Romaindjé 6:22 - Mbede Lə Luba Kone Gə Sigi

²² Ngaa ɓisine, d-ɔr-si ji neɗa gə kṵra̰y gə ɗaa ꞌtoje ɓərəje lə Luba, kula ɗa sisəy ce gə sangə rɔ ngaɓa a ce dɔ təbə gə gə ndɔ gə ndɔ gə.

Testament ke Siki 1960 (Kabba Laka)

²² A bashénè mbata dòrousè mè né té ke madjang, sésè edéidjé bere lo Allah, kandé losè to ngä ngem ròsè mbata Allah, ke gelè to tébe ke ke ndò ke ndò.

Romaindjé 6:22 ပူးပေါင်းရင်းမြစ်များ

Matiye 13:40

Ɗəw kara baa to gə d-a mbo̰ ne waa da̰w dɔ nangə mba ro le, a to to gə be ja tɔ a dɔ ɗudu ndɔ gə.

Matiye 13:43

Be ɓa njeneɗaje gə gadə-gadə d-a ndogo to gə kar be mə ɓeko̰ gə le Bɔ-jeje. May kar dəw gə mbi-a ga̰ nama o ne.

Matiye 19:29

Dəw gə ɗa-ɗa gə mba-m ꞌma ɓa uba ne mə kəy lə-a iya̰, gə ngan ko̰-ɛje, gə ko̰ nan-ɛje, gə bɔ-ɛje, gə ko̰-ɛje, gə ngan-ɛ ose mə ndɔje lə-a nama a kinga mar-ɛ bula dɔ-ɛ gə ngaɓa a kinga təbə gə gə ndɔ gə ndɔ gə nenduba.

Matiye 25:46

Be ɓa njeməndulje nee le a kaw kəm pər gə a to gə no gə, ngaa dəwje gə gadə-gadə a kinga təbə gə a to gə ndɔ gə ndɔ.

Jean 15:16

To gə sisəy ɓa ꞌmbərə-mje ang, to ꞌma ɓa m-mbərə-si m-unda-si mba kar-si awje ɓo andəje ngaɓa kar kandə-si to saar gə no; mba kar neje tɔ̰y gə a dəjije Bɔ dəwje gə ri-m nama kar-ɛ n-un n-ar-si.

Jean 15:2

Bar kəm kagə bḭyə̰ gə ɗa-ɗa gə uba kar-m gə ɓa ɓo andə ang ɗaa n-tuga-a gə ɗangə; ngaɓa bar kəm kagə bḭyə̰ gə andə ɗaa n-ndər dɔ-ɛ mba kar-ɛ andə gə kede-kede.

Jean 4:36

njekunja ko inga lar dɔ ji-a ngaɓa mbo̰ kandə ko ndɔ dɔ naa gə mba təbə gə gə ndɔ gə ndɔ, mba kar Njedubu koje gə njekunja-a ꞌɗa ne rɔləl naa gə kara baa tɔ.

Jean 8:32

A gərəje tar gə tɔgərɔ ɗaa, tar gə tɔgərɔ a kɔr kula ɓərə gɔbə-si gə.

Romaindjé 6:14

Neɗa gə kṵra̰y a dum dɔ-si ang, mba isije gəl torondu gə ang, ngaa gəl mənuji gə.

Romaindjé 6:18

D-ɔr sisəy ji neɗa gə kṵra̰y gə le ɗaa, ꞌtəl ꞌtoje ɓərəje lə neɗa gə gadə-gadə ngaa.

Romaindjé 6:21

Kula ɗa sisəy le ɗi ɓa ingaje kəne wa? Ɓisine ɗaa kula ɗa si to ne rɔ kul, mba a tɔl t-ɛ dɔ yo gə.

Romaindjé 7:25

Oyo ar Luba ɗəw gə lə Jeju Kirisi, Mbayɓe lə-sijee! Be ɓa, gə go kəji negərə lə-m ɗaa m-to ɓərə kar torondu lə Luba, a ɓo ɗəw darɔ gə ɗaa ɓərə lə torondu kar neɗa gə kṵra̰y.

Romaindjé 7:4

Ngan ko̰-mje, sisəy kara ɗəw kara baa d-ar-si uyje ɗəw torondu gə gə go darɔ Kirisi, mba təl ꞌtoje ne nje kar dəw gə ɗangə, nje kuy ɓa ndol horo nje gə d-uy gə, mba kar osoje kandə ɔji dɔ Luba.

Romaindjé 8:2

Mba torondu lə Njil gə ar təbə dəw andə ne naa gə gə Kirisi Jeju le ɔr-m ji torondu gə lə neɗa gə kṵra̰y gə ngaɓa kar yo gə.

1 Corinthiendjé 7:22

Be ɓa ɓərə gə Mbayɓe ɓar-ɛ le, Mbayɓe ɔr kula ɓərə gɔs-ɛ gə, ɗəw kara baa gə dəw gə to ɓərə ang ɓa ɓo Luba ɓar-ɛ nama to ɓərə lə Kirisi.

2 Corinthiendjé 3:17

Mbayɓe to Njil, lo gə Njil lə Mbayɓe to kəne to lo gə dɔ to doy to kəne tɔ.

Galatedjé 1:10

Ɗaa ɓisine, se əjije to gə m-aw sangə kar dəwje ɓa d-ila tar kudu-m gə ose Luba wa? Se dəwje ɓa m-sangə mba may ta kəm-je gə wa? Kara be ang! To gə ɓo m-sangə mba may ta kəm dəwje gə nama m-a to ɓərə lə Kirisi ang.

Galatedjé 5:13

Sisəy ɗaa, ngan ko̰-mje, ꞌɓar-si kar dɔ-si to doy; ɗaa ne kara ɓa le, may kar unje dɔ to doy nee le ꞌnjaje ne ɗəw darɔ gə ang, ngaa go ɗəw njigi ɗaa, ꞌɗaje kula ar-je naa gə yo gə nee.

Galatedjé 5:22

Ngaa kandə Njil le ɓa nee: Njigi, rɔləl, ɗɛgɛgɛ, kore ur, məmay, ɗa may, takagə,

Ephésiendjé 5:9

Mba kandə lokarə le, ɔji dɔ ne ja tɔ̰y gə to gə məmay, neɗa gə gadə-gadə, gə tar gə tɔgərɔ.

Philippiendjé 1:11

May kar pa nja gə may gə ingaje ɗəw gə lə Jeju Kirisi le, ila riɓar gə dɔ Luba gə, gə ɔsə gaji-ɛ.

Philippiendjé 4:17

To gə nekarə baa ɓa m-sangə ang, ngaa m-sangə nduji kula lə-si gə ɔsə dɔ mar-ɛ.

Colossiendjé 1:10

mba kar pa nja-si to ne gə may gə asə ləl Mbayɓe dan neje gə tɔ̰y, mba kar ꞌɗaje ne kulaje gə may-may ja tɔ̰y ngaɓa kar ꞌtɔgəje ne dɔ gərə Luba gə gə kede-kede nəm tɔ.

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

Tite 1:1

ꞌMa Pɔl, ngon njekula lə Luba ngaɓa njeka̰ykula lə Jeju Kirisi mba kar takagə lə nje gə Luba mbərə-je may ne pɛdə, ngaɓa ꞌgərə ne tar gə tɔgərɔ gə go kila kuji dɔ ne gə lə Luba.

Ebərəje 12:14

May kar-si ꞌsangəje go ɗɛgɛgɛ mba kar to horo-si gə gə dəwje tɔ̰y ngaɓa sangə rɔ godo nama dəw a ko kəm Mbayɓe ang.

Jacques 1:1

ꞌMa Jagə, ngon njekula lə Luba, gə Mbayɓe Jeju Kirisi, sisəy gəl kaje gə dɔg gə gir-je gə joo gə ꞌsɛ̰rɛ̰-je naa dɔɓe gə, m-o-si tɔ̰y ɓa!

1 Piyɛr 1:9

Mba ingaje ne takagə lə-si gə to kaji lə kəm lə-si.

1 Piyɛr 2:16

may kar isije to gə dəwje gə dɔ-je to doy, ɗaa kar dɔ to doy lə-si to ɗəw ɗa ne gə kṵra̰y ang, ngaa ꞌnjaje gə njekulaje lə Luba.

Apocalypse 7:13

Be ɓa kara lə ngatɔgəje un tar dəji-m na: Dəwje gə d-ula kubuje gə ngal yududu-yududu gə nda kələw-kələw nee le, ꞌto gə naje wa? Ngaɓa d-ḭ ɗa wa?