Romaindjé 2:12 - Mbede Lə Luba Kone Gə Sigi

¹² Dəwje tɔ̰y gə ꞌɗa neɗa gə kṵra̰y lal torondu le, d-a tuji lal torondu ja tɔ, ɗaa dəwje tɔ̰y gə ꞌgərə ꞌɗa neɗa gə kṵra̰y gəl torondu gə le, d-a gangə tar dɔ-je gə gə go torondu ja tɔ.

Testament ke Siki 1960 (Kabba Laka)

¹² Dèdè toï ke nda né ke madjang deo tar ndedji té ang, dèdè da kwoei deo tar ndedji té ang, dèdè toï ke nda né ke madjang ko tar ndedji té, da gange saria lodè deo tar ndedji té tò.

Romaindjé 2:12 ပူးပေါင်းရင်းမြစ်များ

Matiye 11:22

Gəl-e gə nee ɓa, m-pa m-ar-si to gə ndɔ gangə tar nama, tar gə d-a gangə dɔ-si gə le, a kədərə ya̰ kunda kar ɓe gə Tir gə ɓe gə Sido̰.

Matiye 11:24

Gəl-e gə nee ɓa, m-pa m-ar-si to gə ndɔ gangə tar nama, tar gə d-a gangə dɔ ɓebo gə nee le, a kədərə ya̰ kunda kar ɓe gə Sɔdom.

Jean 19:11

Jeju ila kəne na: To gə ɓo Luba iya̰ ɗəw ar-i ang nama, a kaw gə singamongə dɔ-m gə kara ang baa. Be ɓa, dəw gə uwa-m ila-m ji-i gə le, tar neɗa gə kṵra̰y gə to ɓəəl ya̰ a kuwa dɔ-ɛ kunda-i.

Koula 2:23

Dəw gə nee, gə Luba ila-a mə ji-si gə le, Luba gərə neje gə a ɗa-je sə-a kede nam ɓa ar-je dəwje gə ꞌɓəəl Luba ang ꞌɓər-e kagə dəsə gə d-ar-ɛ n-uy.

Romaindjé 1:32

ꞌgərə-je ndu Luba gə maj-ɛ, to gə dəwje gə ꞌɗa neje gə to gə bənəng le d-asə kuy, ꞌɗa gə ɗa baa ang ngaa njeɗa-ɛje kara ꞌjejee d-um gə je naa gə kara baa.

Romaindjé 4:15

Mba torondu uji wungu ngaɓa logə torondu godo kəne ɗaa kal tar godo kəne tɔ.

Romaindjé 8:3

Ne gə torondu asə ɗa ang, mba mbɔr-ɛ lə darɔ ɓa Luba ɗa, ula Ngon-e ja ar-ɛ un darɔ gə ta naa gə njeneɗa gə kṵra̰y be, ila ne tar dɔ neɗa gə kṵra̰y gə darɔ gə,

1 Corinthiendjé 9:21

ɓə lə nje gə d-aw baa lal torondu nama, m-ɗa to gə m-aw baa lal torondu be, be ja kara ꞌma le m-aw lal torondu lə Luba ang, ngaa m-isi gəl torondu gə lə Kirisi, mba kinga ne nje gə d-aw lal torondu.

Galatedjé 3:10

Dəwje tɔ̰y gə d-ila kuji dɔ torondu gə ɓa mba kinga ne kaji le, ndɔl uwa dɔ-je, mba Mbede pa na: Dəw gə ɗa-ɗa gə ila kuji dɔ tar tɔ̰y gə ɗa mə mbede torondu gə ang, mba ɗa kul-ɛ ang nama ndɔɔl uwa dɔ-ɛ.

Galatedjé 3:22

Ngaa Mbede um ne tɔ̰y gəl singamongə gə lə neɗa gə kṵra̰y mba kar ndu kun gə d-uwa dɔ gɔl-ɛ le, d-ar njetakagə ɗəw takagə Jeju Kirisi gə.

Jacques 2:10

Be ɓa, dəw gə ɗa-ɗa gə a dɔ torondu gə t-ɛ ləm-ləm ngaa ɗa neɗa gə kṵra̰y ɔji dɔ ye gə kara baa ja kara, tar uwa dɔ-ɛ ɔji dɔ ye gə kɛm tɔ̰y ja.