Romaindjé 6:17 - Mbede Lə Luba Kone Gə Sigi

¹⁷ Ngaa, oyo ar Luba, kede le ꞌtoje ɓərəje lə neɗa gə kṵra̰y ja ngaa ilaje kuji gə dɔ ɓəngərə-si ja tɔ̰y ngaɓa ꞌnjaje ne gə go ji ne gə ꞌtɔji-si le ja tɔ.

Testament ke Siki 1960 (Kabba Laka)

¹⁷ A woio are Allah mbata sésè ke etoidjé to bere lo né ke madjang leo, bashénè sésè woidjé ke mèsè té ta da deo tar té ke ntòdjousè.

Romaindjé 6:17 ပူးပေါင်းရင်းမြစ်များ

Koula 11:18

Logə d-o-je tar le to gə be ɗaa məko̰ lə-jə unda nangə bɛm ar d-ɔsə gaji Luba na: Be ɓa dəwje gə ꞌgərə Luba ang kara Luba ar-je ɗəw mbəl kəji mba kar d-inga ne təbə tɔ.

Koula 28:15

Logə ngan ko̰ naaje d-o no-si ɗaa d-aw saar d-inga-si mə ɓe gə ꞌɓar-ɛ nadə ne ndogo lə Apiyus ngaɓa ɓe gə ꞌɓar-ɛ Kəy to mbaaje gə Munda. Logə Pɔl oje ɗaa ɗa Luba oyo ngaɓa uba singa nəm.

Romaindjé 1:5

ɗəw gə lə-a ɓa j-inga ne mənuji ja to ne njeka̰ykulaje mba kar mbɔr dɔ ri-a ɗaa, j-a təl ne gəl dəwje tɔ̰y kar d-ila ne kɔji gə go takagə,

Romaindjé 1:8

Kede nam ɗaa m-ɗa Luba lə-m oyo mba sisəy tɔ̰y, gə ri Jeju Kirisi mba ꞌpa tar takagə lə-sisəy gə dɔ nangə nee ja tɔ̰y.

Romaindjé 15:18

Mba ne gə Kirisi un-m ɗa ne ja ɓa m-a pa tar-ɛ mba kar dəwje gə ꞌgərə Luba ang d-ila ne kɔji ɗəw tar pa gə gə ɗəw kula ɗa gə,

Romaindjé 16:26

ngaa ɓisine kila rɔ-ɛ gə ɗaga gə go mbedeje gə pajambərəje ꞌɗa, gə go ndu Luba gə nje kisi saar-saar gə no le, ꞌkila d-ar gəl kujije tɔ̰y ꞌgərə mba kar d-ila ne kɔji gə go takagə,

Romaindjé 2:8

ngaa wungu gə məko̰ lə-a a ɓugu dɔ nje gə ꞌmbadə kila kuji dɔ tar gə tɔgərɔ gə go kəji mə bo ɗaa neɗa gə dɔ buguru ɓa d-ila kuji kəne.

1 Corinthiendjé 1:4

M-ɗa Luba lə-m oyo taar-taar ɔji dɔ-si mba mənuji lə-a gə ingaje ɗəw lə Kirisi Jeju;

1 Corinthiendjé 14:6

Ngan ko̰-mje, ɓisine, to gə ɓo m-aw ɓe lə-si ɓa, m-pa ndo̰ tarje, m-pa ɔji dɔ kila gəl ne ang nəm, gərə ne ang nəm, tar pa pajambərə ang nəm, netɔji ang nəm le, may lə-a to ɗi wa?

2 Corinthiendjé 2:14

Oyo ar Luba gə ar-sijee ja cɛdə ɗɔ mə Kirisi gə gə ndɔje tɔ̰y, ngaɓa ɗəw gə lə-sijee ɗaa, ba̰y kəndə mambo̰ negərə lə Kirisi sagə pə-pə gə lo tɔ̰y.

Ephésiendjé 1:16

m-əw rɔ-m ɗa oyo Luba mba-si ang: dəjije lə-m gə m-aw m-dəji Luba le, m-ila ri-si kəne taar-taar,

1 Thessaloniciendjé 3:9

Oyo gə ban ja ɓa j-a ɗa Luba mba tar lə-sisəy, ɔji dɔ rɔləlje tɔ̰y gə j-a ɗa mba tar lə-sisəy no-gɔl Luba gə wa?

2 Thessaloniciendjé 1:3

Ngan ko̰-mje, j-ar oyo Luba jaga-jaga ɔji dɔ-si. To lo-e ja kar j-a ɗa be, mba takagə le sisəy ɔsə dɔ mar-ɛ gə kede-kede, njigi naa gə horo-si gə yo gə ne kara uru dɔ mar-ɛ gə ya̰ tɔ.

2 Timoce 1:13

Tar gə tɔgərɔ gə o ta-m gə ɗəw takagə gə njigi gə ḭ rɔ Kirisi Jeju gə le, un gə ne kɔji mar-ɛ.

Pilimo 1:4

M-ar oyo Luba lə-m ngaɓa m-ila-i, mə dəjije gə lə-m taar-taar nəm tɔ,

Ebərəje 11:8

Gə go takagə ɓa Abəraham njigi ne ɓar lə Luba ɔdə aw ne gə ɓe gə a kuwa gə nenduba ɗaa n-aw lal gərə lo gə n-aw dɔ-ɛ gə kəne.

Ebərəje 5:9

Logə n-tɔl ta kula lə-a bɛm ɗaa, n-təl n-to ɗəw kaji gə gə ndɔ gə ndɔ lə dəwje tɔ̰y gə d-a kila kuji dɔ-ɛ gə.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

1 Piyɛr 2:9

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.

1 Piyɛr 3:1

Sisəy jeneje kara, may kar ulaje dɔ-si no ngaw-sijee gə, mba kar nje gə ꞌmbadə ta kagə tar le, pa nja lə jeneje turuje ar ꞌtəl ꞌta ne kagə,

1 Piyɛr 4:17

Mba dɔ kar-ɛ asə nama gangə tar a kun kud-e mə kəy gə lə Luba ja. Be ɓa, to gə ɓo d-un kud-e dɔ sijee gə ja nama, nje gə ꞌmbadə ta kagə Tar gə May lə Luba nee le d-a tɔl t-ɛ to gə ban wa?

2 Jean 1:4

Rɔ-m ləl-m ya̰ mba m-inga ngan ꞌi d-aw nja mə tar gə tɔgərɔ gə, gə go ndu gə j-inga ji Bɔ-sijee gə.

3 Jean 1:3

Rɔ-m ləl-m ya̰ mba logə ngan ko̰-mje d-ḭ rɔ-i ꞌɗe ɗaa ꞌpa tar naji tar gə tɔgərɔ gə to mə-i gə, gə ɗəw pa nja lə-i mə tar gə tɔgərɔ gə.