Romaindjé 6:16 - Mbede Lə Luba Kone Gə Sigi

¹⁶ ꞌGərəje ang wa? Logə unje rɔ-si ilaje mə ji dəw gə gə ɓərə lə-a mba kila ne kɔji dɔ-ɛ gə nama, ꞌtoje ɓərəje lə dəw gə ilaje kuji dɔ-ɛ gə nee le, gə kar neɗa gə kṵra̰y gə ce yo, ose kila kuji gə ce neɗa gə gadə-gadə gə.

Testament ke Siki 1960 (Kabba Laka)

¹⁶ Sésè egeridjé ang wa, nè ke arèdjé ròsè ndja tokou beredjé ke woidjé tè, sésè etoidjé beredjé lo nè ke woidjé tè, tokou lo bere lo né ke madjang ke téh kwoei té, aséh tokou lo bere ke wo tar ta téh gaté gaté té wa?

Romaindjé 6:16 ပူးပေါင်းရင်းမြစ်များ

Matiye 20:4

be ɓa n-təl pa n-ar-je na: Sisəy kara awje ndɔ bḭyə̰ gə lə-m aw ɗaje kula nama, m-a kuga dɔ ji-si gə dɔ gɔl-ɛ ja.

Matiye 6:24

Dəw gə gə kar-ɛ baa ja ꞌɓəə-eje d-a kḭ joo ang, mba n-a njigi dəw gə kara ang gə kɔrɔ ɗaa, dəw gə kara ɓa n-a njigi-e ose n-a kiyi rɔ-ɛ rɔ dəw gə kara gə ɗaa n-a dabə dəw gə kara dasəra. Sisəy a poloje Luba je gə lar joo kɛm ang.

Jean 8:34

Jeju ila-je kəne na: Tar gə tɔgərɔ ja, m-pa m-ar-si, dəw gə ɗa neɗa gə kṵra̰y nama to ɓərə lə neɗa gə kṵra̰y.

Romaindjé 11:2

Luba mbadə dəw mə ɓeje lə-a gə ye gərə-je kede nam le ang. Ose mə-si uy dɔ tar gə Mbede pa ɔji dɔ Eli gə səgə Ijirayɛl no Luba gə le wa:

Romaindjé 12:1

Be ɓa, ngan ko̰-mje, m-ndəji-si gə go məmayje lə Luba, mba kar unje darɔ-si ja arje Luba gə nepolo gə aw kəm baa, gə to gə losang-ɛ, ngaɓa ta kəm Luba, ye ɓa gə polo gə gə dɔ gɔl-ɛ.

Romaindjé 6:17

Ngaa, oyo ar Luba, kede le ꞌtoje ɓərəje lə neɗa gə kṵra̰y ja ngaa ilaje kuji gə dɔ ɓəngərə-si ja tɔ̰y ngaɓa ꞌnjaje ne gə go ji ne gə ꞌtɔji-si le ja tɔ.

1 Corinthiendjé 3:16

ꞌGərəje to gə sisəy ꞌtoje kəy lə Luba, gə Njil Luba isi mə-si gə ang wa?

1 Corinthiendjé 5:6

Kɔsə gaji rɔ lə-sisəy le, kud-e arə ang! Guway kodo njɛ̰ baa ja ꞌmbɔ̰y ne mbə ɗaa, mbə ḭ ne tɔ̰y le ꞌgərə-je ang wa?

1 Corinthiendjé 6:2

Njerɔsangəje ja ɓa d-a gangə tar dɔ dəwje gə dɔ nangə nee le, ꞌgərə-je ang wa? Ngaa ɓo sisəy ja a gangəje tar dɔ dəwje gə dɔ nangə nee nama mba ɗi ɓa asəje mba gɔl-je ngan tarje gə njɛ̰-njɛ̰ gə to horo-sisəy gə ang wa?

1 Corinthiendjé 6:3

Anjije kara j-a gangə tar dɔ-je gə le, ꞌgərəje ang baa wa? Ngaa ɓədə ɓa tarje gə ɓogəne wa?

1 Corinthiendjé 6:9

ꞌGərəje ang baa wa? Nje ɗa ne dɔ buguruje le d-a kuwa ɓeko̰ lə Luba gə nenduba ang. Ərəje rɔ-si dɔ-ɛ gə ang: njekayaje nəm, nje polo magəje nəm, nje ɓogo lo toje nəm, njetəl rɔ-je gə jeneje nəm, jingawje gə njeto gə naaje nəm,

1 Corinthiendjé 9:13

May kar-si ꞌgərəje to gə nje gə ꞌɗa kula mə kəy gə lə Luba le, ne gə kəne ja ɓa d-odo ne rɔ-je, ngaɓa nje d-aw d-un nepolo no kɔgə gə kara nepolo nee le ja kar-je to kəne tɔ.

1 Corinthiendjé 9:24

May kar-si ꞌgərəje to gə nje kuma naa gə ngɔdə ꞌɓaraje le d-a̰y gə ka̰y ja tɔ̰y ngaa dəw kara baa ja inga ne dɔ ji-a. Ɗaa a̰yje gə go ɗəb-e mba kinga ne ne dɔ ji.

2 Piyɛr 2:19

ꞌJejee nee ja kara kəji neɗa gə kṵra̰y uwa-je ɓərə gə, mba na-na ja kara to ɓərə lə ne gə o̰ ɓe dɔ-ɛ gə, ngaa ꞌpa d-ar nje gə əng, na d-a kar-je d-inga dɔ to dɔy.