Romaindjé 16:26 - Mbede Lə Luba Kone Gə Sigi

²⁶ ngaa ɓisine kila rɔ-ɛ gə ɗaga gə go mbedeje gə pajambərəje ꞌɗa, gə go ndu Luba gə nje kisi saar-saar gə no le, ꞌkila d-ar gəl kujije tɔ̰y ꞌgərə mba kar d-ila ne kɔji gə go takagə,

Testament ke Siki 1960 (Kabba Laka)

²⁶ A téh bashénè deo maketourou té lo prophètedjé ke ntòdjou gel dooudjé toï, deo tar té ke Allah ke ke ndò ke ndò pa, tai karedè ndiki ta ko tar ko mè té.

Romaindjé 16:26 ပူးပေါင်းရင်းမြစ်များ

Marəke 16:15

Ngaɓa, n-pa n-ar-je na: Awje gə lo tɔ̰y dɔ nangə nee, ilaje mbərə Tar gə May ar-je dəwje tɔ̰y.

Koula 10:43

Pajambərəje tɔ̰y ja ꞌpa tar naji lə-a na: Dəw gə ta kag-ɛ nama mbɔr dɔ ri-a ja tar neɗaje gə kṵra̰y a kɔr ne dɔ-ɛ gə.

Koula 6:7

Tar lə Luba ɓar mii gə kede-kede ngaɓa kɔr ngan njenendoje ɔsə dɔ mar-ɛ to gə boy ja mə ɓe gə Jerujalɛm, cibi ɓa bula bo njekapoloje d-ila kuji dɔ takagə gə.

Romaindjé 1:2

Tar gə May nee le, n-uwa dɔ gɔl-ɛ ɗəw gə lə pajambərəje lə-a mə mbede gə to gə losang-ɛ gə,

Romaindjé 1:20

Mba neje gə ɔji dɔ Luba gə kəm dəw o ang, singamongə lə-a gə to saar gə no ngaɓa lo kunda rɔ lə-a le, un kud-e lo kunda dara gə nangə gə ja, n-tɔji gə ɗaga ɗang-ɗang kəm dəwje gə, gə go neɗa-ɛje, ɗaa ɗəw gə tar a kuwa ne dɔ-je ang godo.

Romaindjé 1:5

ɗəw gə lə-a ɓa j-inga ne mənuji ja to ne njeka̰ykulaje mba kar mbɔr dɔ ri-a ɗaa, j-a təl ne gəl dəwje tɔ̰y kar d-ila ne kɔji gə go takagə,

Romaindjé 15:18

Mba ne gə Kirisi un-m ɗa ne ja ɓa m-a pa tar-ɛ mba kar dəwje gə ꞌgərə Luba ang d-ila ne kɔji ɗəw tar pa gə gə ɗəw kula ɗa gə,

Romaindjé 15:4

Be ɓa neje gə ꞌɗa mbede gə kede ləw le, ꞌɗa mba tɔji-si ne ne, mba kar ɗəw gə lə kuwa gədərə gə kul-mə gə mbede lə Luba a tɔji-si le, j-a kisi nee gə məkunda.

Romaindjé 3:21

Ngaa ɓisine ɗaa Luba kila gadə-gadə lə-a gə ɗaga lal torondu to gə ꞌpa ne mə torondu ngaɓa pajambərəje kara ꞌpa ne nəm,

Galatedjé 3:8

Ye gə nee le ɓa, Mbede pa kede to gə Luba a ko dəwje gə ꞌgərə Luba ang gə dəwje gə gadə-gadə gə go ɗəw takagə. Luba pa Tar gə May nee le ar Abəraham kede: Gəl kuji dəwje tɔ̰y gə dɔ nangə nee d-a kinga ndu tɔr ɗəw gə lə-i.

Ephésiendjé 1:9

ꞌNe ɓa n-ɗa n-ar-sijee j-a gərə ne gə to lo kiya-a gə ɔji dɔ mə njigi lə-a nəm, ne gə m-e ɔji gə n-uwa dɔ gɔl-ɛ ɗəw gə lə Kirisi,

Ephésiendjé 2:20

ꞌToje gə kəy, gə pajambərəje gə njeka̰ykulaje ɓa ꞌto gə gɔl-ɛ gə d-ɔsə nangə, ɓa d-unda si dɔ-ɛ gə, ɗaa Kirisi Jeju gə darɔ-ɛ ja ɓa to gə kɔr ər gə kil-e gə tɔ.

Colossiendjé 1:26

Tar gə nee le iya rɔ-ɛ ləw baa ja kəm dəwje gə tɔ̰y ngaa ɓogəne ꞌkila gə ɗaga d-ar njerɔsangəje tɔ̰y,

1 Timoce 1:17

May kar dəwje tɔ̰y gə dɔ nangə nee d-ila kuji dɔ Luba gə, ngaɓa d-ila riɓar dɔ-ɛ gə gə ndɔ gə ndɔ. N-to Mbay gə Njeko̰ ɓe gə isi kəm baa, gə uy ang, gə dəw o-e ndɔ kara ang, N-to Luba gə kara baa ɗəgədə! Oyo.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

2 Timoce 1:10

Ɓisine ɗaa Luba tɔji mənuji nee le gə ɗaga ɗəw gə lə Njekaji-si Kirisi Jeju. Mba Kirisi Jeju ɗe guru singamongə yo rug-rug cibi ɓa ɗe gə Tar gə May mba kar dəwje d-inga nee təbə gə ɗəw Njil gə a ndum ang, ɗəw Tar gə May gə.

Ebərəje 13:8

Jeju Kirisi gə njekara nee ja ga̰ tagəne, gə ɓogəne ngaɓa gə ɓal gə ɓal.

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

Apocalypse 1:17

Lo gə m-o-e ɗaa, m-oso nangə no gɔl-ɛ gə to gə dəw gə uy be, ɗaa n-ila ji kɔl-ɛ dɔ-m gə ngaɓa n-pa na: ꞌƁəəl ang, M-to dəw gə dɔngɔr gə dəw gə njekudu bo̰,

Apocalypse 19:10

M-oso nangə no gɔl-ɛ gə mba pol-e, ɗaa n-pa n-ar-m na: Əw rɔ-i mba polo-m! M-to gə njeba kula le-i gə njeba-ɛ lə ngan ko̰-ije gə ꞌpa tar naji lə Jeju. Luba ɓa ꞌpol-e, mba tar naji lə Jeju le ɓa to gə njil kila mbərə.