Romaindjé 5:20 - Mbede Lə Luba Kone Gə Sigi

²⁰ Torondu ce mba kar kal tar ba̰y ne gə kede, ngaa lo gə neɗa gə kṵra̰y ba̰y kəne nama mənuji bula kəne al dɔ lo.

Testament ke Siki 1960 (Kabba Laka)

²⁰ Tar ndedji dé mè té ta kare né ke madjang bar nya, a loou té ke né ke madjang bar nya, tòkou mè madji bar nya wota.

Romaindjé 5:20 ပူးပေါင်းရင်းမြစ်များ

Matiye 20:9

Dəwje gə ꞌɗe gə kar gə um ji-a dɔ baa gə le, dəw kara ɗaa inga lar kula gə kəm ndɔ kara.

Matiye 9:13

Aw-je aw sangəje mə tar gə na: Ko kəmtondoo ɓa m-njigi ɓo nepolo ang mba m-ɗe mba ɓar dəwje gə d-o rɔ-je gə dəwje gə gadə-gadə ang, ngaa m-ɗe mba njeneɗaje gə kṵra̰y.

Lugu 7:47

Gəl-e gə nee ɓa, m-pa m-ar-i, neɗaje gə kṵra̰y lə-a gə bula le Luba ɔr tar-ɛ dɔ-ɛ gə, mba n-tɔji njigi gə to m-e gə. Ngaa to gə ɓo Luba ɔr tar neɗa gə kṵra̰y dɔ dəw gə njɛ̰ baa nama dəbe nee le tɔji njigi gə to m-e gə njɛ̰ baa ja tɔ.

Jean 10:10

Njeɓogo ɗe gə mba ɓogo gə ɓogo, gə mba tɔl gə tɔl, ngaɓa gə mba busu ne gə busu ja baa. ꞌMa m-ɗe gə mba kar dəwje d-inga təbə, ngaɓa kar d-inga gə dɔ mar-ɛ dɔ mar-ɛ gə.

Jean 15:22

To gə ɓo m-ɗe ang nəm m-pa tar m-ar-je ang nəm nama, tar neɗa gə kṵra̰y a kuwa dɔ-je ang; ngaa ɓisine ɗaa neɗa gə kṵra̰y lə-je le lo kɔr tar-ɛ dɔ-je gə godo.

Romaindjé 4:15

Mba torondu uji wungu ngaɓa logə torondu godo kəne ɗaa kal tar godo kəne tɔ.

Romaindjé 6:1

Ja pa na ɗi ja wa? Se j-a nay dan neɗa gə kṵra̰y gə mba kar mənuji ɔsə ne kudu naa wa?

Romaindjé 6:14

Neɗa gə kṵra̰y a dum dɔ-si ang, mba isije gəl torondu gə ang, ngaa gəl mənuji gə.