Romaindjé 5:12 - Mbede Lə Luba Kone Gə Sigi

¹² Gəl-e gə nee ɓa, ɗəw kara baa to gə neɗa gə kṵra̰y andə dɔ nangə nee ɗəw gə lə dəw kara baa, ngaɓa ar neɗa gə kṵra̰y ɗe gə yo, ɗaa to gə be ja tɔ ɓa yo o̰ ne ɓe dɔ dəwje gə tɔ̰y, mba dəwje tɔ̰y ja ꞌɗa neɗa gə kṵra̰y,

Testament ke Siki 1960 (Kabba Laka)

¹² Mbata deo kadaba tokou né ke madjang dé nange nèn deo té lo doou kada, ke yo dé deo té lo né ke madjang, tokou ban yo ndja ase dooudjé toï mbata dooudjé toï da né ke madjang.

Romaindjé 5:12 ပူးပေါင်းရင်းမြစ်များ

Romaindjé 3:23

Mba dəwje tɔ̰y ja ꞌɗa neɗa gə kṵra̰y ngaɓa ꞌlal ne rɔnduba lə Luba,

Romaindjé 5:18

Be ɓa, kal tar gə kara ja tar uwa ne dɔ dəwje tɔ̰y, ɗəw kara baa ja tɔ ɓa neɗa gə gadə-gadə kara baa ja tura dəwje tɔ̰y gə dəwje gə gadə-gadə ngaɓa ar dəwje tɔ̰y d-aw ne kəm baa.

Romaindjé 5:19

Mba to gə kal tar lə dəw kara baa ja ɗa ar dəwje bula ꞌto ne njeneɗaje gə kṵra̰y le, ɗəw kara baa kila kuji lə dəw kara baa ja ɗa ar dəwje bula d-a təl to ne dəwje gə gadə-gadə.

Romaindjé 5:21

Be ɓa mba, to gə neɗa gə kṵra̰y o̰ ɓe ɗəw gə lə yo le, to gə be ja tɔ ɓa mənuji o̰ ɓe ɗəw gə lə neɗa gə gadə-gadə mba təbə gə gə ndɔ gə ndɔ ɗəw gə lə Mbayɓe lə-sijee Jeju Kirisi tɔ.

Romaindjé 6:21

Kula ɗa sisəy le ɗi ɓa ingaje kəne wa? Ɓisine ɗaa kula ɗa si to ne rɔ kul, mba a tɔl t-ɛ dɔ yo gə.

Romaindjé 6:23

Mba kuga lə neɗa gə kṵra̰y to yo; ngaa nekarə baa lə Luba to təbə gə gə ndɔ gə ndɔ ɗəw gə lə Mbayɓe lə-sijee Kirisi Jeju.

1 Corinthiendjé 15:56

Ngaw yo le to neɗa gə kṵra̰y; singamongə neɗa gə kṵra̰y to torondu.

Ephésiendjé 2:3

Sijee tɔ̰y kara, ja to to gə ꞌjejee be tɔ, ɗaa kede le ja nja gə go kəm kə̰y gə darɔ-si ɓa ɔji, ja ɗa ne mə njigi lə darɔ-si gə tar kəjije lə-si, ar-si ja to ne gə dəwje gə d-uwa dɔ gɔl si d-ɔji ne dɔ wungu, gə ne gə d-uji-si ne gə kuji, to gə nje gə kɛm be tɔ.

Jacques 1:15

Cibi, lo gə kəm kə̰y əndə kɛm ɗaa uji neɗa gə kṵra̰y; a ɓo neɗa gə kṵra̰y tɔgə nam ɗaa uji yo.

Jacques 3:2

J-a ɗa neje gə kṵra̰y gə ɗəwje bula. To gə ɓo dəw ɗa ne gə kṵra̰y ɗəw pa tar gə ang nama, to dəw gə may pɛdə gə asə mba ngom rɔ-ɛ gə maj-ɛ pɛdə tɔ.