərɔ gə Luba ja ula ngira nangə: Mbayɓe gərə dəwje tɔ̰y gə to njeka-ɛje, ngaɓa ɓo na-na ja ɓa pa na n-to nje kar Luba nama a kɔsə neɗa gə dɔ buguru rəw ɓa.

1 Piyɛr 1:2

Luba mbərə-si kede nam, ɗəw gə Njil unda-si ne gə losang-ɛ mba kar ila-je ne kuji dɔ Jeju Kirisi gə ɓo kar ꞌtusu ne məs-e dɔ-si gə, ɗaa may kar mənuji gə ɗɛgɛgɛ ɔsə kudu naa ngug-ngug dɔ-si gə.

1 Piyɛr 1:20

ꞌmbər-e kede nam ɓa d-unda dara gə dɔ nangə ngaa ɓisine ꞌkila gə ɗaga dɔ ɗudu ndɔ gə nee mba tar lə-si.

1 Jean 3:2

Sisəy ngan ko̰-mje gə m-njigi-si ya̰, ɓisine j-a toje nganje lə Luba, ɗaa pa kunda rɔ-si gə dɔ ndɔ gə bara le kila rɔ-ɛ gə ɗaga ang ɓi, ngaa j-a gərə lo n-a kila rɔ-ɛ gə ɗaga nama, j-a ta sə-a naa mba j-a ko-e lo kunda rɔ-ɛ gə.

Apocalypse 13:8

Dəwje tɔ̰y gə d-isi dɔ nangə gə nee, gə ri-je godo mə mbede təbə gə lə ngon badəm gə d-uja-a gə ne məsə, un kud-e lo kunda gəl nangə gə ja, d-a pol-e ꞌne gə da le.