Romaindjé 15:15 - Mbede Lə Luba Kone Gə Sigi

¹⁵ Be ja kara m-ɗa mbede m-pa ne gə si mə loje gə kɛm gə ndum gə mongə ɓəəl, ɗəw kara baa to gə m-ole ne mə-si, mba nuji gə Luba uwa sə-m,

Testament ke Siki 1960 (Kabba Laka)

¹⁵ A ke mare tar kada kada mam nda maketourou maresè ke bel ang, ta kòlè mèsè to ke siki, mbata tokou mè madji ke Allah arem.

Romaindjé 15:15 ပူးပေါင်းရင်းမြစ်များ

Romaindjé 1:5

ɗəw gə lə-a ɓa j-inga ne mənuji ja to ne njeka̰ykulaje mba kar mbɔr dɔ ri-a ɗaa, j-a təl ne gəl dəwje tɔ̰y kar d-ila ne kɔji gə go takagə,

Romaindjé 12:3

Be ɓa m-pa m-ar-si gə go nuji gə d-uwa sə-m le ɗaa, mba kar dəw kara ja kəji lə-a to kəji kəsə tar gə kəji dɔ godo ang, ngaa kar kəji tar lə-a to gə maj-ɛ gə go ɗəb-e, na-na kara gə go singa takagə gə Luba ar-ɛ.

Romaindjé 12:6

Ngaa, gusu lə-si dang-dang gə go mənuji gə j-inga, ɓo to gə gusu kila mbərə lə Luba nama may kar uwa buwa takagə ɓa;

1 Corinthiendjé 15:10

Ngaa gə go mənuji lə Luba ɓa m-to ne ne gə m-to ɓogəne, ngaɓa mənuji gə m-inga le to ne gə baa ang, m-ɗa kula m-unda-je tɔ̰y, gə go singa-m ꞌma ang ngaa gə go mənuji gə Luba ɓa nay sə-m.

1 Corinthiendjé 3:10

Gə go mənuji lə Luba gə m-inga le ɗaa, m-ɔsə gɔl kəy le to to gə njegusu kunda kəy gə kəm-e arə be, ngaɓa dəw gə ɗangə ɗe unda kəy dɔ-ɛ gə. Ngaa may kar na-na kara pa kunda gə unda ne le o gə maj-ɛ ɓa.

Galatedjé 2:9

Jagə je Sepas gə Ja̰ gə nay to dubu Mbo̰ naa lə njetakagəje ꞌgərə to gə Luba uwa sə-m nuji, ɗaa d-uwa ji kɔl je gə Barənabas tɔji ne mə kara mba kar-sijee gə j-a kaw ɓə lə dəwje gə ꞌgərə Luba ang, ɗaa ꞌjeje d-a kaw bə lə Jiibije.

1 Timoce 4:6

To gə ɓo ꞌi tɔji tar nee le no ngan ko̰-ḭje ɗaa, ꞌi a to njekula lə Jeju Kirisi gə horo njetakagə gə gə maj-ɛ, Ye ɓa ꞌi a tɔji to gə tar takagə gə nendo gə tɔgərɔ gə ꞌi ndoo le ɗusu mə-i.

2 Timoce 1:6

Gəl-e gə nee ɓa m-ndəji mba kar-i n-ndol dɔ gusu lə mənuji gə Luba ula mə-i gə go ji-m gə m-ila dɔ-i gə le.

2 Timoce 2:14

Tar gə a kole mə dəwje kəne ɓa to nee: ꞌPa ar-je no gɔl Luba gə mba kar d-əw rɔ-je tar ma̰y gə asə ɗa ne kara ang. Mba tar ma̰y gə baa le tuji dəwje gə njeko-eje gə tuji.

Tite 3:1

Ole mə njetakagəje tɔ̰y ar-je d-oso kul no njeko̰ dɔ dəwje gə cibi d-ila kuji dɔ njeko̰ ɓeje gə ɓo d-isi pɛrɛrɛ mba ɗa ne kula gə ɗa-ɗa gə may,

Ebərəje 13:22

Ngan ko̰-mje m-dəji-si kar uwa-je tar ndəji gə nee le gədərə, mba m-ɗa mbede gə nee le njɛ̰ baa m-ar-si.

1 Piyɛr 5:12

Ɗəw gə lə ngon ko̰-si gə to dəw gə gadə-gadə, gə ri-a na Silibɛ̰ ɓa m-ɗa ne mbede nee, m-pa ne gə si tarje ɓəl, mba ndəji-si ne ngaɓa pa ne kar-si to gə mənuji lə Luba gə tɔgərɔ le, to to gə be ja ɗaa, uwaje gədərə kəm-si gə kede.

2 Piyɛr 3:15

To gə ngon ko̰-si gə m-njig-e ya̰, Pɔl ɗa ne mbede gə go kəm karə gə d-ar-ɛ le, may kar oje kila mə dɔ mar-ɛ gə lə Mbayɓe le gə ɗəw kaji lə-si.

1 Jean 5:13

Gəl-e gə nee ɓa, m-ɗa ne mbede m-pa ne tar neje m-ar-si mba kar ꞌgərəje to gə ingaje təbə gə gə ndɔ gə ndɔ le nam, sisəy gə ꞌtaje kagə gə ri Ngon lə Luba.