Romaindjé 7:5 - Mbede Lə Luba Kone Gə Sigi

⁵ Mba kede, logə j-a nay darɔ gə ɓi le, ɓo neɗa gə kṵra̰y ɗa kula rɔ-si gə ɗəw gə lə torondu ngaɓa kar j-oso kandə ɔji dɔ yo.

Testament ke Siki 1960 (Kabba Laka)

⁵ Tokou djèdjè djisi deo da rò té leo, boo né ke madjang lodjè ke téh deo tar ndedji té, da barkem ròdjè ta karedjè djan mbata kwoei.

Romaindjé 7:5 ပူးပေါင်းရင်းမြစ်များ

Matiye 15:19

Mba mə dəw ja ɓa kəjije gə kṵra̰y, tɔl dəw, ɓogo lo to, kaya, ɓogo, gangə tar kunda ta dəw gə, taji Luba ḭ kəne.

Jean 3:6

Ne gə darɔ ɓa uji le to darɔ ja tɔ, ngaa ne gə Njil ɓa uji ɗaa to njil ja tɔ.

Romaindjé 1:26

Gəl-e gə nee ɓa Luba ḭya̰-je ne ar ɓo neje gə to rɔ kul uwa-je ne ɓərə gə. Mba jeneje lə-je d-uba ji neje gə gə dɔ gɔl-ɛ d-ḭya̰ ɗaa, ꞌturu ꞌto gə naa to gə jingaw to ne gə jene be,

Romaindjé 3:20

Mba dəw kara ja gə a to gadə-gadə no Luba gə go kila kuji dɔ torondu gə ang, mba torondu le ɔr ta ɗəw ar dəwje ꞌgərə ne neɗa gə kṵra̰y.

Romaindjé 4:15

Mba torondu uji wungu ngaɓa logə torondu godo kəne ɗaa kal tar godo kəne tɔ.

Romaindjé 5:20

Torondu ce mba kar kal tar ba̰y ne gə kede, ngaa lo gə neɗa gə kṵra̰y ba̰y kəne nama mənuji bula kəne al dɔ lo.

Romaindjé 6:13

Uwaje bar kəm rɔ-sijee ꞌɗa-je ne neɗa gə kṵra̰y ang, gə ne ɗɔ gə kar neɗa gə dɔ buguru ang; ngaa unje darɔ-sisəy ja ar-je Luba, to gə nje gə d-uy ɓa ꞌtəl d-isi kəm baa be, unje bar kəm rɔ-sijee ar-je Luba, gə ne ɗɔ kar neɗa gə gadə-gadə.

Romaindjé 6:19

M-pa tar ji dəwje mba darɔ-si mbɔr-ɛ gə mbɔr-ɛ. Ɗəw kara baa to gə unje bar kəm rɔ-sijee gə ɓərə lə ne gə mina gə neɗa gə dɔ buguru saar ꞌce-je ne dɔ ngang gə, be ɓa ɓisine ɗaa may kar unje bar kəm rɔ-sijee gə ɓərə lə neɗa gə gadə-gadə, mba ce ne dɔ sangə rɔ gə.

Romaindjé 6:21

Kula ɗa sisəy le ɗi ɓa ingaje kəne wa? Ɓisine ɗaa kula ɗa si to ne rɔ kul, mba a tɔl t-ɛ dɔ yo gə.

Romaindjé 6:23

Mba kuga lə neɗa gə kṵra̰y to yo; ngaa nekarə baa lə Luba to təbə gə gə ndɔ gə ndɔ ɗəw gə lə Mbayɓe lə-sijee Kirisi Jeju.

Romaindjé 7:23

ngaa mə bar kəm rɔ-mje gə ɗaa torondu gə ɗangə ɓa m-o kəne, ɗa ɗɔ gə torondu kəji negərə lə-m ngaɓa uwa-m gə ɓərə lə torondu kar neɗa gə kṵra̰y gə to mə bar kəm rɔ-mje gə.

1 Corinthiendjé 15:56

Ngaw yo le to neɗa gə kṵra̰y; singamongə neɗa gə kṵra̰y to torondu.

2 Corinthiendjé 10:3

Tɔgərɔ, ja to dəwje gə ꞌnja ɗəw gə ja ngaa ja ɗɔ ɗəw darɔ gə ang baa.

Galatedjé 3:10

Dəwje tɔ̰y gə d-ila kuji dɔ torondu gə ɓa mba kinga ne kaji le, ndɔl uwa dɔ-je, mba Mbede pa na: Dəw gə ɗa-ɗa gə ila kuji dɔ tar tɔ̰y gə ɗa mə mbede torondu gə ang, mba ɗa kul-ɛ ang nama ndɔɔl uwa dɔ-ɛ.

Galatedjé 5:24

Ɗaa nje kar Kirisi Jeju-je le ɓərə darɔ gə ɓo neje gə uwa-je ɓərə gə kagə dəsə gə.

Ephésiendjé 2:11

Ar-je mə-si ole dɔ ne gə nee: Sisəy gə kede ləw, ɗəw gə lə darɔ nama ꞌtoje gə Jiibije ang, ngaɓa nje gə d-ɔsə gaji rɔ-je mba bərə-je gə ji dəw ɓa unja, ɗəw gə lə darɔ, ꞌɓar-si gə njekunja bərə angje le,

Ephésiendjé 2:3

Sijee tɔ̰y kara, ja to to gə ꞌjejee be tɔ, ɗaa kede le ja nja gə go kəm kə̰y gə darɔ-si ɓa ɔji, ja ɗa ne mə njigi lə darɔ-si gə tar kəjije lə-si, ar-si ja to ne gə dəwje gə d-uwa dɔ gɔl si d-ɔji ne dɔ wungu, gə ne gə d-uji-si ne gə kuji, to gə nje gə kɛm be tɔ.

Colossiendjé 3:5

Ar-je ɓo neje gə nangə nee uy mə-si gə: ɗa kaya, wə̰rə̰ kaya, ɓo neje gə uwa darɔ ɓərə, ɓo neje gə kṵra̰y ngaɓa ɓo lar gə to polo magəje.

Tite 3:3

Mba kede ləw le sijee ja kara j-a gərə ne kara ang. J-a mbadə koso kul no Luba gə nəm, j-a ndəəm nəm, j-a to ɓərəje lə ɓoje gə darɔ gə gə mal neje dang-dang. Ja to gə njeməngo̰yje, gə nje ɗa məje, kəm njigi-si ang ngaɓa ja njigi naa ang gə yo gə nee tɔ.

Jacques 1:15

Cibi, lo gə kəm kə̰y əndə kɛm ɗaa uji neɗa gə kṵra̰y; a ɓo neɗa gə kṵra̰y tɔgə nam ɗaa uji yo.

Jacques 4:1

Kaw gə naa gə tar, gə tɔsə tarje gə horo-si gə le se, d-ḭ ɗa wa? D-ḭ ɗəw ɓo neje gə kar darɔ, gə d-aw ɗa gə naa ɗɔ bar kəm rɔ-sijee gə le ang wa?

1 Jean 3:4

Dəw gə ɗa-ɗa ɓa ɗa neɗa gə kṵra̰y nama, ɗa neɗa gə dɔ buguru ngaɓa neɗa gə kṵra̰y le to kal dɔ torondu.