Romaindjé 5:1 - Mbede Lə Luba Kone Gə Sigi

¹ Mba ꞌtura si gə dəwje gə gadə-gadə ɗəw takagə gə le ɗaa, ɗɛgɛgɛ to horo-sijee gə gə Luba ɗəw gə lə Mbayɓe lə-si Jeju Kirisi;

Testament ke Siki 1960 (Kabba Laka)

¹ Tokou ban, mbata ndadjè gaté gaté mbä deo ko mè té, djèdjè djisi dèkèkè ke Allah deo té lo Jésus Christ Mbaibé lodjè.

Romaindjé 5:1 ပူးပေါင်းရင်းမြစ်များ

Lugu 19:38

ꞌPa na: Ndu tɔr to dɔ mbay, dəw gə ɗe gə ri Mbayɓe! Ɗɛgɛgɛ to mə dara gə, Ngaɓa, rɔnduba to sam dara gə.

Lugu 19:42

N-pa na: Sisəy dəwje gə Jerujalɛm, to gə ɓo ꞌgərəje ne gə ɔji dɔ ɗɛgɛgɛ lə-si dɔ ndɔ gə ɓogəne, be je kara ne gə nee le iya rɔ-ɛ kəm-si gə.

Lugu 2:14

Riɓar to dɔ Luba gə mə sam dara gə taar, Ɗɛgɛgɛ to dɔ nangə nee, horo dəwje gə ꞌta kəm-e!

Jean 14:27

M-ḭya̰ ɗɛgɛgɛ m-ar-si, m-ar-si ɗɛgɛgɛ lə-m. ꞌMa m-ar-si to gə dəwje gə dɔ nangə gə nee d-ar-si ang. Ar-je mə-si ila kasə dɛləm ang ngaɓa ꞌɓəəl-je ang tɔ.

Jean 16:33

M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

Jean 20:31

Ɗaa, neje gə nee le, ꞌɗa mba kar-si ꞌtaje ne kagə to gə Jeju to Kirisi, Ngon lə Luba, ngaɓa gə ɗəw takagə gə nee tɔ ɗaa ingaje ne təbə gə ri-a tɔ.

Jean 5:24

Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Koula 10:36

Luba ula Jeju Kirisi gə to Mbayɓe lə dəwje tɔ̰y ar-ɛ ila mbərə Tar gə May gə kar kinga ne ɗɛgɛgɛ ɗəw gə lə-a ar ngan Ijirayɛlje.

Romaindjé 1:17

Ɗəw lə Tar gə May nee le ɓa gadə-gadə lə Luba kila ne rɔ-ɛ gə ɗaga gə ɗəw takagə ngaɓa ɗəw takagə ja kara baa, to to gə ꞌɗa mə mbede gə na: Dəw gə gadə-gadə a kaw kəm baa ɗəw gə lə takagə.

Romaindjé 1:7

m-ɗa mbede nee m-ar-sisəy tɔ̰y gə isije Rɔm, gə Luba njigi-si ya̰, gə ꞌɓar-si kar ꞌtoje gə losang-ɛ le: May kar Bɔ-sijee Luba gə Mbayɓe Jeju Kirisi d-ar-si mənuji gə ɗɛgɛgɛ!

Romaindjé 10:10

Mba dəw gə ta kagə m-e gə ja ɓa to dəw gə gadə-gadə, ngaɓa dəw gə t-ɛ ce ja ɓa inga kaji.

Romaindjé 10:15

Ngaɓa to gə ɓo d-ula-je ang le njepatar-ɛje d-a ga̰ to gə ban wa? Gə go tar gə ꞌɗa mə mbede gə na: To ne rɔləl ya̰ mba ko njekila mbərə Tar gə Mayje le Lo ɗe gə lə-je.

Romaindjé 14:17

Mba ɓeko̰ lə Luba le to nekusa ose nekay ang, ngaa to neɗa gə gadə-gadə, gə ɗɛgɛgɛ ngaɓa rɔləl ɗəw gə lə Njil Njerɔsangə.

Romaindjé 15:13

May kar Luba gə to gəl məkunda, ar rɔləl gə ɔr njal ɗusu mə-si ngaɓa ar-si ɗɛgɛgɛ gə uy bɛm ɗəw takagə gə, mba kar məkunda lə-si ɓar ne mii, ɗəw singamongə gə lə Njil Njerɔsangə!

Romaindjé 15:33

May kar Luba gə nje gəl ɗɛgɛgɛ nay gə si tɔ̰y! Oyo!

Romaindjé 3:22

gadə-gadə lə Luba gə ɗe gə go takagə Jeju Kirisi le, to mba dəwje gə ꞌta kagə, mba kɔr kəm dəw godo.

Romaindjé 3:30

mba Luba gə gə kar-ɛ baa ɗəgədə nee ja a ko nje gə unja bərəje gə dəwje gə gadə-gadə gə go takagə, ngaɓa nje gə unja bərəje ang kara n-a koje gə dəwje gadə-gadə gə go takagə tɔ.

Romaindjé 4:5

Kar dəw gə kula ɗ-ɛ godo ngaa takagə Luba gə o dəw gə ɓəəl-e ang gə dəw gə gadə-gadə nama gə go takagə lə-a ja d-a tura ne gə dəw gə gadə-gadə.

Romaindjé 5:11

Cibi ɓa, sijee j-uwa Luba j-ɔsə ne rɔ-si ɗəw gə lə Mbayɓe lə-sijee Jeju Kirisi, gə mbɔr dɔ-ɛ ɓa j-um ne naa gə gə Luba.

Romaindjé 5:18

Be ɓa, kal tar gə kara ja tar uwa ne dɔ dəwje tɔ̰y, ɗəw kara baa ja tɔ ɓa neɗa gə gadə-gadə kara baa ja tura dəwje tɔ̰y gə dəwje gə gadə-gadə ngaɓa ar dəwje tɔ̰y d-aw ne kəm baa.

Romaindjé 6:23

Mba kuga lə neɗa gə kṵra̰y to yo; ngaa nekarə baa lə Luba to təbə gə gə ndɔ gə ndɔ ɗəw gə lə Mbayɓe lə-sijee Kirisi Jeju.

Romaindjé 9:30

Ɗi ɓa ja pa ɓi wa? Dəwje gə to Jiibije ang gə ꞌsangə go gadə-gadə ang ja, d-inga-a, gadə-gadə gə ɗe gə go takagə,

Galatedjé 2:16

To gə be ɓa, Luba o dəw gə dəw gə gadə-gadə ɔji dɔ kuji gə kila dɔ torondu gə ang ngaa ɔji dɔ takagə Jeju Kirisi. Sijee kara j-a ta kagə Jeju Kirisi mba kar Luba o ne si gə dəwje gə gadə-gadə ɗəw ta kagə Kirisi gə, ɓo dəw a to gadə-gadə ɗəw kila kuji dɔ torondu gə ang, mba dəw kara gə Luba a ko-e gə dəw gadə-gadə gə go kuji gə kila dɔ torondu le godo.

Galatedjé 3:25

Logə takagə ɗe nam ɗaa, torondu le ɔr no-si ang ngaa.

Galatedjé 5:22

Ngaa kandə Njil le ɓa nee: Njigi, rɔləl, ɗɛgɛgɛ, kore ur, məmay, ɗa may, takagə,

Ephésiendjé 2:7

mba kar dɔ ndɔ gə bara nama, tɔji ne gadə mənuji lə-a gə unda kubu ɗəw məmay gə lə-a ɔji dɔ sijee gəl Kirisi Jeju gə.

Philippiendjé 3:9

Be ɓa mba kar Luba o-m ne gə dəw gə gadə-gadə, gə go kula ɗa-m ꞌma ang nəm ngaɓa go kila kuji dɔ torondu gə ang nəm ngaa gə go takagə Kirisi, ɗaa Luba ja ɓa gɔl ɗəw kar dəw to ne gadə-gadə gə ɗəw takagə.

Colossiendjé 1:20

ngaɓa mba n-gɔl neje tɔ̰y n-ar um sə-a ꞌne ja naa gə, neje gə dɔ nangə nee gə neje gə mə dara gə, kar ɗɛgɛgɛ ɗe ne ɗəw gə lə-a gə ɗəw məs-e gə kagə dəsə gə.

Colossiendjé 3:15

May kar ɗɛgɛgɛ lə Kirisi gə ꞌɓar-si kəne d-ar umje ne naa gə gə darɔ gə kara baa le, o̰ ɓe dɔ ɓəngərə si gə. ꞌƊa-eje oyo.

1 Thessaloniciendjé 5:23

May kar Luba gə nje gəl ɗɛgɛgɛ gə darɔ-ɛ ja unda-si gə losang-ɛ, may kar lo kunda rɔ lə-si tɔ̰y, gə njil-si, kəm gə darɔ le ꞌto gə lo-e mɔgɔgɔ kar tar uwa ne dɔ-je ndɔ ɗe gə lə Mbayɓe lə-si Jeju Kirisi ang!

2 Thessaloniciendjé 3:16

May kar Mbayɓe ja gə nje gəl ɗɛgɛgɛ ar-si ɗɛgɛgɛ lə-a gə ndɔje kara-kara tɔ̰y, gə ɗəwje dang-dang. May kar Mbayɓe nay gə si tɔ̰y.

Ebərəje 13:20

May kar Luba gə njekunda gəl ɗɛgɛgɛ, gə ar Mbayɓe le-si Jeju ndol horo nje gə d-uy, to ne njekuul badəmje gə boy, ɗəw gə lə məs-e gə riya ne kone gə to gə ɓal-ɓal,