Romaindjé 5:21 - Mbede Lə Luba Kone Gə Sigi

²¹ Be ɓa mba, to gə neɗa gə kṵra̰y o̰ ɓe ɗəw gə lə yo le, to gə be ja tɔ ɓa mənuji o̰ ɓe ɗəw gə lə neɗa gə gadə-gadə mba təbə gə gə ndɔ gə ndɔ ɗəw gə lə Mbayɓe lə-sijee Jeju Kirisi tɔ.

Testament ke Siki 1960 (Kabba Laka)

²¹ Mbata deo kadaba tokou né ke madjang ö loou mè yo té, ban to tokou mè madji ase kö loou deo gaté gaté té mbata tébé ke ke ndò ke ndò, deo té lo Jésus Christ Mbaibé lodjè.

Romaindjé 5:21 ပူးပေါင်းရင်းမြစ်များ

Matiye 25:46

Be ɓa njeməndulje nee le a kaw kəm pər gə a to gə no gə, ngaa dəwje gə gadə-gadə a kinga təbə gə a to gə ndɔ gə ndɔ.

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 10:28

Ɗaa ꞌma, m-ar-je təbə gə to gə ndɔ gə ndɔ; d-a busu ang saar gə no ngaɓa dəw kara kara a kasə kuwa-je kɔr-je ji-m gə ang tɔ.

Romaindjé 4:13

Mba gə go ɗəw gə lə torondu ang, ngaa gə go ɗəw gə to gadə-gadə ɗəw takagə gə ɓa d-uwa ne dɔ gɔl dɔ nangə ja tɔ̰y gə nenduba d-ar Abəraham ose d-ar gəl kuji lə-a.

Romaindjé 5:12

Gəl-e gə nee ɓa, ɗəw kara baa to gə neɗa gə kṵra̰y andə dɔ nangə nee ɗəw gə lə dəw kara baa, ngaɓa ar neɗa gə kṵra̰y ɗe gə yo, ɗaa to gə be ja tɔ ɓa yo o̰ ne ɓe dɔ dəwje gə tɔ̰y, mba dəwje tɔ̰y ja ꞌɗa neɗa gə kṵra̰y,

Romaindjé 5:14

Ngaa, yo un kud-e dɔ Adam gə nu ja o̰ ɓe saar ce ne dɔ Moyiji gə, ce ne dɔ nje gə ꞌɗa neɗa gə kṵra̰y to to gə kar Adam gə to gə kal tar le ang. Adam gə to ndaji dəw gə a ɗe le.

Romaindjé 5:17

To gə ɓo mba kal tar lə dəw kara baa ɓa yo o̰ ne ɓe ɗəw gə lə-a, ngaa ɓədə ɓa nje gə d-inga mənuji gə nekarə baa kar gadə-gadə gə al dɔ lo d-a ko̰ ɓe dan təbə gə ɗəw gə lə Jeju Kirisi gə gə kar-e ne wa?

Romaindjé 6:12

Ar-je neɗa gə kṵra̰y o̰ ɓe dɔ darɔ-si gə a kuy le ang ngaa mba a ɗa kar ilaje ne kɔji dɔ kəm kə̰y gə lə-a ang.

Romaindjé 6:14

Neɗa gə kṵra̰y a dum dɔ-si ang, mba isije gəl torondu gə ang, ngaa gəl mənuji gə.

Romaindjé 6:16

ꞌGərəje ang wa? Logə unje rɔ-si ilaje mə ji dəw gə gə ɓərə lə-a mba kila ne kɔji dɔ-ɛ gə nama, ꞌtoje ɓərəje lə dəw gə ilaje kuji dɔ-ɛ gə nee le, gə kar neɗa gə kṵra̰y gə ce yo, ose kila kuji gə ce neɗa gə gadə-gadə gə.

Romaindjé 6:23

Mba kuga lə neɗa gə kṵra̰y to yo; ngaa nekarə baa lə Luba to təbə gə gə ndɔ gə ndɔ ɗəw gə lə Mbayɓe lə-sijee Kirisi Jeju.

Romaindjé 8:10

Ngaa to gə ɓo Kirisi ga̰ mə-si gə nama darɔ le uy ɗəw neɗa gə kṵra̰y gə tɔgərɔ ja, ngaa njil to gə təbə ɗəw to gadə-gadə gə.

Tite 2:11

Mənuji lə Luba gə to gəl kaji lə dəwje tɔ̰y le kila rɔ-ɛ gə ɗaga.

Ebərəje 4:16

Be ɓa j-ulaje kudu-si gə kede gə ɓəəl ang, gə mbɔr ngəndəng mbay mənuji gə, mba kinga ne məmay, gə mənuji ngaɓa mba kar logə ne dum dɔ-si nama, n-la gə si kəne.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

2 Piyɛr 1:1

ꞌMa Simo Piyɛr, njeka̰ykula lə Jeju Kirisi ngaɓa m-to ngon njekula lə-a, m-ɗa mbede nee m-ar nje gə ꞌta kagə gə maj-ɛ to to gə sijee be, ɗəw ne ɗa gə dana gadə-gadə lə Luba lə-si je gə njekaji-si Jeju Kirisi.

1 Jean 2:25

Ye ɓa to ne gə ɔji dɔ təbə gə ndɔ gə ndɔ gə n-uwa dɔ gɔl-ɛ n-ar-si.