Romaindjé 5:10 - Mbede Lə Luba Kone Gə Sigi

¹⁰ Mba to gə ɓo, j-a to njeba̰a̰je lə Luba ɓa ɓo j-a təl j-um sə-a naa gə ɗəw kuy gə lə Ngon-e nama, ɗəw gə j-um ne sə-a naa gə le ja tɔ j-a kinga ne kaji ɗəw təbə gə lə-a.

Testament ke Siki 1960 (Kabba Laka)

¹⁰ Mbata tokou djèdjè nai ndjè kembaadjé bai, nda ta kare mèdjè woul pè ke Allah deo kwoei té lo Ngonè, nya wota mbata loshénè mèdjè woul pè mbä da kadjidjè deo tébe té la.

Romaindjé 5:10 ပူးပေါင်းရင်းမြစ်များ

Jean 14:19

Waga ɓəəl ɓi ɗaa, dəwje gə dɔ nangə gə nee d-a ko-m ang gə dɔbo̰; ngaa sisəy ɗaa, a ko-mje, ꞌma le, m-isi kəm baa, ngaɓa sisəy kara a kisije kəm baa tɔ.

Jean 5:26

Be ɓa, to gə Bɔ to ngira təbə le, to gə be ja tɔ n-ar Ngon to ngira təbə tɔ.

Jean 6:40

Mə njigi lə Bɔy le ja ɓi ɓa nee: kar na-na ɓa o Ngon ngaɓa ta kag-ɛ nama inga təbə gə to gə no, ɗaa ꞌma m-a ndol-e dɔ ɗudu ndɔ gə.

Jean 6:57

Cibi, to gə Bɔ dəwje gə isi kəm baa ula-m, ngaɓa to gə ꞌma, m-isi kəm baa ɗəw gə lə Bɔ dəwje le, to gə be ja tɔ, dəw gə usa darɔ-m nama isi kəm baa ɗəw gə lə-m ꞌma tɔ.

Romaindjé 11:28

Ɔji dɔ Tar gə May le ɗaa ꞌtoje njeba̰a̰je mba sisəy; ngaa ɓo ɔji dɔ mbərə ɗaa ꞌnjigi-je, ngaɓa mba tar lə ka-jeje.

Romaindjé 5:11

Cibi ɓa, sijee j-uwa Luba j-ɔsə ne rɔ-si ɗəw gə lə Mbayɓe lə-sijee Jeju Kirisi, gə mbɔr dɔ-ɛ ɓa j-um ne naa gə gə Luba.

Romaindjé 5:6

Mba, logə sijee j-a to nje tɔgə godoje ɓi ja, dɔ kar asə ɗaa Kirisi uy mba nje ɓəəl Luba angje.

Romaindjé 8:32

ꞌNe gə Ngon-e ja ɓi ɓa n-ɔr kəm-e ang, ngaa n-un-e mba dəwje tɔ̰y nee le ja n-a kasə kar-si ne tɔ̰y sə-a ɗəw mənuji gə ang wa?

Romaindjé 8:34

Na ɓa a kar tar uwa dɔ-je wa? Kirisi Jeju le ɓa to dəw gə uy, cibi ɓa ndol, aw isi dɔ ji kɔl Luba gə, aw dəji Luba mba sijee!

Romaindjé 8:7

Mba ɓo ne lə darɔ le to njeba̰a̰ lə Luba mba darɔ ila kuji dɔ torondu gə lə Luba ang, ɓa kasə ja kara n-asə ang.

2 Corinthiendjé 5:20

Be ɓa, sijee le ja to dəwje gə nje pa tarje ta ne toro Kirisi, ɗəw lə-sijee ɓa Luba ɓar-si ne. Gə ri Kirisi, j-oso kul no-si gə: Umje naa gə gə Luba.

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

Ephésiendjé 2:16

Ngaɓa gə mba kum neje naa gə gə Luba gə ꞌjejee gə joo gə ꞌtəl ꞌto gə darɔ gə kara nee le, kar ɗəw gə lə kagə dəsə ɗaa, kudu ne buwa ba̰a̰ nee le gə ɗangə.

Ephésiendjé 2:3

Sijee tɔ̰y kara, ja to to gə ꞌjejee be tɔ, ɗaa kede le ja nja gə go kəm kə̰y gə darɔ-si ɓa ɔji, ja ɗa ne mə njigi lə darɔ-si gə tar kəjije lə-si, ar-si ja to ne gə dəwje gə d-uwa dɔ gɔl si d-ɔji ne dɔ wungu, gə ne gə d-uji-si ne gə kuji, to gə nje gə kɛm be tɔ.

Ebərəje 2:17

Cibi ɓa ɗəw neje gə tɔ̰y ja n-a təl ta naa gə ngan ko̰-ɛ kəne ɓa gə mba təl to buba njekapolo gə nje ɗa məmay, gə dəw gə gadə-gadə, ɗəw kula gə lə Luba kɔr ne tar neɗa gə kṵra̰y dɔ dəw mə ɓeje gə.

Ebərəje 7:25

Be ɓa dəwje gə ꞌce gə ɗəw gə rɔ-ɛ gə mba kaw ɓe lə Luba nama n-asə kar d-inga kaji gə gə ndɔ gə ndɔ, mba n-aw kəm baa gə ɓal-ɓal ɗaa n-aw n-dəji Luba taar-taar mba je.

1 Jean 2:1

Ngan-m gə gɔ-gɔ, m-ɗa mbede nee m-ar-si mba kar ꞌɗaje neɗa gə kṵra̰y ang. Ngaa to gə ɓo dəw oso dan neɗa gə kṵra̰y gə nama, njetadɔ-si ga̰ no Bɔ dəwje gə, Dəw nee le to Jeju Kirisi, n-to dəw gə gadə-gadə.

1 Jean 4:10

Ɗəw njigi gə Luba njigi-si le, to gə sijee ɓa j-a njigi-e kede ang baa, ngaa ꞌne ja ɓa n-njigi-si dɔngɔr ngaɓa n-ula Ngon-e to gə nekuga dɔ neɗa gə kṵra̰y lə-si.

Apocalypse 1:18

gə nje kisi kəm baa. M-uy ja, ɗaa oje m-isi kəm baa gə no ngaɓa m-uwa lakɛrɛ kar yo gə kar lo gə jabaw ji-m gə.