Romaindjé 16:7 - Mbede Lə Luba Kone Gə Sigi

⁷ Oje Andoronikus je gə Juniyas ar-mje, ꞌjejee gə to njenujije lə-m ngaɓa ꞌto njebakuwaje lə-m, gə ꞌto njeriɓarje gə may horo njeka̰ykulaje gə, ngaɓa ꞌto nje kar Kirisije kede no-m ꞌma gə.

Testament ke Siki 1960 (Kabba Laka)

⁷ Edaidjé laphia Andronicus ke Junias, noudjoumdjé ke ndjè koumam kei koula té. Dèdè ke nto tokou dooudjé horo ndjè kouladjé té, dèdè ke déh mè Christ té dongor darem.

Romaindjé 16:7 ပူးပေါင်းရင်းမြစ်များ

Jean 14:20

Dɔ ndɔ-ɛ gə əng le, a gərəje to gə m-ga̰ mə Bɔy gə, ngaɓa sisəy ꞌtoje mə-m ꞌma ngaɓa ꞌma m-to mə-sisəy gə tɔ.

Jean 15:2

Bar kəm kagə bḭyə̰ gə ɗa-ɗa gə uba kar-m gə ɓa ɓo andə ang ɗaa n-tuga-a gə ɗangə; ngaɓa bar kəm kagə bḭyə̰ gə andə ɗaa n-ndər dɔ-ɛ mba kar-ɛ andə gə kede-kede.

Jean 6:56

Dəw gə usa darɔ-m gə ay məsə-m nama isi mə-m gə, to gə ꞌma kara m-isi m-e gə tɔ.

Romaindjé 16:10

Oje Apelɛs ar-mje, ꞌne gə n-tɔji kula takagə lə-a dɔ Kirisi gə. Oje nje gə kəy lə Arisətobulə ar-mje.

Romaindjé 16:11

Oje Erɔdiyo̰ ar-mje, n-to njenuji lə-m. Oje nje gə kəy lə Narəsis gə to nje kar Mbayɓe ar-mje.

Romaindjé 16:21

Timoce gə to nje baa kula lə-m, na m-o-si m-ar ne, ngaɓa Lusiyus, Jaso̰ je gə Sosipatɛr, gə to njenujije lə-m kara na m-o-si tɔ.

Romaindjé 16:3

Oje Pirisika je Akilas ar-mje, ꞌto nje baa kulaje lə-m gə mə Kirisi Jeju gə,

Romaindjé 16:6

Oje Məri ar-mje, ꞌne gə n-ula rɔ-ɛ ndubu ya̰ mba tar lə-sisəy.

Romaindjé 16:8

Oje Aməpiliyatus ar-mje, ꞌne gə m-njig-e gə maj-ɛ mə Mbayɓe.

Romaindjé 16:9

Oje Urəbɛ̰ ar-mje, ꞌne gə n-to gə nje baa kula lə-si gə mə Kirisi gə, ngaɓa Sətakys gə m-njig-e gə maj-ɛ.

Romaindjé 8:1

Ɓisine ɗaa tar kara kara uwa dɔ nje gə d-um naa gə gə Kirisi Jeju ang.

Romaindjé 8:11

Ngaɓa to gə ɓo Njil gə nje ndol Jeju horo nje gə d-uy gə le isi mə-sisəy gə nama, ꞌne gə nje ndol Kirisi Jeju horo nje gə d-uy gə nee le n-a kar darɔ-sisəy gə a kuy le inga təbə ɗəw gə lə Njil-e gə isi mə-sisəy gə le.

Romaindjé 9:3

Mba m-njinga kar ꞌma ja ɓa kugu uwa-m ngaɓa kar ꞌma ja m-um naa gə Kirisi ang mba may lə ngan ko̰-m, njenujije lə-m gə ɗəw darɔ gə,

1 Corinthiendjé 1:30

Ngaa to gə ꞌne ja ɓa n-um ne sisəy ne naa gə gə Kirisi Jeju, gə to kəm karə lə-sijee gə ḭ rɔ Luba gə, ngaɓa Kirisi təl-si gə dəwje gə gadə-gadə, unda-si gə losang-ɛ ngaɓa ɔr ne tar neɗa gə kṵra̰y dɔ-si gə.

2 Corinthiendjé 11:23

ꞌTo njekulaje lə Kirisi wa? M-pa to to gə dəw gə dɔ-ɛ godo gə kɔrɔ be, m-to njekula lə Kirisi m-unda-je: ɗəw kula gə, ɗəw to kəy kula gə, ɗəw kunda gə ꞌkunda-m gə. Taar-taar ja m-aw ta yo cɛbɛdə-cɛbɛdə,

2 Corinthiendjé 12:2

M-gərə dəw kara gə to njetakagə Kirisi, gə asə ɓal dɔg gə gir-e gə sɔɔ ja ngaa, d-un-e d-aw sə-a saar mə dara gə njekum gə munda gə, d-un-e gə darɔ-ɛ ja ose to gə njil-e ɓa d-un kara, Luba ɓa gərə.

2 Corinthiendjé 5:17

To gə ɓo dəw un rɔ-ɛ ar Kirisi nama, to nekunda gə sigi. Neje gə ləw nday, neje tɔ̰y təl to neje gə sigi.

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

Galatedjé 1:22

Dəw kara kara gərə-m Mbo̰ naaje lə njetakagəje gə mə Kirisi gə, dɔ nangə gə Jude gə ang.

Galatedjé 2:2

M-aw m-ila ne kɔji dɔ ne gə Luba kila gəl-e ar-m kar m-aw m-ɔr gəl mbərə Tar gə May gə m-ila m-ar dəwje gə to gə Jiibije ang m-ar-je d-o; m-uwa dɔ naa gə bubaje gə lo-e ɓədə, mba kar kula gə m-ɗa le unda nangə baa ang.

Galatedjé 2:6

Nje gə d-o-je gə bubaje le, le ꞌtoje ne gə bubaje ja kara, ɔsə-m kəne ang! Mba Luba ɔr kəm dəw ang. Dəbeje nee le d-uwa-m gə singa d-ar-m ɗa ne gə ɗangə m-ila dɔ mar-ɛ gə ang.

Galatedjé 5:6

Mba dəw gə um naa gə Kirisi Jeju nam le, kunja bərə ose kunja bərə ang ɓa to gə ne ang, ngaa takagə gə tɔji rɔ-ɛ, gə njigi ɓa to gə ne.

Galatedjé 6:15

Kunja bərə ose kunja bərə ang ɓa to ne ang, ngaa to ne kunda gə sigi ɓa to ne.

Ephésiendjé 2:10

Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.

Colossiendjé 4:10

Arisətarəkə gə d-uwa-a sə-m pa na m-o-si m-ar ꞌne, ngaɓa Marəke gə njenuji lə Barənabas kara nəm. ꞌNe le ꞌpa tar lə-a d-ar-si kede nam a ɓo n-ce dɔ-si gə nama uwa-aje gə maj-ɛ gə rɔ-si gə.

Pilimo 1:23

Epapəras gə d-uwa-a sə-m mba tar lə Jeju Kirisi le na m-o-i m-ar ꞌne,

1 Jean 4:13

Ne gə sijee j-a gərə to gə j-um ne sə-a naa gə ngaɓa ꞌne n-isi ne mə-si gə le ɓa nee: n-ar-si Njil-e.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

Apocalypse 1:9

ꞌMa Ja̰, ngon ko̰-si gə ɗəw takagə Kirisi gə, gə nje baa neməko̰ lə-si, ngaɓa nje baa ɓe lə-si gə mə ɓeko̰ gə lə Luba, ɓa gə njeba kuwa rɔ gədərə lə-si mba Kirisi gə d-um ubu dɔ-ɛ gə nəm. D-ila-m dɔ ngon gore gə gə ꞌɓar-ɛ Patəmos, mba mbərə tar lə Luba, ngaɓa gə mba tar naji lə Jeju tɔ.