Romaindjé 7:7 - Mbede Lə Luba Kone Gə Sigi

⁷ J-a pa na ɗi wa? Torondu to neɗa gə kṵra̰y wa? Jagə ang! Ngaa, ɗəw gə lə torondu ja baa ɓa m-gərə ne neɗa gə kṵra̰y. Mba, torondu gə na: ꞌI a ɗa kəm kə̰y ang le, to gə ɓo torondu pa ang nama m-a gərə ne gə ri-a na kəm kə̰y ang baa.

Testament ke Siki 1960 (Kabba Laka)

⁷ Tokou ban dja pana di wa? Tar ndedji to né ke madjang wa? Ngadji goto. Tokou tar ndedji pa arem ang, mam ngeré né ke madjang ang. Ma mase geré tar mè ang tokou tar ndedji pa ang, Ase kare eda mè ang.

Romaindjé 7:7 ပူးပေါင်းရင်းမြစ်များ

Matiye 5:28

Ngaa ꞌma, m-pa m-ar-si to gə: Dəw gə a jene ji ɓa ɓo njinga-a m-e gə ɗaa nj-ɛ ɓogo lo to nam.

Lugu 12:15

ꞌNgom-je rɔ-si dɔ mal nekinga gə, mba təbə lə dəw to ɔji dɔ neje gə inga ang baa.

Lugu 20:16

N-a ɗe kar ꞌtɔl njeɗa kula bḭyə̰je nee ɗaa n-a kun bḭyə̰ le kar nje gə ɗangə. Logə Parijiyɛ̰je d-o tarje nee be ɗaa, ꞌpa na: A to to gə be ang!

Koula 20:33

M-ɗa ɓo lar ose maa ose kubu lə dəw ang.

Romaindjé 13:9

Mba torondu gə na: ꞌI a ɓogo lo to ang, ꞌi a tɔl dəw ang, ꞌi a ɓogo ang, ꞌi a gangə tar kunda ta dəw gə ang, ꞌi a ɗa kəm kə̰y ang, ngaɓa torondu gə to ngaw ur toronduje ja na: ꞌI a njigi njemar-i to to gə darɔ-i ꞌi ja be.

Romaindjé 3:20

Mba dəw kara ja gə a to gadə-gadə no Luba gə go kila kuji dɔ torondu gə ang, mba torondu le ɔr ta ɗəw ar dəwje ꞌgərə ne neɗa gə kṵra̰y.

Romaindjé 3:5

Ngaa to gə ɓo neɗa gə dɔ buguru lə-si tɔji gadə-gadə lə Luba gə ɗaga le se, j-a pa na ɗi ngaa wa? Luba tuji ꞌjejee gə wungu lə-a ɗaa, ɗa gə dɔ gɔl-ɛ ang wa? M-pa tar gə go ji neɗa lə dəwje.

Romaindjé 4:1

Ɗi ngaa j-a pa ɔji dɔ Abəraham, ka-sijee gə ləw ɗəw darɔ gə le wa? Ne gə ban ɓa n-inga wa?

Romaindjé 4:15

Mba torondu uji wungu ngaɓa logə torondu godo kəne ɗaa kal tar godo kəne tɔ.

Romaindjé 5:20

Torondu ce mba kar kal tar ba̰y ne gə kede, ngaa lo gə neɗa gə kṵra̰y ba̰y kəne nama mənuji bula kəne al dɔ lo.

Romaindjé 6:15

Ɗi cibi wa! J-a ɗa-je neɗa gə kṵra̰y mba kisi gə j-isije gəl torondu gə ang ngaa j-isi gəl mənuji gə wa? Jagə ang!

Romaindjé 7:11

Mba neɗa gə kṵra̰y inga ɗəw ərə-m ne ɗəw gə lə ndu, ngaɓa ɗəw gə lə neɗa gə kṵra̰y ja m-inga ne yo.

Romaindjé 7:13

Ne gə may le cibi ɓa təl gəl yo-m wa? Jagə ang! Ngaa neɗa gə kṵra̰y ja, mba neɗa gə kṵra̰y le un ne gə may ngaɓa ar təl gəl yo-m, mba kar ɗəw gə lə ndu ja kar dəw gərə ne to gə neɗa gə kṵra̰y le ɓar mii gə kede.

Romaindjé 7:5

Mba kede, logə j-a nay darɔ gə ɓi le, ɓo neɗa gə kṵra̰y ɗa kula rɔ-si gə ɗəw gə lə torondu ngaɓa kar j-oso kandə ɔji dɔ yo.

Romaindjé 7:8

Ngaɓa neɗa gə kṵra̰y inga ɗəw uji ne ɓo neje dang-dang mə-m gə ɗəw gə lə ndu, mba torondu godo nama neɗa gə kṵra̰y uy gə kuy ja ngaa.

1 Corinthiendjé 15:56

Ngaw yo le to neɗa gə kṵra̰y; singamongə neɗa gə kṵra̰y to torondu.

Ephésiendjé 5:3

May kar kaya, gə wə̰rə̰ kaya gə neje tɔ̰y gə ɔji dɔ-ɛ, ose ɓo lar ɓar ri-si kara be ang; neje ne le uwa ba-ɛ gə njerɔsangəje ang baa;

Colossiendjé 3:5

Ar-je ɓo neje gə nangə nee uy mə-si gə: ɗa kaya, wə̰rə̰ kaya, ɓo neje gə uwa darɔ ɓərə, ɓo neje gə kṵra̰y ngaɓa ɓo lar gə to polo magəje.

1 Thessaloniciendjé 4:5

mba kar ḭya̰ ar ɓo gə darɔ gə o̰ dɔ-ɛ to to gə dəwje gə ꞌgərə Luba ang be ang,

Ebərəje 7:19

Mba torondu ɗa ne kara ar-ɛ may pɛdə ang, ngaa ɔr ta ɗəw ar-si nekunda mə gə may mba kar j-aw ne gə rɔ Luba gə.