Romaindjé 15:18 - Mbede Lə Luba Kone Gə Sigi

¹⁸ Mba ne gə Kirisi un-m ɗa ne ja ɓa m-a pa tar-ɛ mba kar dəwje gə ꞌgərə Luba ang d-ila ne kɔji ɗəw tar pa gə gə ɗəw kula ɗa gə,

Testament ke Siki 1960 (Kabba Laka)

¹⁸ Mbata ma mase ta pa mare né ke dang ang, sè né ke Christ da deo té lom, ta kare Gentildjé wo tar, deo tar té ke deo koula té.

Romaindjé 15:18 ပူးပေါင်းရင်းမြစ်များ

Matiye 25:16

Ngon njekula gə d-ar-ɛ mbɛl kula mi le, ɔdə gə tɔg-ɛ baa ja aw ɗa ne kula ɗaa inga mar-ɛ kula mi um dɔ-ɛ gə.

Marəke 16:20

Be ɓa d-ɔdə d-aw d-ila mbərə gə lo-lo. Mbayɓe ɗa gə je kula, ngaɓa ore kudu tar lə-a gə netɔjije.

Koula 14:27

Logə ꞌɗe ɗaa, ꞌmbo̰ bar kəm Mbo̰ naa lə njetakagəje, d-ɔr gəl ne tɔ̰y gə Luba ɗa gə je d-ar-je ngaɓa ɗəw gə n-ɔr ne ta ɗəw takagə n-ar dəwje gə ꞌgərə Luba ang.

Koula 15:12

Be ɓa bula dəwje tɔ̰y d-isi njḭng ɗaa Barənabas je Pɔl d-ɔr gəl netɔjije gə neje dang-dang gə kəm dəw o ndɔ kara ang tɔ̰y gə Luba ɗa ɗəw gə lə-je horo dəwje gə ꞌgərə Luba ang gə.

Koula 15:4

Logə ꞌce Jerujalɛm ɗaa Mbo̰ naa lə njetakagəje, gə njeka̰ykulaje ngaɓa ngatɔgəje nəm d-uwa-je mba. Cibi d-ɔr-je gəl ne tɔ̰y gə Luba ɗa gə je d-ar d-o tɔ.

Koula 21:19

Pɔl oje nam ngaɓa un tar ɔr ne go ne gə Luba ɗa horo dəwje gə ꞌgərə Luba ang gə, gə ɗəw kula lə-a.

Koula 26:20

ngaa m-pa tar turu kəji gə mbəl kəji təl gə rɔ Luba gə, gə ɗa kul-ɛ gə dana gadə m-ar nje gə Damasə kede ngaɓa nje gə Jerujalɛm, gə nje gə dɔ nangə gə Jude tɔ̰y, ngaɓa dəwje gə ꞌgərə Luba ang nəm tɔ.

Romaindjé 1:5

ɗəw gə lə-a ɓa j-inga ne mənuji ja to ne njeka̰ykulaje mba kar mbɔr dɔ ri-a ɗaa, j-a təl ne gəl dəwje tɔ̰y kar d-ila ne kɔji gə go takagə,

Romaindjé 16:26

ngaa ɓisine kila rɔ-ɛ gə ɗaga gə go mbedeje gə pajambərəje ꞌɗa, gə go ndu Luba gə nje kisi saar-saar gə no le, ꞌkila d-ar gəl kujije tɔ̰y ꞌgərə mba kar d-ila ne kɔji gə go takagə,

Romaindjé 6:17

Ngaa, oyo ar Luba, kede le ꞌtoje ɓərəje lə neɗa gə kṵra̰y ja ngaa ilaje kuji gə dɔ ɓəngərə-si ja tɔ̰y ngaɓa ꞌnjaje ne gə go ji ne gə ꞌtɔji-si le ja tɔ.

2 Corinthiendjé 11:31

Luba gə to Bɔ Mbayɓe Jeju je ngaɓa ndu tɔr to k-ɛ gə ndɔ gə ndɔ le, gərə to gə m-pa tar gə negərə ang!

2 Corinthiendjé 12:6

To gə ɓo m-njigi kɔsə rɔ-m nama, a to gə kəsə tar ang, mba m-a pa tar gə tɔgərɔ; ngaa m-ɔgə rɔ-m dɔ-ɛ gə, na dəw a kḭ ko-m gə dəw to ɓəəl ya̰ unda ne gə o-m lo ɗ-ɛ gə, ose tar gə o ta-m gə.

2 Corinthiendjé 3:5

Mba kasə gə sijee j-asə ɗa ne gə dɔ rɔ-si ang, ngaa Luba ɓa ar-sijee singa ɗa neje.

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

Galatedjé 2:8

mba Luba ja ɓa ɗa-m gə njeka̰ykula lə dəwje gə ꞌgərə Luba ang, to gə n-ɗa ne Piyɛr gə njekula lə Jiibije.

Colossiendjé 3:17

May kar tar ɓa a kaw paje ose ne gə ɗa-ɗa ɓa a kaw ɗaje kara, ꞌɗaje ne tɔ̰y gə ri Mbayɓe Jeju, ꞌtəlje ne gə oyo ar-je Luba gə Bɔ dəwje gə ri-a.

2 Thessaloniciendjé 2:17

ꞌkul mə-si gə d-ila singa dɔ mar-ɛ gə d-ar-si, ꞌɗaje ne ne gə may lo kula ɗa gə lə-si tɔ̰y, gə lo pa tar gə lə-si tɔ̰y tɔ.

Ebərəje 11:8

Gə go takagə ɓa Abəraham njigi ne ɓar lə Luba ɔdə aw ne gə ɓe gə a kuwa gə nenduba ɗaa n-aw lal gərə lo gə n-aw dɔ-ɛ gə kəne.

Ebərəje 5:9

Logə n-tɔl ta kula lə-a bɛm ɗaa, n-təl n-to ɗəw kaji gə gə ndɔ gə ndɔ lə dəwje tɔ̰y gə d-a kila kuji dɔ-ɛ gə.

Jacques 1:22

Tar gə oje le, ꞌɗaje kul-ɛ ɓa, ɓo ꞌtaje ꞌpaje ne tar kəm karə lə-si baa ang.

1 Jean 3:18

Ngan-m gə gɔgɔ, j-a njigije naa gə ta-si gə tar gə may baa ang, ngaa ꞌtɔjije njigi lə-si ɗəw kula gə ngaɓa gə tar gə tɔgərɔ.

Jude 1:9

Be ɓa, logə Misɛl mbay lə anjije ma̰y tar gə ꞌSɛ̰ngərɛ̰ ngaɓa n-ar-ɛ nin Moyiji le, taj-ɛ gangə ne tar dɔ-ɛ gə ang baa, ngaa n-pa na: May kar Mbayɓe ndangə-i!