Romaindjé 8:28 - Mbede Lə Luba Kone Gə Sigi

²⁸ Ngaɓa j-a gərə to gə neje tɔ̰y ꞌmbo̰ naa kara baa ɗa ne mba may lə nje gə ꞌnjigi Luba, gə nje gə n-ɓar-je gə go ɗəw gə ꞌne ja n-gɔl.

Testament ke Siki 1960 (Kabba Laka)

²⁸ Djèdjè ngeré né toï mbona ta da madji ke dèdè ke ndiki Allah, dèdè ke mmardè deo né té ke nè ndiki.

Romaindjé 8:28 ပူးပေါင်းရင်းမြစ်များ

Marəke 12:30

ɗaa ꞌi a njigi Mbayɓe, Luba lə-i, gə ngaw ur-i tɔ̰y, gə kəm lə-i tɔ̰y, gə kəji negərə lə-i tɔ̰y ngaɓa gə singa-i tɔ̰y.

Koula 13:48

Dəwje gə to Jiibije ang le d-o tar gə nee le ɗaa ꞌɗa rɔləl ngaɓa d-ula rɔnduba dɔ tar gə lə Mbayɓe. Be ɓa dəwje tɔ̰y gə Luba mbərə-je mba təbə gə gə ndɔ gə ndɔ le, ꞌta kagə.

Romaindjé 11:29

Mba nekarə baa lə Luba gə ɓar lə-a le tḭ ang.

Romaindjé 8:30

Ngaɓa nje gə n-gɔl mba-je kede nam le, n-ɓar-je tɔ, ngaɓa nje gə n-ɓar-je le, n-tura-je gə dəwje gə gadə-gadə, cibi nje gə n-tura-je gə dəwje gə gadə-gadə le, n-ula rɔnduba dɔ-je gə tɔ.

Romaindjé 9:11

mba logə nganje le d-uji-je ang ja ɓi ngaɓa ꞌgərə ne gə kṵra̰y gə ne may ang ɓi ja ngaa mba kar ne gə Luba ɔji mba ɗa le aw ne lo-e gə,

1 Corinthiendjé 1:2

J-a ɗa mbede nee j-ar Mbo̰ naa lə njetakagəje lə Luba gə to Kɔrɛnt, nje gə d-unda-je gə losang-ɛ gəl Kirisi Jeju gə, mba kar-je ꞌto njerɔsangəje gə go ɓar gə ꞌɓar-je, naa gə kara baa gə sijee tɔ̰y, gə lo tɔ̰y gə ꞌɓar ri Mbayɓe Jeju Kirisi gə to Mbayɓe lə-sijee gə lə-ꞌjejee tɔ.

1 Corinthiendjé 1:24

Be ja kara, nje gə ꞌɓar-je, Jiibije ang nəm, gə dəwje gə ꞌgərə Luba ang nəm le d-o Kirisi gə singamongə lə Luba ngaɓa gə kəm karə lə Luba tɔ.

1 Corinthiendjé 1:9

Luba gə ɓar-sisəy um-si naa gə gə ngon-e Jeju Kirisi Mbayɓe lə-sijee le, to Luba gə gadə-gadə.

1 Corinthiendjé 2:9

Ngaa to gə ꞌɗa ne mə mbede gə na: Ne gə kəm o ang, ne gə mbi o ang, ngaɓa andə dɔ ɓəngərə dəw gə ang, ne gə Luba gɔl mba nje gə ꞌnjigi-e.

2 Corinthiendjé 5:1

Be ɓa, sijee j-a gərə gə maj-ɛ to gə darɔ-si gə to kəy kisi gə dɔ nangə gə nee le, to kəy lo gə d-a tḭ, sijee j-aw gə kəy gə Luba ɓa unda gəl-e mə dara gə, to kəy kisi gə a to gə ndɔ gə ndɔ, ɗaa kəy gə nee le ji dəw ɓa ɗa ang baa.

Galatedjé 1:15

Ngaa, logə Luba mbərə-m mə ko̰-mje gə, gə go ɗəw mənuji lə-a ɗaa ɓar-m.

Galatedjé 1:6

M-a pḭḭ, m-gərə ang, se ban cibi ɓa ꞌturuje rɔ-si pagəsa mba kḭya̰ go ye gə nje ɓar-si ɗəw mənuji gə lə Kirisi mba ta ne Tar gə May gə ɗangə wa?

Galatedjé 5:8

Kɔgə gə d-ɔgə si le, gəl-e ḭ ɓə lə ye gə nje ɓar-si ang.

Ephésiendjé 3:11

gə go ne gə Luba uwa dɔ gɔl-ɛ lo kuma kudu ne gə ləw baa ɗəw gə lə Kirisi Jeju, Mbayɓe lə-sijee.

Ephésiendjé 4:1

M-ndəji-si, ꞌma gə m-to kəy kula gə mba to gə m-to ngon njekula lə Mbayɓe le, mba kar-si ꞌnjaje pa nja gə dana gadə gə go njigi gə ꞌnjigije ta ɓar gə ꞌɓar-si gə,

Philippiendjé 3:14

m-a̰y ngɔdə dɔ-m gə ne gə m-kuji gə, mba kinga nekuga dɔ ji ɓar gə Luba ɓar-m ɗəw gə lə Kirisi Jeju.

1 Thessaloniciendjé 5:9

Mba Luba uwa dɔ gɔl sijee mba wungu ang, ngaa mba kaji gə ɗəw gə lə Mbayɓe lə-sijee Jeju Kirisi,

2 Timoce 1:9

Luba ja aji-si cibi ɓa ɓar-si gə ɓar gə arə ngadə, ɓo gə go kula ɗa si ang ngaa gə go mənuji ɓa n-gɔl ne to gə be ɗəw gə lə Jeju Kirisi kede ləw nam ɓa n-unda dara je gə dɔ nangə ɓi.

2 Timoce 2:19

Tar gə tɔgərɔ gə Luba ja ula ngira nangə: Mbayɓe gərə dəwje tɔ̰y gə to njeka-ɛje, ngaɓa ɓo na-na ja ɓa pa na n-to nje kar Luba nama a kɔsə neɗa gə dɔ buguru rəw ɓa.

Ebərəje 9:15

Gəl-e gə nee ɓa n-to ne nje gɔl tar lə kone gə sigi, ɓa gə mba kar kuy lə-a ja tar neɗaje gə kṵra̰y gə gəl kone gə dɔngɔr gə ɔr ne dɔ nje gə ꞌɓar-je gə, d-inga ne nenduba gə d-uwa dɔ gɔl-ɛ gə a to saar gə no.

Jacques 1:12

Nokarə to ɔji dɔ dəw gə uwa gədərə ta nena gə; mba go nena gə ce dɔ-ɛ gə le, n-a kinga jɔgə təbə gə Mbayɓe uwa dɔ gɔl-ɛ ngina ne dəwje gə ꞌnjigi-e.

Jacques 2:5

Ngan ko̰-mje gə m-njigi-si ya̰, ꞌtugaje mbi-si oje: Se Luba ja ɓa mbərə nje gə ꞌto gə njendooje kəm dəwje gə dɔ nangə nee ɓa mba kar ꞌtəl to gə bawje ɗəw takagə, ngaɓa gə nje kuwa nendubaje gə mə ɓeko̰ gə lə-a, gə n-uwa dɔ gɔl-ɛ n-ngəbə nje gə ꞌnjigi-e le ang wa?

1 Piyɛr 2:9

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.

1 Piyɛr 3:9

Dəw ɗa si kṵra̰y nama ꞌɗ-ɛje kṵra̰y ba̰a̰ mar-ɛ gə ang nəm, ngaɓa ꞌtaji-si kara ꞌtəl ꞌtajije dəw toro mar-ɛ gə ang, sisəy ɗaa ndu ɓa ꞌtɔrje dɔ dəw gə, mba ye ɓa ꞌɓar-si mb-ɛ, mba kar ingaje ndu tɔr gə neduba.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

1 Jean 4:10

Ɗəw njigi gə Luba njigi-si le, to gə sijee ɓa j-a njigi-e kede ang baa, ngaa ꞌne ja ɓa n-njigi-si dɔngɔr ngaɓa n-ula Ngon-e to gə nekuga dɔ neɗa gə kṵra̰y lə-si.

1 Jean 4:19

Ye gə ɔji dɔ sijee ɗaa, njigi to mə-si gə mba ꞌne ja n-njigi-si dɔngɔr.

Apocalypse 3:19

Dəwje tɔ̰y gə ꞌma m-njigi-je le, m-ndangə-je gə m-siri-je. Ḭ nja̰y ɓo ꞌturu kəji lə-i.