Romaindjé 16:18 - Mbede Lə Luba Kone Gə Sigi

¹⁸ Mba dəwje gə to gə be le ꞌɗa kula lə Kirisi Mbayɓe lə-sijee ang, ngaa d-aw ɗa kula mba mə-je ja baa; ɗaa gə go tarje gə may-may gə ta-je gə ngaɓa gə mba kərə ne dəwje gə kəji lə-je uru ang.

Testament ke Siki 1960 (Kabba Laka)

¹⁸ Mbata dooudjé ke ban da ke Mbaibé lodjè Christ ang, a nda ke mèdè ndja. Dèdè dere mè dooudjé ke éh ke madjang ang ke tar gousou lodè.

Romaindjé 16:18 ပူးပေါင်းရင်းမြစ်များ

Matiye 24:11

Pajambərəje gə gə mbɔr-ɛ baa bula d-a kərə dəwje bula.

Matiye 24:24

Mba kirisije gə gə mbɔr-ɛ baa gə Pajambərəje gə gə mbɔr-ɛ baa d-a ɗe ɗa netɔjije gə to ɓəəl to ɓəəl, gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə Luba mbərə-je ja kara nəm.

Matiye 6:24

Dəw gə gə kar-ɛ baa ja ꞌɓəə-eje d-a kḭ joo ang, mba n-a njigi dəw gə kara ang gə kɔrɔ ɗaa, dəw gə kara ɓa n-a njigi-e ose n-a kiyi rɔ-ɛ rɔ dəw gə kara gə ɗaa n-a dabə dəw gə kara dasəra. Sisəy a poloje Luba je gə lar joo kɛm ang.

Matiye 7:15

Aje rɔ-si rɔ pajambərəje gə gə mbɔr-ɛ baa. ꞌƊa rɔ-je to gə badəmje be ngaa ꞌto njagəmanjɛrje njekusa da dɔngɔr gə je dɔ ɓəngərə-je gə.

Jean 12:26

To gə ɓo dəw njigi mba to ngon njekula lə-m nama, may kar-ɛ ndole go-m; ngaɓa lo gə ꞌma, m-ga̰ kəne le, lo-e gə nee ja tɔ njekula lə-m a ga̰ kəne tɔ. To gə ɓo dəw njigi ɗa kula kar-m nama, Bɔ dəwje ɓa a ɗɔy-e.

Romaindjé 14:18

Dəw gə ɗa kula lə Kirisi to gə be le ta kəm Luba nəm ngaɓa may ta kəm dəwje nəm tɔ.

Romaindjé 16:19

Ngaa sisəy le ɗaa dəwje tɔ̰y ja ꞌgərə kila kuji lə-si, m-uwa-si m-unda ne kar-m, ngaɓa m-njigi mba kar-si undaje kəm karə dɔ rɔ-si gə ɔji dɔ ɗa may, ngaɓa kar ɔsəje ɗa kṵra̰y ngərəng tɔ.

2 Corinthiendjé 11:3

Be ja kara, ɗəw kara baa to gə li ərə ne Ɛbə gə gusu le, kar-m gədə-m gədə mba kar kəji lə-si turu buguju ngaɓa ɔsə-si ila-si əw gə lo kum naa gə lə-si, gə lo sangə rɔ gə lə-si mba Kirisi.

2 Corinthiendjé 2:17

Mba sijee le ja to to gə nje gə kɛm bula gə d-un tar lə Luba gə nekinga ne lə-je baa ne ang; sijee ɗaa, tar gə tɔgərɔ gə ḭ rɔ Luba gə ɓa ja pa, j-ar ne no Luba gə mə Kirisi gə.

2 Corinthiendjé 4:2

Ngaa, neje tɔ̰y gə to lokiya gə ngaɓa to nerɔkul lə-sijee le, j-ɔsə ngərəng, sijee j-a tula pa nja-si naa gə ang ngaɓa ja buguru dɔ tar lə Luba ang tɔ. Ngaa, ja kila dɔ tar gə tɔgərɔ gə ɗaga, ja ɗa ne tar naji lə-sijee kar kəji lə dəwje to ne dɔ sijee gə ngadə no Luba gə.

Galatedjé 1:10

Ɗaa ɓisine, se əjije to gə m-aw sangə kar dəwje ɓa d-ila tar kudu-m gə ose Luba wa? Se dəwje ɓa m-sangə mba may ta kəm-je gə wa? Kara be ang! To gə ɓo m-sangə mba may ta kəm dəwje gə nama m-a to ɓərə lə Kirisi ang.

Philippiendjé 2:21

dəwje tɔ̰y ja, ꞌsangə ne gə ɔji dɔ-je dɔ-je ɓo ꞌsangə kar Jeju Kirisi ang.

Philippiendjé 3:19

d-a kɔsə bo̰-ɛ̰ dɔ tuji gə, magə lə-je to mə-je ngaɓa ne riɓar lə-je təl to nerɔkul ar-je; d-um mə-je dɔ neje gə nangə nee ja baa.

Colossiendjé 2:4

M-pa bənəng mba kar dəw ɗe ərə si gə tarje gə baa ang.

Colossiendjé 3:24

mba Mbayɓe ja a kar-si nekuga dɔ ji gə nenduba. Ɗaa ꞌɗaje kula lə Kirisi Mbayɓe.

2 Thessaloniciendjé 2:10

ngaɓa nekərəje gə dɔ buguru mba nje d-uba tuji, mba ꞌmbadə njigi tar gə tɔgərɔ mba kinga ne kaji.

1 Timoce 6:5

ma̰y tar gə sṵra̰ godo horo dəwje gə kəji negərə lə-je uy mbudugu, ar tar gə tɔgərɔ godo mə-je gə, ngaɓa d-o tar kila kuji dɔ ne gə lə Luba to gə ɗəw nekuga dɔ ji lə-je.

Jacques 1:1

ꞌMa Jagə, ngon njekula lə Luba, gə Mbayɓe Jeju Kirisi, sisəy gəl kaje gə dɔg gə gir-je gə joo gə ꞌsɛ̰rɛ̰-je naa dɔɓe gə, m-o-si tɔ̰y ɓa!

2 Piyɛr 2:3

Gə go ɓo lar gə uwa-je ɓərə gə ja, d-a kərə ne si gə tar gə ta-je gə, mba kinga ne neje ji-si gə, ngaa tar uwa dɔ-je ləw baa ngaɓa d-a kuba tuji ɓisine baa.

Jude 1:1

ꞌMa Jude, gə m-to ngon njekula lə Jeju Kirisi nəm, ngaɓa m-to ngon ko̰ Jagə, m-ɗa mbede nee m-ar-sisəy gə Luba gə Bɔ njigi-si, ɓar-si ngaɓa ngom-si mba Jeju Kirisi.

Jude 1:12

Dəɓ-eje nee le to ꞌnjɛgərɛ mə nekusa lə sisəy ngan ko̰ naaje, ꞌmbula nekusa gə mbula, ꞌɗa mə bo nekusa d-ar rɔ kul uwa-je ang, ꞌta naa gə nji gə ḭ ɗaa ləl ɔr-ɛ gə ər ang be, ose ꞌta naa gə kagəje gə ta ngaw nji gə gə kand-e godo, d-uy gɔl joo d-ɔr gə ngiraje ɓɔgɔdə-ɓɔgɔdə,

Jude 1:16

Dəɓ-eje gə nee le, ꞌto nje no rɔ-jeje gə njerɔkadəje ja jaga ɔji dɔ rɔ-je, gə go ɓo ne gə kṵra̰y gə uwa mə-je, ꞌpa tar d-ɔsə ne rɔ-je ngaɓa d-ərə ne kəm dəwje.

Apocalypse 1:1

Ne gə to lo kiya gə, gə a ɗe ɓisine baa, gə Luba ar Jeju Kirisi kila dɔ-ɛ mba tɔji ngan njekulaje lə-a. Ɗaa n-ula anji lə-a n-ar ɗe ɔr gəl-e ar ngon njekula lə-a Ja̰ kar-ɛ gərə,