Romaindjé 15:5 - Mbede Lə Luba Kone Gə Sigi

⁵ May kar Luba gə nje gəl kuwa gədərə gə njekul mə dəwje le, ar kəji lə-si to kara baa dɔ naa gə gə yo gə nee to to gə kar Kirisi Jeju be,

Testament ke Siki 1960 (Kabba Laka)

⁵ Ase kare Allah ke ndjè mè ke ïya ang ke òrou ongou, aresè ta kounda mèsè dò tar té kadaba horosè té deo té lo Christ Jésus.

Romaindjé 15:5 ပူးပေါင်းရင်းမြစ်များ

Koula 4:32

Dəwje bula gə ꞌta kagə le, kəji lə-je gə mə-je to kara baa. Dəw kara kara ɔr kəm nekinga lə-a ɓədə ang nəm, ngaa neje to kara baa horo-je gə.

Romaindjé 12:16

Ar-je mə-si to gə maj-ɛ dɔ naa gə to to gə na-na gə yo gə nee. Undaje dɔ-si taar gəgəgə ang ngaa ar-je kula dɔ ngulum ɓa uwa mə-si. Oje rɔ-si gə njekəm karəje ta kəm-sisəy gə ja ang.

Romaindjé 15:13

May kar Luba gə to gəl məkunda, ar rɔləl gə ɔr njal ɗusu mə-si ngaɓa ar-si ɗɛgɛgɛ gə uy bɛm ɗəw takagə gə, mba kar məkunda lə-si ɓar ne mii, ɗəw singamongə gə lə Njil Njerɔsangə!

Romaindjé 15:3

Mba Kirisi sangə ne gə ləl-e ang baa, ngaa to gə ꞌɗa ne mə mbede gə na: Taji kil lə nje taji-i je le oso dɔ-m gə.

1 Corinthiendjé 1:10

Ngan ko̰-mje, m-ula jingaw mə-si gə gə ri Mbayɓe lə-si Jeju Kirisi, mba kar ndu-si asə naa dɔ tar gə, may kar kay naa godo horo-si gə, ar-je kəji lə-si to kara baa ngaɓa njil-si kara baa nəm tɔ.

2 Corinthiendjé 13:11

Be ɓa, ngan ko̰-mje, ɗudu tar ɗaa, ꞌɗaje rɔləl, awje gə dɔ-si gə may pɛdə, gə ꞌkulje mə naa, ar-je kəji lə-si to kara baa, awje dan ɗɛgɛgɛ gə, ngaɓa Luba gə nje gəl njigi gə nje gəl ɗɛgɛgɛ a nay gə si.

2 Corinthiendjé 7:6

Ngaa Luba gə njekuul mə dəwje gə njekula dɔ-je ngulumje, kul mə-si ɗəw ɗe gə lə Titə,

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Philippiendjé 1:27

Ne kara baa le ɗaa, ar-je pa nja-si uwa buwa Tar gə May lə Kirisi, gə mba kar le m-aw m-o-si ose m-godo kara kar m-o tar-ɛ to gə ar-je njang mə kəji gə kara baa, umje mə-si naa gə kara, ꞌɗɔje mba takagə gə ɔji dɔ Tar gə May,

Philippiendjé 2:2

nama ꞌtɔlje ta rɔləl lə-m ɗəw ko ta naa gə; ꞌnjigi-je naa gə yo gə nee, ar-je mə-si asə naa; ar-je kəji lə-si to kara baa;

Philippiendjé 3:16

Ne kara baa le ɗaa may kar ne gə j-um mə-si naa gə kəne le, ye ja j-ar-je ndu-si asə naa kəne gə no kara ngaa.

Philippiendjé 4:2

M-ndəji Ebodi ngaɓa m-ndəji Sɛ̰tisə mba kar kəji lə-je to kara baa dɔ Mbayɓe gə.

1 Piyɛr 3:20

nje gə ꞌɗa dɔ ngang gə Luba kede ləw, ngaa Luba ila m-e dɔ mar-ɛ gə, dɔ ndɔ gə Nowe ɗa ne to gə boy, ar dəwje njɛɓərɛ baa ja d-al, dəwje ji nay joo gə man uwa-je ang.

1 Piyɛr 3:8

Ɗudu tar gə m-a pa ɓa nee: Ar-je kəji lə-si um go naa gə, umje mə-si naa gə, ꞌnjigije naa gə ngan ko̰ naaje ja, ꞌɗaje məmay gə naa, ulaje dɔ-si ngulum.

2 Piyɛr 3:15

To gə ngon ko̰-si gə m-njig-e ya̰, Pɔl ɗa ne mbede gə go kəm karə gə d-ar-ɛ le, may kar oje kila mə dɔ mar-ɛ gə lə Mbayɓe le gə ɗəw kaji lə-si.

2 Piyɛr 3:9

To ngə̰y ɓa Mbayɓe ngə̰y dɔ tar təl gə lə-a le to to gə nje gə kɛm d-əji ne ang. Ngaa n-ila m-e dɔ mar-ɛ gə ɔji dɔ sisəy ja, mba n-njigi kar dəw kara horo-si gə uba tuji ang, ngaa kar dəwje tɔ̰y ja ꞌturu kəji lə-je.