Romaindjé 7:24 - Mbede Lə Luba Kone Gə Sigi

²⁴ Nekəmandoo gə to dɔ-m gə! Na ɓa a ta-m ji darɔ gə a kuy gə nee wa?

Testament ke Siki 1960 (Kabba Laka)

²⁴ Mam nto ndjè ongou nya. Na a kòroum rò yo té nèn wa?

Romaindjé 7:24 ပူးပေါင်းရင်းမြစ်များ

Matiye 5:4

Nokarə to kar njenoje, Mba Luba a bɔrə man kəm-je gə!

Matiye 5:6

Nokarə to kar nje gə ɓo neɗa gə dana gadə-gadə ɔrə-je ngaɓa d-aw ndoo-e, Mba Luba a kar mə-je oso nangə po̰.

Lugu 4:18

Njil lə Mbayɓe isi dɔ-m gə, Mba n-um ubu dɔ-m gə. Mba kar m-aji nje gə ɓəngərə-je ti mbidi Mba kar m-ila mbərə Tar gə May m-ar njendooje. D-ula-m mba kar m-ta nje gə d-ula kəm-je ndoo m-um-je taar, Nje kəm tɔje kar d-a ko lo, Nje gə d-ula kəmje ndoo kar d-inga dɔ to ləl pɛ.

Romaindjé 6:6

j-a gərə-je to gə pa nja lə-si gə ləw le ꞌɓər-e sə-a kagə dəsə gə, mba kar darɔ gə neɗa gə kṵra̰y kəne nee le tuji ne ngaɓa mba kar j-a to ne ɓərəje lə neɗa gə kṵra̰y ang ngaa;

Romaindjé 8:13

To gə ɓo awje kəm baa ɗəw darɔ gə nama a kuyje, ngaa to gə ɓo ꞌtujije kula ɗaje lə darɔ pugudu ɗəw Njil gə nama, a kawje kəm baa,

Romaindjé 8:2

Mba torondu lə Njil gə ar təbə dəw andə ne naa gə gə Kirisi Jeju le ɔr-m ji torondu gə lə neɗa gə kṵra̰y gə ngaɓa kar yo gə.

Romaindjé 8:23

To gə dɔ nangə nee gə kar-ɛ baa ang, ngaa sijee gə j-inga Njil gə dɔngɔr nekarə baa le, sijee ja kara j-a suum mə-si gə kəy, j-a ngina ne dɔ ndɔ gə Luba a kila ne si gə ɗaga gə ngan-ɛ ngaɓa kar darɔ-sijee inga ne dɔ to doy.

Romaindjé 8:26

Ngaɓa to gə be ja tɔ ɓa Njil ɗe la ne gə si dɔ mbɔr-ɛ gə lə-sijee, mba j-a gərə dəji Luba gə go ɗəb-e ang. Ngaa Njil gə darɔ-ɛ ja dəji Luba mba-si gə tar gə dəw asə pa ang;

Colossiendjé 2:11

Mba um-je sə-a naa gə le ɓa d-uja si bərə gə ji dəwje ɓa unja ang, gə to gə d-unja ndaar rɔ-si d-ɔr gə ɗangə le ang; ngaa to kunja bərə gə ḭ rɔ Kirisi gə.

2 Timoce 4:18

M-gərə to gə Mbayɓe a kɔrə-m dan neɗaje gə kṵra̰y gə tɔ̰y ɗaa a kaji-m mba kar-m m-andə mə ɓeko̰ gə lə-a gə dara. May kila riɓar dɔ-ɛ gə gə ɓal-ɓal ja! Oyo!

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Ebərəje 2:15

ngaɓa mba kɔr ne ꞌjejee tɔ̰y gə ɓəəl yo uwa-je gə ɓərə logə d-isi ne kəm baa kila-je taar.

Apocalypse 21:4

N-a bɔrə man no ndədə kəm-je gə, yo a godo saar gə no, ngaɓa kuwa ndoo yo kara a godo nəm, kuy kara a godo nəm, ne gə to kara a godo nəm, mba neje gə dɔngɔr le ꞌsɛ̰rɛ̰ paa ngaa.