Romaindjé 7:25 - Mbede Lə Luba Kone Gə Sigi

²⁵ Oyo ar Luba ɗəw gə lə Jeju Kirisi, Mbayɓe lə-sijee! Be ɓa, gə go kəji negərə lə-m ɗaa m-to ɓərə kar torondu lə Luba, a ɓo ɗəw darɔ gə ɗaa ɓərə lə torondu kar neɗa gə kṵra̰y.

Testament ke Siki 1960 (Kabba Laka)

²⁵ Mam nda woio Allah deo té lo Jésus Christ Mbaibé lodjè. Tokou ban ma ndja nda né ndedji lo Allah ke gousou lom, a ke da ròm mam nda né ndedji lo né ke madjang.

Romaindjé 7:25 ပူးပေါင်းရင်းမြစ်များ

Matiye 1:21

N-a kuji ngon gə jingaw ɗaa, a kunda ri-a na Jeju mba ꞌne ja ɓa n-a kaji dəwje lə-a dɔ neɗa gə kṵra̰y gə.

Romaindjé 6:14

Neɗa gə kṵra̰y a dum dɔ-si ang, mba isije gəl torondu gə ang, ngaa gəl mənuji gə.

Romaindjé 6:17

Ngaa, oyo ar Luba, kede le ꞌtoje ɓərəje lə neɗa gə kṵra̰y ja ngaa ilaje kuji gə dɔ ɓəngərə-si ja tɔ̰y ngaɓa ꞌnjaje ne gə go ji ne gə ꞌtɔji-si le ja tɔ.

Romaindjé 8:2

Mba torondu lə Njil gə ar təbə dəw andə ne naa gə gə Kirisi Jeju le ɔr-m ji torondu gə lə neɗa gə kṵra̰y gə ngaɓa kar yo gə.

1 Corinthiendjé 15:57

Ngaa oyo ar Luba, gə ar-si j-a cɛdə ɗɔ ɗəw gə lə Mbayɓe lə-sijee Jeju Kirisi!

2 Corinthiendjé 9:15

J-arə oyo Luba mba nekarə baa lə-a gə al dɔ lo.

Ephésiendjé 5:20

Ɔji dɔ ne gə ɗa-ɗa kara, ꞌɗaje oyo Luba gə Bɔ dəwje gə dɔ kar tɔ̰y, gə ri Mbayɓe lə-sijee Jeju Kirisi.

Philippiendjé 3:3

Mba njekunja bərəje gə tɔgərɔ le to sijee, gə j-aw polo Luba ɗəw Njil Luba gə, gə j-ila ne riɓar dɔ Kirisi Jeju gə, ngaɓa j-unda kar-si gə ne gə darɔ gə ang.

Philippiendjé 4:6

ꞌNoje rɔ-si ɔji dɔ ne kara ang; ngaa dan neje gə tɔ̰y nama ꞌpaje ar-je Luba gə dəji, ꞌɗaje ne ndoo no-ɛ gə, ar-ɛje ne oyo.

Colossiendjé 3:17

May kar tar ɓa a kaw paje ose ne gə ɗa-ɗa ɓa a kaw ɗaje kara, ꞌɗaje ne tɔ̰y gə ri Mbayɓe Jeju, ꞌtəlje ne gə oyo ar-je Luba gə Bɔ dəwje gə ri-a.

1 Piyɛr 2:5

Sisəy ja kara, ꞌnayje ɗəw kara baa to gə kɔr ərje gə to kəm baa mba kar undaje rɔ-si naa gə, gə kəy gə ɗəw Njil gə, kəy lə Luba gə to gə losang-ɛ, mba kar unje ne nepoloje gə ɗəw Njil gə, gə ta kəm Luba ɗəw gə lə Jeju Kirisi;

1 Piyɛr 2:9

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.