Romaindjé 5:9 - Mbede Lə Luba Kone Gə Sigi

⁹ Ngaɓa mba ɓisine ꞌtura sijee gə dəwje gadə-gadə ɗəw məs-e gə le ɗaa, n-a ta-sijee ta wungu gə lə Luba ja tɔ.

Testament ke Siki 1960 (Kabba Laka)

⁹ Tokou ban, mbata ndadjè gaté gaté loshénè deo mese té la, da kadjidjè wota nya deo té la mè ongou té lo Allah.

Romaindjé 5:9 ပူးပေါင်းရင်းမြစ်များ

Jean 5:24

Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Romaindjé 1:18

Mba wungu lə Luba kila rɔ-ɛ mə dara gə uru dɔ nje ꞌɓəəl Luba ang gə ɗa-ɗa ngaɓa dɔ neɗa gə dɔ buguru gə ɗa-ɗa lə dəwje gə ꞌlom dɔ tar gə tɔgərɔ dɔ buguru baa;

Romaindjé 5:1

Mba ꞌtura si gə dəwje gə gadə-gadə ɗəw takagə gə le ɗaa, ɗɛgɛgɛ to horo-sijee gə gə Luba ɗəw gə lə Mbayɓe lə-si Jeju Kirisi;

Romaindjé 5:10

Mba to gə ɓo, j-a to njeba̰a̰je lə Luba ɓa ɓo j-a təl j-um sə-a naa gə ɗəw kuy gə lə Ngon-e nama, ɗəw gə j-um ne sə-a naa gə le ja tɔ j-a kinga ne kaji ɗəw təbə gə lə-a.

Romaindjé 8:1

Ɓisine ɗaa tar kara kara uwa dɔ nje gə d-um naa gə gə Kirisi Jeju ang.

Romaindjé 8:30

Ngaɓa nje gə n-gɔl mba-je kede nam le, n-ɓar-je tɔ, ngaɓa nje gə n-ɓar-je le, n-tura-je gə dəwje gə gadə-gadə, cibi nje gə n-tura-je gə dəwje gə gadə-gadə le, n-ula rɔnduba dɔ-je gə tɔ.

Ephésiendjé 2:13

Ngaa sisəy gə kede ləw ꞌga̰je əw le, ɗəw gə lə Kirisi Jeju ɗaa, ɓisine ɗaa ꞌga̰je dəb ɗəw məsə Kirisi gə.

Ephésiendjé 2:3

Sijee tɔ̰y kara, ja to to gə ꞌjejee be tɔ, ɗaa kede le ja nja gə go kəm kə̰y gə darɔ-si ɓa ɔji, ja ɗa ne mə njigi lə darɔ-si gə tar kəjije lə-si, ar-si ja to ne gə dəwje gə d-uwa dɔ gɔl si d-ɔji ne dɔ wungu, gə ne gə d-uji-si ne gə kuji, to gə nje gə kɛm be tɔ.

1 Thessaloniciendjé 1:10

ngaɓa gə mba kar-si ꞌngəbəje ne ngon-e gə n-ndol-e horo nje gə d-uy gə gə a kḭ dara, Jeju gə a kɔr-si ta wungu gə a ɗe gə.

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

Ebərəje 9:22

Be ɓa məsə togo neje tɔ̰y gə go ndu mba d-a kɔr tar dɔ dəw gə lal kay məsə nangə ang.

1 Jean 1:7

Ngaa to gə ɓo j-a njaje dan lokarə gə, to gə ꞌne kara n-to lokarə, nama j-a ɗa mə kara gə naa gə yo gə nee, ngaɓa məsə Jeju togo neɗa gə kṵra̰y lə-si tɔ̰y.