Romaindjé 3:4 - Mbede Lə Luba Kone Gə Sigi

⁴ Be ang baa! May gərə ngadə to gə Luba ɗa ne gə tɔgərɔ, ngaa dəw gə ɗa-ɗa kara to nje ɗəgərə, to gə ꞌɗa ne mə mbede gə na: Mba kar d-o-i ne gə dəw gə gadə-gadə gə go tarje gə ce ta-i gə, ngaɓa gə kar tar uwa-i ne lo gangə tar gə ang.

Testament ke Siki 1960 (Kabba Laka)

⁴ Ngadji goto, Are Allah to nè ke tokoro, a dooudjé toï to ndjè kere ngem, deo kadaba tokou maketourou pa, Ta kare doi gaté gaté deo tar té loi, Ndò ke i téh loou gange saria té ke i ndaidè ke tar.

Romaindjé 3:4 ပူးပေါင်းရင်းမြစ်များ

Matiye 11:19

ꞌMa gə Ngon lə dəw le, m-ɗe, m-usa gə m-ay ɗaa, ꞌpa na: Dəw gə nee le, n-to ka guru gə n-to ka mbəl-e, n-to njekura lə njembo̰ lar gədə ɓeje gə njeneɗaje gə kṵra̰y. Ngaa kəm karə lə Luba le to gadə-gadə gə go kula ɗ-ɛje.

Lugu 20:16

N-a ɗe kar ꞌtɔl njeɗa kula bḭyə̰je nee ɗaa n-a kun bḭyə̰ le kar nje gə ɗangə. Logə Parijiyɛ̰je d-o tarje nee be ɗaa, ꞌpa na: A to to gə be ang!

Jean 3:33

Dəw gə njigi go tar naji gə lə-a le, pa ar-ɛ arə ngadə to gə Luba to tar gə tɔgərɔ ja,

Romaindjé 11:1

M-dəji tar na: Luba mbadə dəw mə ɓeje lə-a wa? N-mbadə-je ang! Mba ꞌma kara, m-to Ijirayɛl tɔ, gə gəl kuji Abəraham gə, gə gəl ka gə lə Bɛnjamɛ̰.

Romaindjé 11:11

M-pa na: Se ꞌtuga-je gɔl-je ɓa ꞌce d-oso-je gə no-je ngaa wa? Be ang baa! Ngaa mbɔr dɔ koso lə-je ɓa d-ar dəwje gə ꞌgərə Luba ang d-inga ne kaji, mba kɔsə neje kar ꞌnər-je ne mə.

Romaindjé 3:31

To gə be le se, j-un takagə j-ɔr ne singa torondu ngaa kən wa? Be ang baa, ngaa j-ɔsə kudu torondu gə kɔsə.

Romaindjé 6:15

Ɗi cibi wa! J-a ɗa-je neɗa gə kṵra̰y mba kisi gə j-isije gəl torondu gə ang ngaa j-isi gəl mənuji gə wa? Jagə ang!

Romaindjé 6:2

Jagə ang! Sijee gə j-uy ɗəw neɗa gə kṵra̰y gə nam le, j-a təl kisi kəm baa dan neɗa gə kṵra̰y gə to gə ban wa?

Romaindjé 7:13

Ne gə may le cibi ɓa təl gəl yo-m wa? Jagə ang! Ngaa neɗa gə kṵra̰y ja, mba neɗa gə kṵra̰y le un ne gə may ngaɓa ar təl gəl yo-m, mba kar ɗəw gə lə ndu ja kar dəw gərə ne to gə neɗa gə kṵra̰y le ɓar mii gə kede.

Romaindjé 7:7

J-a pa na ɗi wa? Torondu to neɗa gə kṵra̰y wa? Jagə ang! Ngaa, ɗəw gə lə torondu ja baa ɓa m-gərə ne neɗa gə kṵra̰y. Mba, torondu gə na: ꞌI a ɗa kəm kə̰y ang le, to gə ɓo torondu pa ang nama m-a gərə ne gə ri-a na kəm kə̰y ang baa.

Romaindjé 9:14

J-a pa na ɗi wa? Luba to njebuguru wa? Be ang baa!

1 Corinthiendjé 6:15

ꞌGərəje to gə darɔ-sisəy le to bar kəm rɔ Kirisi ang wa? Ɗaa m-a kun bar kəm rɔ Kirisi mba təl ɗ-ɛ gə bar kəm rɔ kaya jene wa? Ndɔ kara ang.

2 Corinthiendjé 1:18

No Luba gə njeneɗa gə dana gadə le, tar gə sijee ja pa j-ar-si le to gə oyo ngaɓa ə̰ə̰ə̰ ang baa.

Galatedjé 2:17

Ngaa to gə ɓo j-a sangə kar d-o si gə dəwje gə gadə-gadə ɗəw gə lə Kirisi nama, sijee kara j-a təl to njeneɗaje gə kṵra̰y tɔ. Ɗaa se Kirisi to njekula lə neɗa gə kṵra̰y wa? Be ang baa.

Galatedjé 2:21

ꞌMa, m-mbadə mənuji lə Luba ang, mba to gə ɓo dəw a to dəw gə gadə-gadə ɗəw gə torondu nama, Kirisi uy baa ja.

Galatedjé 6:14

Ye gə ɔji dɔ-m ꞌma le ɗaa, to gə be ang! Kuy lə Mbayɓe Jeju Kirisi kagə dəsə gə ja kara baa ɓa m-a kɔsə ne gaji rɔ-m. Ɗəw kuy gə lə-a nee le ɓa, m-o ne neje tɔ̰y gə dɔ nangə nee gə mal-ɛje to neje gə d-uy ta kəm-m gə, ngaɓa ꞌma kara m-to to gə dəw gə uy be kəm neje gə dɔ nangə nee gə malje tɔ.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Tite 1:2

Gə mba kunda ne mə dɔ təbə gə a to gə ndɔ gə ndɔ, gə Luba gə tɔgərɔ uwa dɔ gɔl-ɛ nam ɓa ɗa dara gə nangə.

Ebərəje 6:18

be ɓa ɗəw gə lə neje gə joo gə ndu-e a turu kəne ang mba Luba asə pa tar gə ɗəgərə ang, a kar singa gə boy, ngaɓa lokiya rɔ mba cḭya̰ ne dɔ ne kunda mə gə d-uwa dɔ gɔl-ɛ d-ar-si.

1 Jean 5:10

Dəw gə ta kagə Ngon lə Luba ɗaa tar naji nee le to m-e gə; ngaa dəw gə ta kagə Luba ang nama, dəb-e nee le o Luba gə njetar gə baa, mba mbadə ta kagə tar naji gə Luba pa ɔji dɔ Ngon-e le.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

Apocalypse 3:7

ꞌƊa mbede ar anji lə mbo̰ naa lə njetakagəje gə Piladɛləpi ꞌpa na: A o, tar gə njerɔsangə, dəw gə gadə-gadə, Gə uwa ngon lakɛrɛ lə Dabidi ji-a gə, Gə ɔr ta ɗəw nama dəw a kudu ang, Gə udu ta ɗəw nama dəw kɔr ang pa le ɓa nee.