Romaindjé 15:26 - Mbede Lə Luba Kone Gə Sigi

²⁶ Mba nje gə Masedowan gə Akayi ꞌnjigi gə maj-ɛ ja mba mbo̰ ne la ne gə njendooje gə horo njerɔsangəje gə d-isi Jerujalɛm.

Testament ke Siki 1960 (Kabba Laka)

²⁶ Mbata dooudjé ke Macédoine ke Achaïe wo madji ta koula ke né kare ba kare dangetédjé ke horo ndjè ko mè tédjé ke Jérusalem té.

Romaindjé 15:26 ပူးပေါင်းရင်းမြစ်များ

Matiye 25:40

Ɗaa Mbay le a təl kila-je kəne na: Tɔgərɔ ja, m-pa m-ar-si, lo gə ɗa gə ja ɓa ꞌɗaje məmay gə dəw kara baa ja horo ngan ko̰-mje gə nee ɗaa, to ꞌma ja ɓa ꞌɗaje sə-m kən.

Matiye 26:11

Mba njendooje le ɗaa, ꞌga̰ gə si gə ndɔje tɔ̰y, ngaa ꞌma le, m-a ga̰ gə si gə ndɔje tɔ̰y ang baa.

Lugu 14:13

Ngaa logə ꞌgɔl nekusa gə bo nama, ꞌɓar njendooje, gə njeməndəje, gə njenja məndəje, gə nje kəm tɔje.

Lugu 6:20

Jeju a ngan njenendoje lɛdɛdɛ, ɗaa pa na: Nokarə to kar-sisəy njendooje, mba ɓeko̰ lə Luba to kar-si

Koula 16:12

J-ḭ lo-e gə nee ɗaa j-aw Pilipi gə to dɔngɔr ɓebo gə dɔ nangə gə Masedowan ngaɓa to ɓeko̰ gə Rɔm. J-isi mə ɓebo gə nee le ndɔ bula ɓəəl.

Koula 16:9

Mə cil-e gə əng ja Pɔl o ne lokiya gə ɗaa dəw pa na: Dəw gə Masedowan ar taar gə ngal-ɛ ɗa kɔgərɔ na, aw mə ɓeko̰ gə Masedowan aw la gə si.

Koula 18:12

Logə Galiyo̰ to ne njeko̰ ɓe gə dɔ nangə Akayi, ɗaa Jiibije d-unda ndu-je naa gə kara baa ꞌtila kəm Pɔl gə tar ngaɓa d-aw sə-a no ngɔ gangə tar gə

Koula 19:21

Logə neje nee nday ɗaa Pɔl gɔl mə kəji gə lə-a mba kaw Jerujalɛm ɗaa a nday gə mə ɓeko̰ gə Masedowan gə dɔ nangə gə Akayi. N-təl n-pa na: Ɓo m-aw Jerujalɛm nama may kar-m m-o Rɔm gə kəm ja tɔ.

Koula 9:13

Ananiyas ila kəne na: Mbayɓe, dəw gə nee le m-o tar lə-a ta dəwje gə bula to gə n-ula kəm njerɔsangəje gə Jerujalɛm ndoo ya̰.

1 Corinthiendjé 16:15

Ngan ko̰-mje, m-un ndu m-ar-si ja cibi. ꞌGərəje to gə nje gə mə kəy gə lə Sətepanas ꞌto dɔngɔr njetakagəje gə Akayi, ngaɓa d-un rɔ-je ꞌɗa ne kula d-ar njerɔsangəje.

1 Corinthiendjé 16:5

Kaw lə-m gə m-a kaw ɓə si le, m-a nday gə ɗəw gə Masedowan, mba m-a nday gə ɗəw gə kəne.

2 Corinthiendjé 1:16

Ɗaa, m-a kḭ kaw ɓə lə-si Masedowan, ngaɓa m-a tɔl t-ɛ ɗaa, m-a kḭ Masedowan təl ɗe ɓə lə-si gugu mba kar ꞌlaje sə-m ar-mje m-aw Jude.

2 Corinthiendjé 11:9

mba logə m-ga̰ ɓə lə-sisəy le, ndoo neje to-m ja ngaa m-ta ne kara ji dəw gə ang, ngaa ngan ko̰-sijee gə d-ḭ Masedowan ɓa d-ar-m neje gə ndoo-e to-m. Ɔji dɔ neje tɔ̰y le, m-njigi mba to nekodo dɔ sisəy gə ang, ngaɓa m-ɔgə rɔ-m mba to nekodo dɔ si gə ja saar gə no.

2 Corinthiendjé 2:13

Be ɓa, njil-m uwa dɔ-m ang mba m-inga ngon ko̰-m Titə ang ɗaa, m-iya̰-je m-ɔdə m-aw Masedowan.

2 Corinthiendjé 7:5

Mba ndɔ gə ja ce Masedowan ja, lo kar j-uwa kɔr-si njɛ̰ be kara godo, ngaa ne ꞌməsərəje dang-dang inga si. Ɗɔje gugu dɔ si ngaɓa ɓəəl ɗusu mə-si tɔ.

2 Corinthiendjé 9:12

Mba kula nembo̰ nee le la gə njerɔsangəje gə kar-je baa ang, ngaa ɗa ar dəwje d-ar ne oyo Luba ya̰.

2 Corinthiendjé 9:2

Mba m-gərə ɓo ɗa kula gə to mə-si gə, ye ɓa m-unda ne kar-m no dəwje gə Masedowan na: Nje gə Akayi ꞌgɔl rɔ-je to gə kaal baa ngaɓa kɔsə rɔ ɓad lə-si ndol dəwje bula.

2 Corinthiendjé 9:4

M-ɓəəl ang mba to gə ɓo, nje gə Masedowan d-aw sə-m ɓa d-o to gə sisəy uwaje dɔ gɔl rɔ-si ang nama, to rɔ kul gə a kuwa sijee ja, ngaa a kuwa sisəy nəm tɔ.

Philippiendjé 4:15

Dəwje gə Pilipi, sisəy ja kara ꞌgərəje, kun kudu kila mbərə Tar gə May ja, logə m-ɔdə Masedowan le, Mbo̰ naa lə njetakagəje gə ɗangə kara gə un nekarə baa ɔsə ne kudu-m le godo, sisəy ja gə kar-si baa,

1 Thessaloniciendjé 1:7

Be ɓa ꞌtəlje gə nekɔji mar-ɛ lə njetakagəje tɔ̰y gə Masedowan gə Akayi.

1 Thessaloniciendjé 1:8

Mba Tar lə Mbayɓe ɓar kagə ɓə lə-si, ce Masedowan gə Akayi ja kara baa ang ngaa dəwje ꞌgərə takagə Luba lə-si gə lo tɔ̰y, ar al dɔ lo sula.

1 Thessaloniciendjé 4:10

Ɗaa to ne gə nee le ja tɔ ɓa ꞌɗaje gə ngan ko̰-si gə gə Masedowan tɔ̰y. Be ja kara j-ula jingaw mə-si gə kar ꞌɗaje ya̰ gə kede ja cibi,

1 Timoce 1:3

To gə m-pa nee m-ar-i, isi mə ɓe gə Epɛs mba kɔgə dəwje gə kɛm ɗəw tɔji nendo gə ɗangə ang, to gə m-pa nee m-ar-i kede nam ɓa kar m-ɔdə m-aw ne dɔ nangə gə Masedowan le.

Pilimo 1:5

mba m-o tar njigi gə takagə lə-i gə ɔji dɔ Mbayɓe Jeju ngaɓa ɔji dɔ njerɔsangəje tɔ̰y.