Romaindjé 7:6 - Mbede Lə Luba Kone Gə Sigi

⁶ Ngaa, ɓisine ɗaa, dɔ sijee to doy no torondu gə, mba j-uy ɗəw gə lə ne gə uwa sijee ɓərə gə, mba kar j-a ɗa kula gə ji-a gə sigi gəl Njil gə ngaa ɓo gə ji-a gə ləw gəl torondu ang.

Testament ke Siki 1960 (Kabba Laka)

⁶ A bashénè dòroudjè tar ndedji té, djèdjè djoei ke né té ke todjé leo, tokou ban djèdjè nda deo té lo tar maketourou té ke leo ang, a deo té lo tébe ke siki lo Ndil.

Romaindjé 7:6 ပူးပေါင်းရင်းမြစ်များ

Romaindjé 1:9

Luba gə m-aw m-pol-e mə njil gə tɔgərɔ ɗəw kila mbərə Tar gə May gə lə Ngon-e le, to njetar naji lə-m, to gə gə ndɔ-ndɔ ja,

Romaindjé 12:2

May kar-si ꞌndajije pa neɗa lə dəwje gə d-aw ɗa dɔ nangə nee ɓisine ang ngaa ḭya̰je rɔ-si yag arje kəji negərə lə-si turu to gə sigi, mba kar-si ꞌgərəje ne mə njigi lə Luba, ne gə may, gə ta kəm-e ngaɓa may pɛdə.

Romaindjé 6:11

Be ɓa, sisəy ja kara, may kar oje rɔ-si to gə uyje ɗəw neɗa gə kṵra̰y gə, ɗaa isije kəm baa ɔji dɔ Luba ɗəw gə lə Kirisi Jeju.

Romaindjé 6:19

M-pa tar ji dəwje mba darɔ-si mbɔr-ɛ gə mbɔr-ɛ. Ɗəw kara baa to gə unje bar kəm rɔ-sijee gə ɓərə lə ne gə mina gə neɗa gə dɔ buguru saar ꞌce-je ne dɔ ngang gə, be ɓa ɓisine ɗaa may kar unje bar kəm rɔ-sijee gə ɓərə lə neɗa gə gadə-gadə, mba ce ne dɔ sangə rɔ gə.

Romaindjé 6:2

Jagə ang! Sijee gə j-uy ɗəw neɗa gə kṵra̰y gə nam le, j-a təl kisi kəm baa dan neɗa gə kṵra̰y gə to gə ban wa?

Romaindjé 6:22

Ngaa ɓisine, d-ɔr-si ji neɗa gə kṵra̰y gə ɗaa ꞌtoje ɓərəje lə Luba, kula ɗa sisəy ce gə sangə rɔ ngaɓa a ce dɔ təbə gə gə ndɔ gə ndɔ gə.

Romaindjé 6:4

ꞌDubu-si sə-a naa gə kara baa ɗəw batɛm gə, mba kar to gə Kirisi uy ɓa ndol ne horo nje gə d-uy gə ɗəw rɔnduba gə lə Bɔ dəwje le, ɗəw kara baa kar-sijee kara j-a nja ne ɗəw kisi kəm baa gə sigi tɔ.

Romaindjé 7:1

Ose ꞌgərə-je ang wa? Ngan ko̰-mje. M-pa tar m-ar dəwje gə ꞌgərə torondu, to gə dəw aw kəm baa ɓi le torondu o̰ dɔ-ɛ ja jaga-jaga ang wa?

Romaindjé 7:2

Be ɓa, jene gə ta ngaw le, ɓo ngaw le aw kəm baa ɓi nama torondu tɔ-je gə ngab-ɛje naa gə jaga-jaga; ngaa to gə ɓo ngaw le uy nama torondu gə tɔ-je gə ngab-ɛje naa gə le o̰ dɔ-ɛ ang ngaa.

Romaindjé 7:4

Ngan ko̰-mje, sisəy kara ɗəw kara baa d-ar-si uyje ɗəw torondu gə gə go darɔ Kirisi, mba təl ꞌtoje ne nje kar dəw gə ɗangə, nje kuy ɓa ndol horo nje gə d-uy gə, mba kar osoje kandə ɔji dɔ Luba.

2 Corinthiendjé 3:6

Luba ja təl sijee gə dəwje gə d-asə to ngan njekulaje lə kone gə sigi, ɗəw torondu gə mə mbede gə ꞌɗa ang, ngaa ɗəw Njil gə; mba torondu gə mə mbede gə le to gə yo, ngaa Njil ɓa ar dəw kisi gə təbə.

2 Corinthiendjé 5:17

To gə ɓo dəw un rɔ-ɛ ar Kirisi nama, to nekunda gə sigi. Neje gə ləw nday, neje tɔ̰y təl to neje gə sigi.

Galatedjé 3:13

Kirisi uga dɔ-si gəl ndɔɔl gə lə torondu, təl to ne ndɔɔl mba tar lə-si. To gə Mbede pa na: Ndɔɔl uwa dɔ dəw gə ꞌɓər-e kagə.

Galatedjé 6:15

Kunja bərə ose kunja bərə ang ɓa to ne ang, ngaa to ne kunda gə sigi ɓa to ne.

Ephésiendjé 4:24

ɗaa unje darɔ gə sigi gə Luba unda-a ɗəw neɗa gə dana gadə, gə ɗəw nesangə gə to gə kandə tar gə tɔgərɔ le ula-aje rɔ-si gə.

Philippiendjé 3:3

Mba njekunja bərəje gə tɔgərɔ le to sijee, gə j-aw polo Luba ɗəw Njil Luba gə, gə j-ila ne riɓar dɔ Kirisi Jeju gə, ngaɓa j-unda kar-si gə ne gə darɔ gə ang.

Colossiendjé 3:10

Be ɓa unje pa nja gə sigi gə aw dɔ-ɛ gə kede-kede mba kun ne ndaji njekunda gəl-e mə-si gə mba kar ꞌgər-eje ne ɔr njal.