Romaindjé 6:19 - Mbede Lə Luba Kone Gə Sigi

¹⁹ M-pa tar ji dəwje mba darɔ-si mbɔr-ɛ gə mbɔr-ɛ. Ɗəw kara baa to gə unje bar kəm rɔ-sijee gə ɓərə lə ne gə mina gə neɗa gə dɔ buguru saar ꞌce-je ne dɔ ngang gə, be ɓa ɓisine ɗaa may kar unje bar kəm rɔ-sijee gə ɓərə lə neɗa gə gadə-gadə, mba ce ne dɔ sangə rɔ gə.

Testament ke Siki 1960 (Kabba Laka)

¹⁹ Ma mpa tar maresè ke gousou lo dooudjé, mbata da ròsè éh ke singa ang. Mbata deo kadaba tokou leo sésè aridjé barkem ròsè to bere lo né ke gatang, ke ta da né ke madjang wota, tokou ban aridjé barkem ròsè bashénè to bere lo né ke gaté gaté ta ngem ròsè ndja mbata Allah.

Romaindjé 6:19 ပူးပေါင်းရင်းမြစ်များ

Matiye 4:23

Jeju nja dɔ nangə gə Galile tɔ̰y, tɔji dəwje ne mə kəy nendoje gə lə Jiibije, ngaɓa ila mbərə Tar gə May ɔji dɔ ɓeko̰ nəm, aji njerɔko̰je ɓədə-ɓədə gə njeməndəje ɓədə-ɓədə horo dəw mə ɓeje nəm tɔ.

Romaindjé 15:1

Ngaa sijee gə j-uba singa le, to tar lə-si kar j-a la gə njembɔrɛje, ngaɓa j-a sangə ne gə ləl-si ang.

Romaindjé 3:5

Ngaa to gə ɓo neɗa gə dɔ buguru lə-si tɔji gadə-gadə lə Luba gə ɗaga le se, j-a pa na ɗi ngaa wa? Luba tuji ꞌjejee gə wungu lə-a ɗaa, ɗa gə dɔ gɔl-ɛ ang wa? M-pa tar gə go ji neɗa lə dəwje.

Romaindjé 6:13

Uwaje bar kəm rɔ-sijee ꞌɗa-je ne neɗa gə kṵra̰y ang, gə ne ɗɔ gə kar neɗa gə dɔ buguru ang; ngaa unje darɔ-sisəy ja ar-je Luba, to gə nje gə d-uy ɓa ꞌtəl d-isi kəm baa be, unje bar kəm rɔ-sijee ar-je Luba, gə ne ɗɔ kar neɗa gə gadə-gadə.

Romaindjé 7:23

ngaa mə bar kəm rɔ-mje gə ɗaa torondu gə ɗangə ɓa m-o kəne, ɗa ɗɔ gə torondu kəji negərə lə-m ngaɓa uwa-m gə ɓərə lə torondu kar neɗa gə kṵra̰y gə to mə bar kəm rɔ-mje gə.

Romaindjé 8:26

Ngaɓa to gə be ja tɔ ɓa Njil ɗe la ne gə si dɔ mbɔr-ɛ gə lə-sijee, mba j-a gərə dəji Luba gə go ɗəb-e ang. Ngaa Njil gə darɔ-ɛ ja dəji Luba mba-si gə tar gə dəw asə pa ang;

1 Corinthiendjé 5:6

Kɔsə gaji rɔ lə-sisəy le, kud-e arə ang! Guway kodo njɛ̰ baa ja ꞌmbɔ̰y ne mbə ɗaa, mbə ḭ ne tɔ̰y le ꞌgərə-je ang wa?

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

1 Corinthiendjé 9:8

Tar neje gə m-pa nee le, ḭ rɔ dəwje gə wa? Torondu kara pa to gə be tɔ ang wa?

Galatedjé 3:15

Ngan ko̰-mje, ꞌma m-pa tar pa lə dəwje: Ndu gə dəw ḭya̰ gə maj-ɛ ɓa uy le, dəw gə ɗangə a tuji ang nəm a kila mar-ɛ kəne ang nəm tɔ.

Ebərəje 12:15

May kar-si oje gə maj-ɛ mba kar mənuji lə Luba lal dəw kara ang, mba kar dəw təl to riya gə adə, mba riya gə adə le oso mə mar-ɛ gə nama a tuji mar-eje tɔ̰y ɗaa dəw a kusa ang.

Ebərəje 4:15

Mba buba njekapolo lə-si le a kasə kum gə si naa gə dɔ ɗəəm gə lə-si ja, gəl-e gə ne ɓa ꞌne kara nena ce dɔ-ɛ gə ɗəw kara baa to to gə sijee be ja tɔ, ngaa n-ɗa neɗa gə kṵra̰y ang.