Romaindjé 4:11 - Mbede Lə Luba Kone Gə Sigi

¹¹ Be ɓa d-ar-ɛ ndaji kunja bərə le gə bəngə ji gadə-gadə lə-a ɗəw takagə gə, ɗaa go-e gə ngaɓa d-unja bər-e ɓi. To gə be ɓa n-təl to ne bɔ ꞌjejee tɔ̰y gə ꞌta kagə, ngaɓa d-unja bərə-je ang ja ngaa ꞌtura-je gə dəwje gə gadə-gadə,

Testament ke Siki 1960 (Kabba Laka)

¹¹ Nè ninga tar koudja ta mote tokou né tòdjou aséh né ke rëté gaté gaté, mbata ko mè té ke néh né tokou nai noudja ta motè ang bai. Tokou ban ta karè ndé to bòdèdè toï ke do mèdè té, tokou dèdè nai doudja ta motedè ang, tokou ban dase touradè to gaté gaté.

Romaindjé 4:11 ပူးပေါင်းရင်းမြစ်များ

Matiye 16:16

Simo Piyɛr ila kəne na: ꞌI ꞌto Kirisi, Ngon lə Luba gə Nje kisi kəm baa.

Matiye 8:11

M-pa m-ar-si to gə, dəwje bula d-a kḭ lo ce gə lə kar gə lo kuru nangə lə kar, mba kisi ta ka nekusa gə gə Abəraham, gə Ijagə, gə Jakobo mə ɓeko̰ gə dara.

Lugu 19:9

Be ɓa, Jeju pa ar-ɛ na: Kaji ɗe ɔji dɔ mə kəy gə nee ɓogəne, mba ꞌi kara, ꞌto ngon ka Abəraham tɔ.

Jean 3:33

Dəw gə njigi go tar naji gə lə-a le, pa ar-ɛ arə ngadə to gə Luba to tar gə tɔgərɔ ja,

Jean 3:36

Dəw gə ta kagə Ngon nama inga təbə gə to gə ndɔ gə ndɔ; dəw gə ta kagə Ngon ang nama kinga təbə lə-a gə gə ndɔ gə ndɔ a godo, ngaa wungu lə Luba nay dɔ-ɛ gə.

Jean 6:35

Jeju pa ar-je na: ꞌMa ja m-to gə mbə gə kar kisi gə təbə; dəw gə ɗe rɔ-m nama, ɓo a kɔr-ɛ ang ja saar, ngaɓa dəw gə ta kagə-m nama kunda a kɔr-ɛ ang ja saar tɔ.

Jean 6:40

Mə njigi lə Bɔy le ja ɓi ɓa nee: kar na-na ɓa o Ngon ngaɓa ta kag-ɛ nama inga təbə gə to gə no, ɗaa ꞌma m-a ndol-e dɔ ɗudu ndɔ gə.

Jean 6:47

Tar gə tɔgərɔ ja, m-pa m-ar-si, dəw gə ta kagə nama inga təbə gə to gə no.

Jean 8:33

D-ila-a kəne na: Sijee j-a to ngan ka Abəraham ngaɓa dəw kara kara uwa-si ɓərə ang ja saar; na ban ɓa, ꞌI, ꞌpa na: Kula ɓərə a kɔr gɔbə-si gə wa?

Romaindjé 10:11

Mba mbede pa na: Dəw gə ɗa-ɗa gə ta kag-ɛ le rɔ kul a kuwa-a ang.

Romaindjé 10:4

mba Kirisi ja tɔl ta torondu mba kar dəw gə ɗa-ɗa gə takagə to ne dəw gə gadə-gadə.

Romaindjé 10:6

Ngaa, oje ɗəw gə neɗa gadə-gadə ɗe ne gə go takagə le ɓa to nee: Əw rɔ-i dəji rɔ-i tar mə-i gə na: Na ɓa a kḭ kaw dara wa? Mba ɗa kar Kirisi ɗisi ɗe nangə nee wa?

Romaindjé 3:22

gadə-gadə lə Luba gə ɗe gə go takagə Jeju Kirisi le, to mba dəwje gə ꞌta kagə, mba kɔr kəm dəw godo.

Romaindjé 3:26

ɓogəne kara n-njigi mba tɔji gadə-gadə lə-a mba to ne gadə-gadə ngaɓa gə mba kar dəw gə ta kagə Jeju nama n-o-ɛ ne gadə-gadə tɔ.

Romaindjé 3:30

mba Luba gə gə kar-ɛ baa ɗəgədə nee ja a ko nje gə unja bərəje gə dəwje gə gadə-gadə gə go takagə, ngaɓa nje gə unja bərəje ang kara n-a koje gə dəwje gadə-gadə gə go takagə tɔ.

Romaindjé 4:10

Logə ꞌtura-a gə dəw gə gadə-gadə le se n-to to gə ban wa? Kede no kunja bərə gə ose go kunja bərə gə wa? Ə̰ə̰ə̰, kede no kunja bərə gə ɓo go kunja bərə gə ang.

Romaindjé 9:30

Ɗi ɓa ja pa ɓi wa? Dəwje gə to Jiibije ang gə ꞌsangə go gadə-gadə ang ja, d-inga-a, gadə-gadə gə ɗe gə go takagə,

Romaindjé 9:33

to gə ꞌɗa ne mə mbede gə na: Oje, m-ila kɔr ər tuga Siyo̰ gə, gə Jigi kar tuga koso, Ngaa ɓo dəw gə ta kag-ɛ nama rɔ kul a kuwa-a ang.

Romaindjé 9:6

Ə̰ə̰ə̰, tar lə Luba oso nangə baa ang. Mba dəwje tɔ̰y gə d-uji-je gəl ka Ijirayɛl gə ja ɓa to gə Ijirayɛlje ang,

2 Corinthiendjé 1:22

N-ɔsə bəngə ji-a rɔ-si gə ngaɓa n-ar Njil ta mə-sijee to gə nemayje gə d-ɔsə kɔrə mba sijee.

Galatedjé 3:22

Ngaa Mbede um ne tɔ̰y gəl singamongə gə lə neɗa gə kṵra̰y mba kar ndu kun gə d-uwa dɔ gɔl-ɛ le, d-ar njetakagə ɗəw takagə Jeju Kirisi gə.

Galatedjé 3:29

Cibi, sisəy tɔ̰y ꞌtoje kar Kirisi, ɗaa ꞌtoje gəl kuji Abəraham, nendubaje gə ɗəw ndu kun gə Luba uwa dɔ gɔl-ɛ.

Galatedjé 3:7

Oje gə maj-ɛ ɓa, dəwje gə njetakagəje ɓa ꞌto ngan lə Abəraham.

Galatedjé 5:5

Kar-sijee le, j-a ngina gə takagə ɗəw Njil gə mba kar d-o si gə dəwje gə gadə-gadə, ye ɓa gə ne gə m-ngəɓə.

Galatedjé 6:16

Dəwje tɔ̰y gə d-ila kuji gə go ɗəb-e nee le, ɗɛgɛgɛ gə ko kəmtondoo to dɔ-je naa gə kara baa gə ko dəwje lə Luba tɔ̰y.

Ephésiendjé 1:13

Ɗəw gə lə Kirisi le ja tɔ ɓa, sisəy oje ne mbərə tar gə tɔgərɔ, Tar gə May gə gə aji-si. Gə go ɗəw gə lə-a le ja cibi ɓa, sisəy ꞌtaje ne kagə, ɗaa d-ɔsə bəngə ji gə kar Njil rɔ-si gə, Njil Njerɔsangə gə d-ɔji gə mba kar-si,

Ephésiendjé 4:30

May kar-si ꞌtuji-je mə Njil Njerɔsangə lə Luba ang, gə ɗəw lə-a ɓa bəngə ji to ne rɔ-si gə ɔji ne dɔ ndɔ ce ɓe ɓərə gə lə neɗa gə kṵra̰y.

Philippiendjé 3:9

Be ɓa mba kar Luba o-m ne gə dəw gə gadə-gadə, gə go kula ɗa-m ꞌma ang nəm ngaɓa go kila kuji dɔ torondu gə ang nəm ngaa gə go takagə Kirisi, ɗaa Luba ja ɓa gɔl ɗəw kar dəw to ne gadə-gadə gə ɗəw takagə.

Ebərəje 11:7

Ɗəw gə lə takagə ɓa Luba pa ne tar ne gə dəw o ndɔ kara ang baa ɓi ar Nowe ɗaa Nowe ɓəəl ila ne kɔji ɗa ne to mba kaji lə nje gə kəy lə-a, ngaɓa n-gangə ne tar dɔ dəwje gə cibi ɓa n-to ne njekuwa nduba neɗa gə gadə-gadə ɗəw gə lə takagə lə-a.

2 Piyɛr 1:1

ꞌMa Simo Piyɛr, njeka̰ykula lə Jeju Kirisi ngaɓa m-to ngon njekula lə-a, m-ɗa mbede nee m-ar nje gə ꞌta kagə gə maj-ɛ to to gə sijee be, ɗəw ne ɗa gə dana gadə-gadə lə Luba lə-si je gə njekaji-si Jeju Kirisi.

Apocalypse 9:4

ꞌPa d-ar-je gə mba kar ꞌɗa məyɛr kara be gə mu gə dɔ nangə gə ang nəm, gə kagə kara be ang nəm, ngaa gə dəwje gə bəngə ji Luba to ngo no-je gə ang ja baa.