Romaindjé 16:17 - Mbede Lə Luba Kone Gə Sigi

¹⁷ Ngan ko̰-mje, m-ndəji-si mba kar undaje kəm karə dɔ rɔ-si gə, mba nje kɔsə kudu kay naaje ngaɓa ꞌpa tar ꞌtuji ne neje gə ꞌtɔji-si d-ar njetakagəje d-uba ne netɔji nee le d-ḭya̰. May kar ɔrəje rɔ-si rɔ-je gə gugu.

Testament ke Siki 1960 (Kabba Laka)

¹⁷ Mam ndoudjousè nya, ngakömdjé, woidjé deo lo dooudjé ke ila tar kaina ke err touka gòl, ke asena ke tar ke ntòdjousè leo ang, ïyaidjédè.

Romaindjé 16:17 ပူးပေါင်းရင်းမြစ်များ

Matiye 18:17

To gə ɓo n-mbadə ko tar ta-je gə cibi nama aw pa Mbo̰ naa lə njetakagəje, a ɓo n-mbadə ko tar ta njetakagəje gə ja cibi nama o-e gə dəw gə njegərə Luba ang ngaɓa gə njembo̰ lar gədə ɓe nəm.

Matiye 18:7

Tuji to kar dəwje gə dɔ nangə nee mba ɗəw gə dəw a koso dan neɗa gə kṵra̰y gə. Ɗəw gə dəw a koso ne dan neɗaje gə kṵra̰y gə le a to ja, ngaa tuji uba dəw gə to ɗəw koso dan neɗa gə kṵra̰y gə!

Matiye 7:15

Aje rɔ-si rɔ pajambərəje gə gə mbɔr-ɛ baa. ꞌƊa rɔ-je to gə badəmje be ngaa ꞌto njagəmanjɛrje njekusa da dɔngɔr gə je dɔ ɓəngərə-je gə.

Lugu 17:1

Jeju pa ar ngan njenendoje lə-a na: Ɗəw gə dəw a koso ne dan neɗa gə kṵra̰y ang le godo. Ngaa tuji uba dəw gə ye ɓa to ɗəw koso dan neɗa gə kṵra̰y gə.

Koula 15:24

J-o tar-ɛ to gə dəwje gə kɛm d-ḭ ɓe lə-sijee nee d-aw ꞌpa tar ꞌjɔgə-si ne gə ꞌtuji ne kəji lə-si. Ngaa to dəwje gə j-un ɗəw j-ar-je ang baa.

1 Corinthiendjé 11:18

Ngaɓa dɔngɔr-ɛ ja, m-o tar-ɛ na logə ꞌmbo̰je naa lo Mbo̰ naa lə njetakagəje nama kay naa to horo-si gə, ɗaa m-ta kag-e tɔ̰y ang baa.

1 Corinthiendjé 3:3

mba darɔ o̰ dɔ-si ɓi. Mba nər mə ngaɓa ko ta naa ang to horo-si gə nəm le se, to neje gə darɔ gə ang wa? Ngaɓa se ꞌnja-je gə go kəji gə darɔ gə ja dɔngɔ ang wa?

Galatedjé 2:4

Be ɓa, mba ngan ko̰-sijee gə mbɔr-ɛ baa lom rɔ-je d-andə horo-si gə go ngə̰y, ꞌnga̰ dɔ to doy lə-si gə gəl Jeju Kirisi mba təl ne si gə ɓərəje.

Philippiendjé 3:17

May kar ꞌtoje nje ndaji kəm-mje, ngan ko̰-mje, may kar oreje kəm-si ndəng go nje gə d-un pa nja sijee gə ne kɔji mar-ɛ.

Colossiendjé 2:8

Oje gə maj-ɛ ɓa, mba kar dəw un kəm karə lə dəwje uba ne si gə kula ngaɓa gə tar kərəje gə baa gə go nejiɓe lə dəwje, gə go neje gə dɔ nangə nee baa ɓo gə go ɗəw lə Kirisi ang.

2 Thessaloniciendjé 3:6

Ngan ko̰-mje, ja dəji-si gə ri Mbayɓe lə-si Jeju Kirisi, kar-si ꞌsaje rɔ-si rɔ ngon ko̰-si gə ɗa-ɗa gə to njedabə, ngaɓa neɗa lə-a to ɓədə gə netɔji gə ja tɔji-si kede.

1 Timoce 1:3

To gə m-pa nee m-ar-i, isi mə ɓe gə Epɛs mba kɔgə dəwje gə kɛm ɗəw tɔji nendo gə ɗangə ang, to gə m-pa nee m-ar-i kede nam ɓa kar m-ɔdə m-aw ne dɔ nangə gə Masedowan le.

2 Timoce 3:5

d-a tɔji ndaji kila kuji dɔ ne gə lə Luba kəm dəwje gə ɗaga baa, ngaa mə-je gə ɗaa ꞌmbadə singamong-e. Kəm kar-i mbɔbə dəwje gə be ang.

Tite 3:10

Dəw gə ɓo aw ɗe gə tar kay naa horo njetakagə kirisije gə a ɓo n-ndəji-e gɔl kara, gɔl joo ɓa ɓo o ang nama ɔs-ɛ ngərəng gə ɗangə,

1 Jean 2:19

Nje kəm tarje lə Kirisi le ꞌce horo-sijee gə ja ɓa d-aw, ngaa ꞌto kar-sijee ang ngaa; mba to gə ɓo ꞌto dəwje lə-si nama d-a kisi gə si; ngaa, to arə ngadə to gə ꞌjejee tɔ̰y ja ꞌto dəwje lə-si ang.

Jude 1:19

Oje, dəɓ-eje nee le, ꞌto nje cḭ dəwje. Kəji lə-je to kəji lə daje ngaɓa Njil godo mə-je gə.