Romaindjé 15:19 - Mbede Lə Luba Kone Gə Sigi

¹⁹ ɗəw singamongə netɔjije gə neje dang-dang gə kəm dəw o ndɔ kara ang, ɗəw singamongə Njil, un kud-e Jerujalɛm saar ce ne Iliri ja m-ila mbərə Tar gə May lə Kirisi m-ar ta lo ya̰-ya̰.

Testament ke Siki 1960 (Kabba Laka)

¹⁹ Deo singa né tòdjou té ke né ke da baa mè dooudjé ounda do bia, deo singa té lo Ndil ke madji toï, tokou ban, mounkotè Jérusalem té ke mare nange ke ngosiba nou nderèng Illirie, mam ntòdjou tar ke madji lo Christ nya.

Romaindjé 15:19 ပူးပေါင်းရင်းမြစ်များ

Matiye 12:28

Ngaa, to gə ɓo ɗəw gə lə Njil Luba ɓa ꞌma m-tɔbə ne njilje gə kṵra̰y nama, ɓeko̰ lə Luba ce ɓə lə-si nam ngaa.

Jean 4:48

Jeju pa ar-ɛ na: To gə ɓo oje netɔjije, gə neje dang-dang gə kəm dəw o ndɔ kara ang nama a taje kagə kara be ang ja saar.

Koula 1:8

Ngaa sisəy a kingaje singa lə Njil Njerɔsangə gə a ɗe dɔ-si gə ɗaa a toje njetar najije lə-m mə ɓe gə Jerujalɛm, gə dɔ nangə gə Jude, mə ɓe gə Samari ngaɓa saar ce ne ko̰ nangə gə njal.

Koula 13:14

D-ḭ mə ɓe Pɛrəjə d-aw gə no-je ꞌce Antiyos, dɔ nangə gə Pisidi. Ndɔ kuwa kɔr ɗaa d-aw d-andə kəy nendo gə d-isi kəne.

Koula 13:51

Be ɓa Pɔl je gə Barənabas ꞌkunda kuru gə gɔl-je gə ɓa d-ɔdə d-aw Ikoniyom.

Koula 14:10

ɗaa pa gə singa na: Ḭ taar ar dɔ gɔl-i gə jagəra. N-al jagəra ɗaa n-nja.

Koula 14:20

Ngaa ngan njenendoje lə-a ꞌɗe ꞌgugu dɔ-ɛ mbugu ɗaa n-uba nangə n-ḭ n-təl n-andə mə ɓebo gə. Ngaɓa lo kar-ɛ ɗaa ꞌje gə Barənabas d-ɔdə d-aw Dɛrəbə. Lo kar-ɛ ɗaa ꞌje gə Barənabas ꞌtəl d-aw Dɛrəbə

Koula 14:25

D-ila mbərə tar Pɛrəjə nam ngaɓa d-ɔdə d-aw Atali ɓi.

Koula 14:6

ngaa Pɔl je gə Barənabas ꞌgərə ɗaa d-a̰y dɔ-je gə Likawni, gə Lisətərə, gə Dɛrəbə ngaɓa mə loje gə gugu dɔ-je.

Koula 15:12

Be ɓa bula dəwje tɔ̰y d-isi njḭng ɗaa Barənabas je Pɔl d-ɔr gəl netɔjije gə neje dang-dang gə kəm dəw o ndɔ kara ang tɔ̰y gə Luba ɗa ɗəw gə lə-je horo dəwje gə ꞌgərə Luba ang gə.

Koula 16:18

N-ɗa to gə be ja ndɔ bula. Mə Pɔl ḭ sə-a bububu ɗaa turu kəm-e pa ar njil le na: M-un ɗəw gə ri Jeju Kirisi kar-i ꞌce mə jene gə gugu. Logə n-pa be ɗaa njil le ce dɔ kar-ɛ gə nee ja.

Koula 17:10

Be ɓa dɔ ndɔ-ɛ gə əng ja londul ɗaa ngan ko̰ naaje d-ar Pɔl je Silas d-ɔdə d-aw Bere. Logə ꞌce-je be ja ɗaa d-andə kəy nendo gə lə Jiibije.

Koula 17:15

Nje gə dan Pɔl le d-ɔr no-ɛ saar ꞌce sə-a Atɛn. Ɗaa təl lə-je le Pɔl un ndu ar-je mba kar d-ula Silas je gə Timoce d-ar ꞌɗe gə tɔg-ɛ d-inga-a.

Koula 18:1

Logə Pɔl ɔdə Atɛn le ɗaa aw Kɔrɛnt.

Koula 18:19

Logə ꞌce Epɛs ɗaa Pɔl ḭya̰-je ngaa ye ɔdə aw kəy nendo gə lə Jiibije, aw ma̰y gə je tar,

Koula 19:1

Dɔ ndɔje gə Apolos ga̰ ne Kɔrɛnt ɗaa Pɔl nday mə ɓeko̰je gə dɔ ər gə aw Epɛs ngaɓa logə n-aw ɗaa n-inga ngan njenendoje ɓəəl, ɗaa

Koula 20:20

ꞌGərəje to gə neje tɔ̰y gə a la gə si le m-iya dɔ-ɛ kara ang, m-pa tar-ɛ m-ar-si gə m-tɔji-si kəm dəwje gə nəm ngaɓa mə kəyje gə nəm tɔ,

Koula 20:6

Sijee le, go ndɔje gə d-usa ne mbə gə lal gɔy kodo, ɗaa j-al to Pilipi ngaa j-a ɗa ndɔ mi ɓa j-inga-je Torowas ɗaa j-isi kəne ndɔ siri.

Romaindjé 15:13

May kar Luba gə to gəl məkunda, ar rɔləl gə ɔr njal ɗusu mə-si ngaɓa ar-si ɗɛgɛgɛ gə uy bɛm ɗəw takagə gə, mba kar məkunda lə-si ɓar ne mii, ɗəw singamongə gə lə Njil Njerɔsangə!

Romaindjé 15:16

ar m-to njekula lə Kirisi Jeju horo dəwje gə ꞌgərə Luba ang gə; kula gə to gə losang-ɛ gə to kila mbərə Tar gə May lə Luba le m-ɗa, mba kar dəwje gə ꞌgərə Luba ang le ꞌto ne nenuji gə Njil Njerɔsangə unda gə losang-ɛ gə may ta kəm Luba gə.

Romaindjé 15:24

logə kaw lə-m gə Ɛsəpa̰y ɗaa m-unda mə-m mba ko-si taar baa ngaa ɓo m-isi ɓə lə-si asə-m mbagə ɗaa m-a kar-si a ꞌla-je sə-m kar m-aw.

1 Corinthiendjé 2:4

Tar lə-m gə m-pa gə ne gə m-tɔji le, to tar kəm karə gə mba cɛdə ne gɛngərɛ̰-si ang baa; ngaa to gə Njil ɓa ce ne ngaɓa to gə singamongə.

2 Corinthiendjé 12:12

Neje gə tɔji to gə m-to njeka̰ykula gə ngadə le, sisəy oje gə ɗəw kula gə horo-si gə gə go kuwa gədərə dan nena gə, ɗəw netɔjije, ɗəw neje dang-dang gə kəm dəw o ndɔ kara ang ngaɓa gə ɗəw nemisije gə tɔ.

Galatedjé 3:5

Luba ar-si Njil, ngaɓa ɗa nemisi horo-si gə mba kuji gə ilaje dɔ torondu ose gə mba ꞌtaje kagə Tar gə May wa?

Colossiendjé 1:25

Mbo̰ naa le njetakagəje nee le ja m-təl m-to njekula kəne. Luba um kula ji-m gə mba kar m-ila mbərə tar lə-a gə n-pa n-ar-si.

1 Thessaloniciendjé 1:5

Mba Tar gə May gə j-ila mbər-e j-ar-sisəy le, j-a pa gə ta-si baa ang, ngaa Njil Njerɔsangə ore kud-e gə singamongə ngaɓa to tar gə tɔgərɔ ja. Be ɓa sisəy ꞌgərəje pa nja sijee gə horo-sisəy gə mba kar to may lə-si.

2 Timoce 4:17

Ngaa Mbayɓe ja to dər gəl-m ngaɓa ar-m singa m-pa ne tar lə-a m-ar gəl kuji dəwje gə ꞌgərə Luba ang d-o mba kar aw ne lo-e gə. Mbɔr dɔ singamongə lə Luba ɓa m-ce ne ta tobḭ gə.

Ebərəje 2:4

Luba ore kudu tar naji lə-je gə netɔjije, gə nemisije ngaɓa neje dang-dang gə kəm dəw o ndɔ kara ang, gə gusu-eje gə n-ar-je ɗəw gə lə Njil Njerɔsangə to gə m-e njigi.

1 Piyɛr 1:12

Be ɓa ꞌkila gəl-e d-ar-je to gə neje nee le ɔji dɔ ꞌjejee ang, ngaa ɔji dɔ sisəy, ɓa ꞌto ne nje kula-ɛje. Ɓisine ɗaa nje gə d-aw d-ila mbərə Tar gə May ꞌpa tar neje nee le d-ar-si ɗəw gə lə Njil Njerɔsangə gə ḭ dara ngaɓa anjije ja kara ꞌsangə mba gərə tɔ.