Romaindjé 15:14 - Mbede Lə Luba Kone Gə Sigi

¹⁴ Ngan ko̰-mje, tar gə ɔji dɔ sisəy le ɗaa, ꞌma ja kara m-gərə gə maj-ɛ to gə məmay ɗusu mə-si, negərə ɗusu mə-si ngaɓa asəje mba ndəji-je naa gə yo gə nee.

Testament ke Siki 1960 (Kabba Laka)

¹⁴ A ma ndja misi dèkèkè mbata losè, ngakömdjé, mbata sésè ndja edousidjé ke tar ke madji, ke edousidjé ke gousou toï ke ase ndedjina horosè té.

Romaindjé 15:14 ပူးပေါင်းရင်းမြစ်များ

1 Corinthiendjé 1:5

mba ɗəw gə lə-a ja d-unda ne si dan may gə ɔji dɔ ne tɔ̰y, ɔji dɔ tar tɔ̰y ngaɓa gə negərə tɔ̰y nəm,

1 Corinthiendjé 12:8

Njil ar dəw gə kara tar kəm karə; ar dəw gə kən gusutar gərə ne, gə go Njil gə kara baa nee le ja;

1 Corinthiendjé 13:2

Ngaɓa to gə ɓo m-pa tar gə pajambərə, m-gərə gəl neje tɔ̰y gə to lokiya gə ngaɓa gərə ne tɔ̰y, to gə ɓo m-ta kagə gə mə-m tɔ̰y, ar asə kar m-ngɛsə ne dɔ ərje ɓa, to gə ɓo njigi godo mə-m gə nama m-to ne gə baa.

1 Corinthiendjé 8:1

Ne gə ɔji dɔ da gə ꞌpolo ne magəje le, gərəje to gə tɔ̰y ja negərə lə-si ga̰. Negərə ɗa dəw gə nje kɔsə rɔ-ɛ ngaa njigi ula jingaw mə dəw gə.

1 Corinthiendjé 8:10

Mba to gə ɓo dəw o-i, ꞌi gə ꞌgərə ne nee le, lo kusa ne kəy polo magə gə le, kəji lə-a, ꞌne gə nje tɔgə godo le a kɔs-ɛ kar n-usa ne daje gə polo ne magəje ang wa?

1 Corinthiendjé 8:7

Ngaa dəwje tɔ̰y d-inga negərə gə nee le ang. Mba nje gə kɛm gə pa polo magəje uwa mə-je ja ɓi le, d-usa daje gə nee le gə nepolo, ngaɓa kəji lə-je gə mbɔr-ɛ le mina ne.

2 Corinthiendjé 8:7

Ɗəw kara baa, to gə sisəy ꞌtoje baw dɔ neje gə tɔ̰y nee: takagə nəm, tar pa nəm, negərə nəm, ndəbə sər dɔ neje gə gə loe-loe ngaɓa njigi gə njigi-je sijee nəm, may kar ꞌɗaje kula mənuji gə nee le ar-je uru gada.

Ephésiendjé 5:9

Mba kandə lokarə le, ɔji dɔ ne ja tɔ̰y gə to gə məmay, neɗa gə gadə-gadə, gə tar gə tɔgərɔ.

Philippiendjé 1:11

May kar pa nja gə may gə ingaje ɗəw gə lə Jeju Kirisi le, ila riɓar gə dɔ Luba gə, gə ɔsə gaji-ɛ.

Philippiendjé 1:7

To gə dɔ gɔl-ɛ ja mba kar ꞌma m-əji tar gə to gə be dɔ-si gə tɔ̰y, mba mə-m uy dɔ-si ang, mba m-ar njang ngaɓa m-ɗa ɗɔ mba Tar gə May gə m-ila mbər-e le ɗaa ɓogəne gə m-to kəy kula gə kara sisəy ingaje sə-m mənuji lə Luba naa gə kara baa.

Colossiendjé 3:16

Ar-je tar lə Kirisi ɗa ɓe mə-si gə gə mong-e, ꞌndoje naa ngaɓa ꞌndəjije ne naa gə yo gə nee gə kəm karə, ɔsəje gaji Luba gə pa kɔsə, paje ɓədə-ɓədə, gə paje gə ɗəw Njil gə, ɔsəje pa, ꞌɗa-eje ne oyo gə dɔ ɓəngərə si tɔ̰y.

1 Thessaloniciendjé 5:11

To gə be ɓa may kar ꞌndəjije naa ngaɓa ulaje jingaw mə naa gə, gə yo gə nee to to gə aw ꞌɗaje ne kede le ja.

1 Thessaloniciendjé 5:14

Ngan ko̰-mje, j-a ndəji-si kar ꞌndangəje njedabəje, ulaje jingaw mə nje gə singaje ɔr gə, ꞌlaje gə nje tɔgə godoje, ilaje mə-si pɔ̰ dɔ dəwje gə tɔ̰y.

2 Thessaloniciendjé 1:11

Gəl-e gə nee ɓa, ja dəji ne Luba taar-taar gə mba sisəy, mba kar Luba turu-si kar asə njaje gə go ɓar lə-a, ngaɓa gə go singamongə lə-a ɗaa, n-ar-si ꞌɗaje ne ne gə may tɔ̰y gə ꞌgɔlje mə-si gə mba ɗa nəm gə kula gə ɗəw takagə gə tɔ.

2 Timoce 1:5

Mə-m ole dɔ takagə lə-i gə gadə-gadə, takagə gə arə ngadə gə nee le to mə ka-ije gə jene gə ri-a na Loyis cibi ɓa to mə ko̰-ije gə ri-a na Ənis gə kede le, ye ja tɔ ɓa to mə-i ꞌi gə.

Pilimo 1:21

M-ɗa mbede nee m-ar-i mba m-gərə som to gə a kila ngon kuji dɔ ne gə m-dəji gə, ngaɓa m-gərə to gə a ɗa kar al dɔ yə gə m-dəji.

Ebərəje 5:12

Sisəy le ɗaa kuru lo əw asə kar-si ꞌtoje njenetɔjije ngaa, ngaa dɔngɔr nendo gə d-uma ne kudu tar lə Luba ja cibi ꞌnjigije kar ꞌtəl ꞌtɔji-si, to to gə ꞌtoje nganje gə kasə gə mbaa baa ɓa il-je ɓo usaje nekusa dəwje gə tɔgə ang.

Ebərəje 6:9

Ngan ko̰-si gə j-a njigi-si ya̰, le j-a pa tar to gə be ja kara, ye gə ɔji dɔ sisəy le j-a gərə gə maj-ɛ to gə unje ɗəw gə may, ɗəw gə a ce gə si lo kaji gə.

2 Piyɛr 1:12

Gəl-e gə nee ɓa, m-a kole mə-si taar-taar dɔ neje gə nee le, to neje gə ꞌgərəje nam ja ngaa mba kar ꞌɓije ne dɔ tar gə tɔgərɔ gə ɓogəne.

1 Jean 2:21

M-ɗa mbede m-ar-si mba sisəy ꞌlalje tar gə tɔgərɔ ang baa, ngaa mba sisəy gərə tar gə tɔgərɔ, ngaɓa tar gə ɗəgərə ce mə tar gə tɔgərɔ gə ang.