Romaindjé 3:29 - Mbede Lə Luba Kone Gə Sigi

²⁹ Ose, Luba le to Luba lə Jiibije ja gə kar je baa wa? Ɓo nje gə to Jiibije ang ɗaa n-to Luba lə-je ja tɔ ang wa? Be ɓa dəwje gə ꞌgərə Luba ang kara n-to Luba lə-je tɔ,

Testament ke Siki 1960 (Kabba Laka)

²⁹ Aséh Allah to Allah lo Juifdjé kadaba wa? Nè nto Allah lo Gentildjé to ang wa? Aä, lo Gentildjé to.

Romaindjé 3:29 ပူးပေါင်းရင်းမြစ်များ

Matiye 22:32

ꞌMa m-to Luba lə Abəraham, Luba lə Ijagə, gə Luba lə Jakobo. Luba to Luba lə nje gə d-uy ang, ngaa n-to Luba lə dəwje gə d-isi kəm baa.

Matiye 28:19

Awje, ɓo ꞌturuje gəl kuji dəwje tɔ̰y gə ngan njenendoje ngaɓa ꞌɗaje-je batɛm gə ri Bɔ, gə Ngon, gə Njil Njerɔsangə,

Koula 10:34

Be ɓa Piyɛr cɛ̰ t-ɛ pa na: Tɔgərɔ m-gərə to gə Luba ɔr kəm dəwje ang.

Koula 22:21

Be ɓa n-pa n-ar-m na: Aw, mba m-a kula-i əw dɔ-i gə ɓe lə dəwje gə ꞌgərə Luba ang.

Koula 26:17

M-ɔrə-i horo dəw mə ɓeje gə horo dəwje gə ꞌgərə Luba ang gə m-a kula-i ɓe lə-je,

Koula 9:15

Ngaa Mbayɓe təl pa ar-ɛ na: Aw, mba dəw nee le ꞌma ja m-mbər-e gə neɗa kula lə-m, mba kar n-un ri-m n-aw ne no dəwje gə ꞌgərə Luba ang gə, gə no mbayje gə, ɓa no ngan Ijirayɛlje gə;

Romaindjé 1:16

Mba m-ɗa rɔ kul ɔji dɔ Tar gə May ang, mba to singamongə lə Luba mba kar dəw gə ɗa-ɗa gə takagə nama aji ne, Jiibi ja dɔngɔr, ngaɓa dəw gə to Jiibi ang tɔ.

Romaindjé 10:12

Mba kɔr kəm dəw godo horo Jiibije gə dəw gə to Jiibi ang gə, mba Mbayɓe lə-je kara baa, gə nebaw lə-a to ɔji dɔ dəwje gə d-ila ndu-je nangə ꞌɓar-ɛ ne.

Romaindjé 15:16

ar m-to njekula lə Kirisi Jeju horo dəwje gə ꞌgərə Luba ang gə; kula gə to gə losang-ɛ gə to kila mbərə Tar gə May lə Luba le m-ɗa, mba kar dəwje gə ꞌgərə Luba ang le ꞌto ne nenuji gə Njil Njerɔsangə unda gə losang-ɛ gə may ta kəm Luba gə.

Galatedjé 3:14

Be ɓa, dəwje gə ꞌgərə Luba ang gə ꞌta kagə Jeju Kirisi d-inga ne ndu tɔr lə Abəraham, mba kar ɗəw takagə gə ɗaa, sijee kara j-a kinga ne Njil gə Luba uwa dɔ gɔl-ɛ.

Ephésiendjé 3:6

ɗəw gə lə Kirisi Jeju ɗaa, nje gə ꞌto gə Jiibije ang le, ꞌtəl ꞌto gə nje kuwa nendubaje gə ꞌtəl ꞌto gə darɔ gə kara baa, ngaɓa ne gə Luba uwa dɔ gɔl-ɛ le kara to ɔji dɔ-je naa gə kara baa gə Jiibije ɗəw Tar gə May gə.

Colossiendjé 3:11

ꞌYe gə nee le ɔji dɔ gərɛk ang nəm, Jiibi ang nəm, njekunja bərə ang nəm, njemɔdə ɓɔl ang nəm, mbaa ang nəm, nje kəm karə ang ang nəm, ɓərə ang nəm, nje dɔ to doy ang, ngaa Kirisi ja kara baa to mə-je gə tɔ̰y.