Romaindjé 6:23 - Mbede Lə Luba Kone Gə Sigi

²³ Mba kuga lə neɗa gə kṵra̰y to yo; ngaa nekarə baa lə Luba to təbə gə gə ndɔ gə ndɔ ɗəw gə lə Mbayɓe lə-sijee Kirisi Jeju.

Testament ke Siki 1960 (Kabba Laka)

²³ Mbata kouka lo né ke madjang to yo, a né kare ba lo Allah to tébe ke ke ndò ke ndò mè Christ Jésus té Mbaibé lodjè.

Romaindjé 6:23 ပူးပေါင်းရင်းမြစ်များ

Matiye 25:46

Be ɓa njeməndulje nee le a kaw kəm pər gə a to gə no gə, ngaa dəwje gə gadə-gadə a kinga təbə gə a to gə ndɔ gə ndɔ.

Jean 10:28

Ɗaa ꞌma, m-ar-je təbə gə to gə ndɔ gə ndɔ; d-a busu ang saar gə no ngaɓa dəw kara kara a kasə kuwa-je kɔr-je ji-m gə ang tɔ.

Jean 17:2

To gə ꞌI ar-ɛ singamongə ko̰ dɔ dəwje gə tɔ̰y le ɗaa, dəwje tɔ̰y gə um-je mə ji-a gə le, n-ar-je təbə gə to gə ndɔ gə ndɔ le tɔ.

Jean 3:36

Dəw gə ta kagə Ngon nama inga təbə gə to gə ndɔ gə ndɔ; dəw gə ta kagə Ngon ang nama kinga təbə lə-a gə gə ndɔ gə ndɔ a godo, ngaa wungu lə Luba nay dɔ-ɛ gə.

Jean 4:14

ngaa dəw gə a kay man gə m-a kar-ɛ le, kunda a tɔl-ɛ ang saar gə no-ɛ, ngaɓa man gə m-a kar-ɛ le a təl to gə ngira man rɔ-ɛ gə, ɗaa ngira man gə nee le a kar-ɛ təbə gə gə ndɔ gə ndɔ.

Jean 4:36

njekunja ko inga lar dɔ ji-a ngaɓa mbo̰ kandə ko ndɔ dɔ naa gə mba təbə gə gə ndɔ gə ndɔ, mba kar Njedubu koje gə njekunja-a ꞌɗa ne rɔləl naa gə kara baa tɔ.

Jean 5:24

Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Jean 6:27

Ulaje rɔ-si ndubu mba nekusa gə a kunda nangə mbadagə ang, ngaa mba nekusa gə kar kisi gə təbə gə a to gə no, ye gə Ngon lə dəw a kar-si, mba ꞌne ɓa bəngə ji Bɔ dəwje Luba to rɔ-ɛ gə.

Jean 6:40

Mə njigi lə Bɔy le ja ɓi ɓa nee: kar na-na ɓa o Ngon ngaɓa ta kag-ɛ nama inga təbə gə to gə no, ɗaa ꞌma m-a ndol-e dɔ ɗudu ndɔ gə.

Jean 6:68

Simo Piyɛr ila-a kəne na: Mbayɓe, sijee j-a kaw gə rɔ na gə wa? Tarje gə kar təbə gə gə ndɔ gə ndɔ le ḭ rɔ-i ꞌI gə.

Romaindjé 1:32

ꞌgərə-je ndu Luba gə maj-ɛ, to gə dəwje gə ꞌɗa neje gə to gə bənəng le d-asə kuy, ꞌɗa gə ɗa baa ang ngaa njeɗa-ɛje kara ꞌjejee d-um gə je naa gə kara baa.

Romaindjé 2:7

n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang;

Romaindjé 5:12

Gəl-e gə nee ɓa, ɗəw kara baa to gə neɗa gə kṵra̰y andə dɔ nangə nee ɗəw gə lə dəw kara baa, ngaɓa ar neɗa gə kṵra̰y ɗe gə yo, ɗaa to gə be ja tɔ ɓa yo o̰ ne ɓe dɔ dəwje gə tɔ̰y, mba dəwje tɔ̰y ja ꞌɗa neɗa gə kṵra̰y,

Romaindjé 5:17

To gə ɓo mba kal tar lə dəw kara baa ɓa yo o̰ ne ɓe ɗəw gə lə-a, ngaa ɓədə ɓa nje gə d-inga mənuji gə nekarə baa kar gadə-gadə gə al dɔ lo d-a ko̰ ɓe dan təbə gə ɗəw gə lə Jeju Kirisi gə gə kar-e ne wa?

Romaindjé 5:21

Be ɓa mba, to gə neɗa gə kṵra̰y o̰ ɓe ɗəw gə lə yo le, to gə be ja tɔ ɓa mənuji o̰ ɓe ɗəw gə lə neɗa gə gadə-gadə mba təbə gə gə ndɔ gə ndɔ ɗəw gə lə Mbayɓe lə-sijee Jeju Kirisi tɔ.

Romaindjé 6:16

ꞌGərəje ang wa? Logə unje rɔ-si ilaje mə ji dəw gə gə ɓərə lə-a mba kila ne kɔji dɔ-ɛ gə nama, ꞌtoje ɓərəje lə dəw gə ilaje kuji dɔ-ɛ gə nee le, gə kar neɗa gə kṵra̰y gə ce yo, ose kila kuji gə ce neɗa gə gadə-gadə gə.

Romaindjé 6:21

Kula ɗa sisəy le ɗi ɓa ingaje kəne wa? Ɓisine ɗaa kula ɗa si to ne rɔ kul, mba a tɔl t-ɛ dɔ yo gə.

Romaindjé 8:13

To gə ɓo awje kəm baa ɗəw darɔ gə nama a kuyje, ngaa to gə ɓo ꞌtujije kula ɗaje lə darɔ pugudu ɗəw Njil gə nama, a kawje kəm baa,

Romaindjé 8:38

Mba m-gərə gə maj-ɛ to gə yo ang nəm, təbə ang nəm, anjije ang nəm, njeko̰ dɔ loje ang nəm, ndɔ gə ɓogəne ang nəm, ndɔ gə bara ang nəm,

Romaindjé 8:39

singamongəje ang nəm, nekundaje gə dara ang nəm, nekundaje gə nangə nee ang nəm, nekunda gə ɗa-ɗa kara a kɔr sijee mə njigi gə Luba njigi sijee ɗəw gə lə Mbayɓe lə-sijee Kirisi Jeju le ang.

Romaindjé 8:6

Nja gə go ɓo neje gə darɔ gə to yo, nja gə go ɓo neje lə Njil le to gə təbə, gə ɗɛgɛgɛ.

Galatedjé 3:10

Dəwje tɔ̰y gə d-ila kuji dɔ torondu gə ɓa mba kinga ne kaji le, ndɔl uwa dɔ-je, mba Mbede pa na: Dəw gə ɗa-ɗa gə ila kuji dɔ tar tɔ̰y gə ɗa mə mbede torondu gə ang, mba ɗa kul-ɛ ang nama ndɔɔl uwa dɔ-ɛ.

Tite 1:2

Gə mba kunda ne mə dɔ təbə gə a to gə ndɔ gə ndɔ, gə Luba gə tɔgərɔ uwa dɔ gɔl-ɛ nam ɓa ɗa dara gə nangə.

Jacques 1:15

Cibi, lo gə kəm kə̰y əndə kɛm ɗaa uji neɗa gə kṵra̰y; a ɓo neɗa gə kṵra̰y tɔgə nam ɗaa uji yo.

1 Jean 2:25

Ye ɓa to ne gə ɔji dɔ təbə gə ndɔ gə ndɔ gə n-uwa dɔ gɔl-ɛ n-ar-si.

Apocalypse 21:8

Ngaa njeɓəəlje, nje məkədərəje, dəwje gə ngabula, nje tɔl dəwje, jərje, njembɛ̰je, nje polo magəje, gə nje tar gə ɗəgərəje tɔ̰y le, kar-je to dang pər gə o̰ bilim-bilim, gə dan sori gə: ye gə ne le to gə yo gə njekum gə joo.