Romaindjé 15:8 - Mbede Lə Luba Kone Gə Sigi

⁸ Mba m-pa na Kirisi təl njekula lə njekunja bərəje mba tɔji ne to gə Luba pa tar gə tɔgərɔ, ngaɓa mba tɔji ne to gə n-ar njang dɔ neje gə n-uwa dɔ gɔl-ɛ n-ar ka-sijee,

Testament ke Siki 1960 (Kabba Laka)

⁸ Mbata ma mpana, nda Christ to ngonlokisi lo dooudjé ke ndjè koudja ta motedè ta tòdjou tar ke tokoro lo Allah, tokou ban nase da baa tar tòna ke Allah pa are bòdjèdjè ke leo, dé tokou tokoro.

Romaindjé 15:8 ပူးပေါင်းရင်းမြစ်များ

Matiye 15:24

Jeju təl ila kəne na: Luba ula-m horo badəmje gə d-igi gə to ngan Ijirayɛlje.

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Jean 1:11

N-ɗe horo njeka-ɛje gə ja, ngaa njeka-ɛje d-uwa-a gə rɔ-je gə ang.

Jean 10:16

Badəmje lə-m gə ɗangə ꞌga̰ kəne əng ɓi gə ꞌgodo mə kinga gə nee ɗaa ꞌje gə kən kara, may kar-m m-ɗe gə je; d-a ko ndu-m ɗaa d-a kum naa gə kuduɓe kara baa ngaɓa njekuul-je kara kara baa tɔ.

Koula 13:46

Ngaa Pɔl je Barənabas ꞌpa təsərə d-ar-je na: Sisəy ja, d-a pa tar lə Luba kar-si dɔngɔr ngaa mba ꞌmbadəje ngaɓa oje to gə asəje kingaje təbə gə gə ndɔ gə ndɔ ang, ɗaa oje: J-a turu kəm-si gə dɔ dəwje gə ꞌgərə Luba ang gə.

Romaindjé 11:22

May kar o məmay lə Luba gə mongə lə-a, ngaɓa mongə lə-a gə ɔji dɔ nje gə d-oso, ɗaa n-ɗa sə-i məmay, ngaa to gə ɓo isi dan məmay gə nee le dɔ-i gə kede ang nama ꞌi kara d-a kɔr-i gə gugu tɔ.

Romaindjé 11:30

Ɗəw kara baa to gə sisəy kara kede ila-je kuji dɔ Luba gə ang, ɗaa gə go kila kuji ang lə-ꞌjejee ɓa ɗa ne gə sisəy məmay,

Romaindjé 15:16

ar m-to njekula lə Kirisi Jeju horo dəwje gə ꞌgərə Luba ang gə; kula gə to gə losang-ɛ gə to kila mbərə Tar gə May lə Luba le m-ɗa, mba kar dəwje gə ꞌgərə Luba ang le ꞌto ne nenuji gə Njil Njerɔsangə unda gə losang-ɛ gə may ta kəm Luba gə.

Romaindjé 3:26

ɓogəne kara n-njigi mba tɔji gadə-gadə lə-a mba to ne gadə-gadə ngaɓa gə mba kar dəw gə ta kagə Jeju nama n-o-ɛ ne gadə-gadə tɔ.

Romaindjé 3:3

Ngaa, ɗi ja wa? To gə ɓo nje gə kɛm ꞌto njeməkədərəje le, məkədərə lə-je a tuji to dana gadə-gadə lə Luba wa?

Romaindjé 4:16

Gəl-e gə nee ɓa gə go takagə, mba ɔji dɔ mənuji ɓa mba kar ne gə d-uwa dɔ gɔl-ɛ le to ne gə singa-a ɔji dɔ gəl kuji ja tɔ̰y, ɓo gə go torondu ɓa mba kar ɔji ne dɔ nje gə ꞌgərə ja baa ang, ngaa ɔji ne dɔ nje gə ꞌta kagə ɗəw kara baa to gə Abəraham gə to ka-sijee tɔ̰y.

1 Corinthiendjé 1:12

M-o tar-ɛ to gə na-na ja horo-si gə nama pa na: ꞌMa m-to nje kar Pɔl, ꞌma ɗaa m-to nje kar Apolos, ꞌma ɗaa m-to kar Sepas, ꞌma ɗaa m-to kar Kirisi!

1 Corinthiendjé 10:19

M-pa na ɗi wa? M-a pa na da gə ꞌpolo ne magəje le to ɓəəl ya̰ wa? Ose m-a pa to gə magə to ne gə to ɓəəl wa?

1 Corinthiendjé 10:29

M-pa nee, ɔji dɔ kəji lə-sisəy ang, ngaa kar dəw gə ɗangə. Mba ɗi ɓa dɔ to doy lə-m ꞌma ja, kəji lə dəw gə ɗangə ɓa a gangə tar kəne wa?

1 Corinthiendjé 15:50

Ngan ko̰-mje, tar gə m-pa le, mba darɔ gə məsə le d-a kasə kuwa ɓeko̰ lə Luba gə nenduba ang, ngaɓa ne gə a ndum le, a kuwa nduba ne gə a ndum ang ang.

2 Corinthiendjé 1:20

Neje tɔ̰y gə Luba uwa dɔ gɔl-ɛ le to oyo ɗəw gə lə-a. Ngaɓa, ɗəw gə lə-a ɓa j-a ɗa ne Luba oyo j-ila ne riɓar dɔ-ɛ gə.

Ephésiendjé 2:12

sisəy isi dɔ kar-ɛ gə əng lal Kirisi, ꞌtoje dəwje lə Luba ang, ngaɓa ne gə ꞌriya kone d-uwa ne dɔ gɔl-ɛ le kara ɔji dɔ-si ang nəm, cibi ngaɓa ne kunda mə lə-si kara godo, ɗaa aw-je gə dɔ nangə nee lal Luba nəm tɔ.