Romaindjé 6:3 - Mbede Lə Luba Kone Gə Sigi

³ ꞌGərə-je ang wa? Sijee tɔ̰y gə ꞌɗa-si batɛm ɗəw gə lə Kirisi Jeju le, j-uy sə-a naa gə kara baa ɗəw batɛm gə.

Testament ke Siki 1960 (Kabba Laka)

³ Egeridjé ang wa, djèdjè toï ke djinga baptême mè Christ Jésus té, djèdjè djinga baptême mè kwoei té la ang wa?

Romaindjé 6:3 ပူးပေါင်းရင်းမြစ်များ

Matiye 28:19

Awje, ɓo ꞌturuje gəl kuji dəwje tɔ̰y gə ngan njenendoje ngaɓa ꞌɗaje-je batɛm gə ri Bɔ, gə Ngon, gə Njil Njerɔsangə,

Koula 19:5

Gə go tar gə nee le ɗaa d-ar ꞌɗa-je batɛm gə ri Mbayɓe Jeju.

Koula 2:38

Piyɛr pa ar-je na: ꞌTuruje kəji lə-si, ngaɓa na-na ja kara ar ꞌɗ-ɛ batɛm gə ri Jeju Kirisi, mba kar tar neɗa gə kṵra̰y ɔr ne dɔ-ɛ gə, ɗaa a kingaje nenuji lə Njil Njerɔsangə.

Koula 8:16

Mba n-ɗe dɔ dəw gə kara horo-je gə ang ɓi, ꞌɗa-je batɛm gə ri Mbayɓe Jeju baa ɓi.

Romaindjé 6:16

ꞌGərəje ang wa? Logə unje rɔ-si ilaje mə ji dəw gə gə ɓərə lə-a mba kila ne kɔji dɔ-ɛ gə nama, ꞌtoje ɓərəje lə dəw gə ilaje kuji dɔ-ɛ gə nee le, gə kar neɗa gə kṵra̰y gə ce yo, ose kila kuji gə ce neɗa gə gadə-gadə gə.

Romaindjé 6:8

Ngaa to gə ɓo j-uy gə Kirisi nama j-a ta kagə to gə j-a kisi sə-a kəm baa tɔ,

Romaindjé 7:1

Ose ꞌgərə-je ang wa? Ngan ko̰-mje. M-pa tar m-ar dəwje gə ꞌgərə torondu, to gə dəw aw kəm baa ɓi le torondu o̰ dɔ-ɛ ja jaga-jaga ang wa?

1 Corinthiendjé 10:2

ꞌjejee tɔ̰y d-inga batɛm ɗəw gə lə Moyiji, mə kil gə lə nji ngaɓa dan babo gə,

1 Corinthiendjé 12:13

Mba mə Njil gə kara ɗəgədə nee ja sijee tɔ̰y gə ja to darɔ gə kara baa le, ꞌɗa-si batɛm tɔ̰y kəne, Jiibije, gə nje gə to Jiibije ang, gə ɓərəje, gə nje dɔ-je to doy, ngaɓa Njil gə kara nee le ja tɔl kunda lə-si tɔ̰y.

1 Corinthiendjé 15:29

Ngaa ɓo bənəng ang nama, nje gə d-inga batɛm yo le d-a ɗa ban ngaa wa? To gə ꞌpa nena nje d-uy d-a təl ndol ang le, ꞌɗa-je batɛm mba ɗi cibi wa?

1 Corinthiendjé 3:16

ꞌGərəje to gə sisəy ꞌtoje kəy lə Luba, gə Njil Luba isi mə-si gə ang wa?

1 Corinthiendjé 5:6

Kɔsə gaji rɔ lə-sisəy le, kud-e arə ang! Guway kodo njɛ̰ baa ja ꞌmbɔ̰y ne mbə ɗaa, mbə ḭ ne tɔ̰y le ꞌgərə-je ang wa?

1 Corinthiendjé 6:19

ꞌGərəje ne gə nee ang wa? Darɔ-sisəy le to kəy lə Njil Njerɔsangə gə Luba ja ar-ɛ isi mə-si gə; ɗaa darɔ-sisəy le to kar-si ang.

1 Corinthiendjé 6:9

ꞌGərəje ang baa wa? Nje ɗa ne dɔ buguruje le d-a kuwa ɓeko̰ lə Luba gə nenduba ang. Ərəje rɔ-si dɔ-ɛ gə ang: njekayaje nəm, nje polo magəje nəm, nje ɓogo lo toje nəm, njetəl rɔ-je gə jeneje nəm, jingawje gə njeto gə naaje nəm,

1 Corinthiendjé 9:13

May kar-si ꞌgərəje to gə nje gə ꞌɗa kula mə kəy gə lə Luba le, ne gə kəne ja ɓa d-odo ne rɔ-je, ngaɓa nje d-aw d-un nepolo no kɔgə gə kara nepolo nee le ja kar-je to kəne tɔ.

1 Corinthiendjé 9:24

May kar-si ꞌgərəje to gə nje kuma naa gə ngɔdə ꞌɓaraje le d-a̰y gə ka̰y ja tɔ̰y ngaa dəw kara baa ja inga ne dɔ ji-a. Ɗaa a̰yje gə go ɗəb-e mba kinga ne ne dɔ ji.

2 Corinthiendjé 13:5

May kar ꞌtənje mə-sisəy ja so-so oje, se uwaje takagə gədərə ja wa? ꞌNaje darɔ-sisəy ja oje. ꞌGərəje to gə Jeju Kirisi ga̰ mə-si gə ang wa? Ose na mə lə-sisəy le tɔji ne gə baa wa?

Galatedjé 3:27

sisəy tɔ̰y gə umje naa gə gə Kirisi ɗəw batɛm gə, ꞌtəlje taje ne naa gə Kirisi.

Jacques 4:4

Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba.

1 Piyɛr 3:21

To ndaji batɛm gə aji-si ɓogəne, gə to ɗəw gə ꞌtogo ne neje gə mina darɔ dəw gə ɗaga ang, ngaa, to kun gə dəw un rɔ-ɛ gə kəji gə may ar Luba, ɗəw ce buwa yo gə lə Jeju Kirisi.