Romaindjé 4:17 - Mbede Lə Luba Kone Gə Sigi

¹⁷ Be ɓa ꞌɗa mbede gə na: M-unda-i gə bɔ Gəl kuji dəwje gə bula, n-to ka-sijee no-gɔl dəw gə n-ta kag-ɛ gə, Luba gə nje kar nje gə d-uy təbə ngaɓa ne gə ga̰ ang kara n-ɓar-ɛ n-ar-ɛ ga̰.

Testament ke Siki 1960 (Kabba Laka)

¹⁷ Deo kadaba tokou maketourou pa, Mam ndai to bò gel dooudjé nya no Allah té ke nè no mèa té sa, nè ke nare tébe ndjè yodjé, ke mmar né ke goto to né ke to.

Romaindjé 4:17 ပူးပေါင်းရင်းမြစ်များ

Matiye 3:9

Ɓo əw-je rɔ-si kunda-je mə-si na: Abəraham to ka-sijee! To gə be ɓa m-pa m-ar-si to gə ərje gə to nee ja kara Luba asə mba təl-je gə nganje kar Abəraham.

Jean 5:21

Be ɓa, to gə Bɔ Ngon-je ndol ne nje gə d-uy ngaɓa n-ar-je d-isi kəm baa le, to gə be ja tɔ, Ngon ar na-na kara isi kəm baa to gə m-e ye ja njigi.

Jean 5:25

Tar gə tɔgərɔ ja, m-pa m-ar-si, kar-ɛ ɗe, ɗaa to kar-ɛ ja ɓisine, logə nje gə d-uy d-a ko ndu Ngon lə Luba, ngaɓa nje gə d-a ko ndu-e le d-a kisi kəm baa.

Jean 6:63

Njil ɓa to nje kar dəw aw kəm baa. Darɔ asə ɗa ne kara ang. Tarje gə ꞌma, m-pa m-ar-si le to Njil gə təbə.

Koula 15:18

Mbayɓe gərə neje nee le ləw-ləw baa.

Romaindjé 3:29

Ose, Luba le to Luba lə Jiibije ja gə kar je baa wa? Ɓo nje gə to Jiibije ang ɗaa n-to Luba lə-je ja tɔ ang wa? Be ɓa dəwje gə ꞌgərə Luba ang kara n-to Luba lə-je tɔ,

Romaindjé 4:18

Abəraham ar dɔ kunda mə gə lə-a gə ngɔ ja, n-ta kagə ngaɓa n-təl to ne bɔ gəl kuji dəwje bula, to to gə ꞌpa nena: Gəl kuji lə-i le a to to gə be,

Romaindjé 4:2

To gə ɓo d-o Abəraham gə dəw gə gadə-gadə gə kula ɗ-ɛje nama, to ne kɔsə rɔ lə-a ja. Ngaa, no Luba gə le, to gə bənəng ang baa.

Romaindjé 8:11

Ngaɓa to gə ɓo Njil gə nje ndol Jeju horo nje gə d-uy gə le isi mə-sisəy gə nama, ꞌne gə nje ndol Kirisi Jeju horo nje gə d-uy gə nee le n-a kar darɔ-sisəy gə a kuy le inga təbə ɗəw gə lə Njil-e gə isi mə-sisəy gə le.

Romaindjé 9:11

mba logə nganje le d-uji-je ang ja ɓi ngaɓa ꞌgərə ne gə kṵra̰y gə ne may ang ɓi ja ngaa mba kar ne gə Luba ɔji mba ɗa le aw ne lo-e gə,

Romaindjé 9:26

Ngaɓa lo gə njekara gə ꞌpa kəne d-ar-je na: ꞌToje dəw mə ɓeje lə-m ang! D-a ɓar-je kəne gə ngan lə Luba gə nje kisi kəm baa.

1 Corinthiendjé 1:28

Luba mbərə neje gə to gə neje gə baa dɔ nangə nee, neje gə ꞌdabə dasəra, ne gə godo mba tɔji ne ye gə d-o gə ne gə tɔgərɔ,

1 Corinthiendjé 15:45

Gəl-e gə nee ɓa ꞌɗa ne mə mbede gə na: Dɔngɔr dəw, Adam, təl nekunda gə aw kəm baa. Bo̰ Adam, təl njil gə nje kar təbə.

1 Timoce 6:13

ꞌMa, m-un ndu-m m-ar-i no Luba gə to nje kar neje tɔ̰y, təbə ngaɓa no Jeju Kirisi gə pa tar naji lə-a no Po̰s Pilad gə,

Ebərəje 11:12

Gəl-e gə nee ɓa dəw gə kara baa nee ja, gə to dəw gə ɓuga ya̰ ja, ngaa unda gəl kuji dəwje bula to to gə ndɛ̰ndərɛ̰ndɛ̰je gə dara ngaɓa ꞌbula to to gə ꞌnangəra̰ gə ta babo kadə gə gə dum tura be.

Ebərəje 11:3

Gə go takagə ɓa j-a gərə ne to gə Luba unda ne dara gə nangə gə tar gə t-ɛ gə, ar j-o to gə ne gə kəm dəw ang ja ce to ɗaga.

Ebərəje 11:7

Ɗəw gə lə takagə ɓa Luba pa ne tar ne gə dəw o ndɔ kara ang baa ɓi ar Nowe ɗaa Nowe ɓəəl ila ne kɔji ɗa ne to mba kaji lə nje gə kəy lə-a, ngaɓa n-gangə ne tar dɔ dəwje gə cibi ɓa n-to ne njekuwa nduba neɗa gə gadə-gadə ɗəw gə lə takagə lə-a.

1 Piyɛr 2:10

Sisəy gə kede ꞌtoje dəwje gə d-aw baa gə nangə əng ngaa ɓisine ꞌtoje dəwje lə Luba; Luba o kəmtondoo lə-si ang, ngaa ɓisine ɗaa n-o kəmtondoo lə-si ngaa.

2 Piyɛr 3:8

Ngaa, sisəy gə m-njigi-si ya̰, ne kara to kəne əng gə kar mə-si uy ang: no Mbayɓe gə le, ndɔ kara to to gə ɓal tɔl-tɔl dɔg ngaɓa Ɓal tɔl-tɔl dɔg, to to gə ndɔ kara baa be;