Romaindjé 8:17 - Mbede Lə Luba Kone Gə Sigi

¹⁷ Be ɓa, to gə ɓo j-a to ngan-ɛ nama j-a to nje kuwa nendubaje tɔ, nje kuwa nendubaje lə Luba, ngaɓa nje baa kuwa nendubaje gə Kirisi, mba to gə ɓo tɔgərɔ ja j-o sə-a ꞌməsərə naa gə nama, d-a kula rɔnduba dɔ-si gə sə-a naa gə.

Testament ke Siki 1960 (Kabba Laka)

¹⁷ Ke tokou djèdjè nto ngandjé, djèdjè nto ndjè kwaa né ndouba, ndjè kwaa né ndouba lo Allah, ke ndjè kwaa né ndouba naaté ke Christ, tokou djinga né ongou deo kadaba sa, baa ta kare djase ta kinga ndokoo deo kadaba sa tò.

Romaindjé 8:17 ပူးပေါင်းရင်းမြစ်များ

Matiye 16:24

Be ɓa Jeju təl pa ar ngan njenendoje lə-a na: To gə ɓo dəw gə njigi kuwa go-m nama, to may kar mbadə darɔ-ɛ, odo kagə dəsə lə-a, ɗaa uwa ne go-m.

Matiye 25:21

ꞌƁəə-eje pa ar-ɛ na: May ya̰, ꞌto ngon njekula gə to ngon kuji ja, m-ar-i ne njɛ̰ baa ja ne to ngon kuji kəne ɗaa m-a kum neje gə bo ya̰ ja ngaa mə ji-i gə, ꞌɗe ꞌɗa sə-m rɔləl.

Lugu 12:32

Sisəy gə ꞌtoje nekuulje gə njɛ̰, ar-je mə-si ila kasə ang, mba rɔ Bɔ-sijee ləl-e mba kar-si ɓeko̰ le.

Lugu 24:26

To may kar Kirisi, dəw gə d-uwa dɔ-ɛ gə ubu le, o ꞌməsərə gə nee, ngaɓa a kandə dan riɓar gə lə-a le ang wa?

Jean 17:24

Bɔ dəwje, m-njigi mba kar lo gə m-ga̰ kəne nama nje gə um-je mə ji-m gə le, ꞌjejee kara ga̰ sə-m kəne ngaɓa d-o rɔnduba gə ula dɔ-m gə tɔ, mba ꞌnjigi-m kede ləw baa nam ɓa unda neje.

Koula 14:22

d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

Koula 20:32

Ngaɓa ɓogəne m-iya̰ si mə ji Luba gə, gə tar mənuji gə lə-a, gə a kar-si singa kar tɔgə dɔ takagə gə ngaɓa gə go tar lə-a ja na kar-si ne neduba horo dəwje tɔ̰y gə ꞌto gə losang-ɛ.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Romaindjé 5:17

To gə ɓo mba kal tar lə dəw kara baa ɓa yo o̰ ne ɓe ɗəw gə lə-a, ngaa ɓədə ɓa nje gə d-inga mənuji gə nekarə baa kar gadə-gadə gə al dɔ lo d-a ko̰ ɓe dan təbə gə ɗəw gə lə Jeju Kirisi gə gə kar-e ne wa?

Romaindjé 8:3

Ne gə torondu asə ɗa ang, mba mbɔr-ɛ lə darɔ ɓa Luba ɗa, ula Ngon-e ja ar-ɛ un darɔ gə ta naa gə njeneɗa gə kṵra̰y be, ila ne tar dɔ neɗa gə kṵra̰y gə darɔ gə,

1 Corinthiendjé 2:9

Ngaa to gə ꞌɗa ne mə mbede gə na: Ne gə kəm o ang, ne gə mbi o ang, ngaɓa andə dɔ ɓəngərə dəw gə ang, ne gə Luba gɔl mba nje gə ꞌnjigi-e.

2 Corinthiendjé 1:5

Be ɓa, ɗəw kara baa to gə j-o ko̰ ne gə Kirisi ya̰ le, Kirisi kara to gə be ja tɔ ɓa kul mə-sijee gə dɔ mar-ɛ gə dɔ mar-ɛ gə.

2 Corinthiendjé 1:7

Ngaɓa j-uwa ne kunda mə lə-sijee gədərə j-ɔji ne dɔ sisəy mba ja gərə to gə ꞌməsərəje gə oje gə sijee le, ingaje ne nekul mə naa gə kara baa gə sijee tɔ.

Galatedjé 3:29

Cibi, sisəy tɔ̰y ꞌtoje kar Kirisi, ɗaa ꞌtoje gəl kuji Abəraham, nendubaje gə ɗəw ndu kun gə Luba uwa dɔ gɔl-ɛ.

Galatedjé 4:7

Be ɓa, ꞌi to ɓərə ang ngaa, ngaa ꞌi to ngon gə kuji kəy ngaa ɓo; to gə ɓo ꞌi to ngon gə kuji kəy nama, ꞌi to nje kuwa nenduba ɗəw gə lə Luba.

Ephésiendjé 3:6

ɗəw gə lə Kirisi Jeju ɗaa, nje gə ꞌto gə Jiibije ang le, ꞌtəl ꞌto gə nje kuwa nendubaje gə ꞌtəl ꞌto gə darɔ gə kara baa, ngaɓa ne gə Luba uwa dɔ gɔl-ɛ le kara to ɔji dɔ-je naa gə kara baa gə Jiibije ɗəw Tar gə May gə.

Philippiendjé 1:29

mba d-ar-si ɗəw gə go mənuji lə Kirisi, kar ꞌtaje kag-ɛ ja kara baa ang ngaa kar oje məsərə mba tar lə-a tɔ,

Philippiendjé 3:10

M-njigi gər-e, ꞌne gə singamongə ce buwa yo gə lə-a ngaɓa ɗa ne sə-a mə kara dɔ ko ꞌməsərəje gə lə-a, ɓa gə mba təl ta ne sə-a naa ɗəw kuy gə lə-a,

Colossiendjé 1:24

Ɓisine ɗaa m-ɗa rɔləl dan ꞌməsərə gə m-o ɔji dɔ-si ngaɓa ɗəw darɔ-m gə ɗaa m-tɔl ta kɛsə ꞌməsərə gə Kirisi o ɔji dɔ darɔ-ɛ gə to Mbo̰ naa lə njetakagəje.

Tite 3:7

be ɓa, n-ɗa-si gə dəwje gə gadə-gadə gə go mənuji lə-a mba kar j-a təl to nje kuwa ndubaje ɗəw ne kunda mə dɔ gə lə-si ɔji dɔ təbə gə gə ndɔ gə ndɔ.

Ebərəje 1:14

Anjije nee tɔ̰y le, ꞌto njilje gə Luba aw ula-je ang baa wa? Luba aw ula-je mba kar ꞌla gə nje d-a kuwa kaji gə neduba.

Ebərəje 1:2

ngaa dɔ ɗudu ndɔje gə nee ɗaa n-pa gə si tar gə ndu ngon-e. N-unda-a gə njekuwa nduba neje tɔ̰y, ngaɓa n-unda neje tɔ̰y ɗəw gə lə-a.

Ebərəje 6:17

To gə be ɓa Luba kara njigi tɔji nje gə uwa dɔ gɔl ne ar-je to gə ndu-e a turu ang ɗaa naji dɔ darɔ-ɛ ye gə,

Jacques 2:5

Ngan ko̰-mje gə m-njigi-si ya̰, ꞌtugaje mbi-si oje: Se Luba ja ɓa mbərə nje gə ꞌto gə njendooje kəm dəwje gə dɔ nangə nee ɓa mba kar ꞌtəl to gə bawje ɗəw takagə, ngaɓa gə nje kuwa nendubaje gə mə ɓeko̰ gə lə-a, gə n-uwa dɔ gɔl-ɛ n-ngəbə nje gə ꞌnjigi-e le ang wa?

1 Piyɛr 1:4

gə dɔ nenduba gə a ndusu ang nəm, a mina ang nəm, gə a to kəm-kəm, ne gə d-uwa dɔ gɔl-ɛ ꞌngina-si mə dara gə,

1 Piyɛr 4:13

Ngaa ꞌɗaje rɔləl mba oje ꞌməsərə gə Kirisi naa gə, mba kar ndɔ gə n-kila ne rɔnduba lə-a gə ɗaga nama ingaje ne rɔləl gə boy.

Apocalypse 21:7

Dəw gə cɛdə ɗɔ nama a kinga nenduba gə nee le, ɗaa m-a to gə Luba lə-a, ɗaa ye a to gə ngon-m.

Apocalypse 3:21

Dəw gə cɛdə ɗɔ nama m-a kar-ɛ isi sə-m dɔ ngəndəng mbay gə lə-m to gə ꞌma kara m-cɛdə ɗɔ ɗaa m-isi gə Bɔy dɔ ngəndəng mbay gə lə-a.