Romaindjé 3:28 - Mbede Lə Luba Kone Gə Sigi

²⁸ Mba sijee j-əji to gə d-o dəw gə dəw gə gadə-gadə gə go takagə, lal kula ɗaje gə gə go torondu.

Testament ke Siki 1960 (Kabba Laka)

²⁸ Mbata djèdjè djo doou dé gaté gaté deo ko mè té, a deo koula té lo tar ndedji ang.

Romaindjé 3:28 ပူးပေါင်းရင်းမြစ်များ

Jean 5:24

Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Jean 6:40

Mə njigi lə Bɔy le ja ɓi ɓa nee: kar na-na ɓa o Ngon ngaɓa ta kag-ɛ nama inga təbə gə to gə no, ɗaa ꞌma m-a ndol-e dɔ ɗudu ndɔ gə.

Romaindjé 3:26

ɓogəne kara n-njigi mba tɔji gadə-gadə lə-a mba to ne gadə-gadə ngaɓa gə mba kar dəw gə ta kagə Jeju nama n-o-ɛ ne gadə-gadə tɔ.

Romaindjé 4:5

Kar dəw gə kula ɗ-ɛ godo ngaa takagə Luba gə o dəw gə ɓəəl-e ang gə dəw gə gadə-gadə nama gə go takagə lə-a ja d-a tura ne gə dəw gə gadə-gadə.

Romaindjé 5:1

Mba ꞌtura si gə dəwje gə gadə-gadə ɗəw takagə gə le ɗaa, ɗɛgɛgɛ to horo-sijee gə gə Luba ɗəw gə lə Mbayɓe lə-si Jeju Kirisi;

Romaindjé 8:3

Ne gə torondu asə ɗa ang, mba mbɔr-ɛ lə darɔ ɓa Luba ɗa, ula Ngon-e ja ar-ɛ un darɔ gə ta naa gə njeneɗa gə kṵra̰y be, ila ne tar dɔ neɗa gə kṵra̰y gə darɔ gə,

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

Galatedjé 2:16

To gə be ɓa, Luba o dəw gə dəw gə gadə-gadə ɔji dɔ kuji gə kila dɔ torondu gə ang ngaa ɔji dɔ takagə Jeju Kirisi. Sijee kara j-a ta kagə Jeju Kirisi mba kar Luba o ne si gə dəwje gə gadə-gadə ɗəw ta kagə Kirisi gə, ɓo dəw a to gadə-gadə ɗəw kila kuji dɔ torondu gə ang, mba dəw kara gə Luba a ko-e gə dəw gadə-gadə gə go kuji gə kila dɔ torondu le godo.

Galatedjé 3:24

Be ɓa, torondu to njekɔr no-si ngina ne Kirisi, mba kar d-o ne si gə dəwje gə gadə-gadə ɗəw takagə gə.

Galatedjé 3:8

Ye gə nee le ɓa, Mbede pa kede to gə Luba a ko dəwje gə ꞌgərə Luba ang gə dəwje gə gadə-gadə gə go ɗəw takagə. Luba pa Tar gə May nee le ar Abəraham kede: Gəl kuji dəwje tɔ̰y gə dɔ nangə nee d-a kinga ndu tɔr ɗəw gə lə-i.

Ephésiendjé 2:9

ɓo ḭ ɗəw kula ɗaje gə lə-sisəy ɓa gə mba kar dəw kara kara unda ne kar-ɛ ang baa.

Philippiendjé 3:9

Be ɓa mba kar Luba o-m ne gə dəw gə gadə-gadə, gə go kula ɗa-m ꞌma ang nəm ngaɓa go kila kuji dɔ torondu gə ang nəm ngaa gə go takagə Kirisi, ɗaa Luba ja ɓa gɔl ɗəw kar dəw to ne gadə-gadə gə ɗəw takagə.

Tite 3:7

be ɓa, n-ɗa-si gə dəwje gə gadə-gadə gə go mənuji lə-a mba kar j-a təl to nje kuwa ndubaje ɗəw ne kunda mə dɔ gə lə-si ɔji dɔ təbə gə gə ndɔ gə ndɔ.

Jacques 2:18

Ngaa dəw kara a pa na: ꞌI ꞌta kagə, ꞌma m-aw gə kula ɗa-m tɔ. ꞌTɔji-m takagə lə-i gə lal kul-ɛ ar-m m-o nama, ꞌma m-a tɔji-i kula ɗa-mje gə ɗəw takagə gə lə-m kar-i o tɔ.

Jacques 2:20

Ngaa ꞌi gə ɛɓɛ, ꞌnjigi gərə to gə takagə le, kula ɗ-ɛ godo nama aw kadə baa ang wa?

Jacques 2:24

Oje to gə ɗəw kula ɗa gə le tɔ ɓa d-o ne dəw gə dəw gə dana gadə-gadə, ɓo gə mba takagə ja kara baa ang.