Romaindjé 14:19 - Mbede Lə Luba Kone Gə Sigi

¹⁹ Be ɓa may kar-si ja sangəje ne gə ɔsə kudu ɗɛgɛgɛ gə ne gə a kar-si singa gə yo gə nee.

Testament ke Siki 1960 (Kabba Laka)

¹⁹ Bana ase kare djèdjè ndja go né té ke are mè woul, ke né ke djase ngeng né maredjé horodjè té.

Romaindjé 14:19 ပူးပေါင်းရင်းမြစ်များ

Matiye 5:9

Nokarə to kar nje gɔl lo kar-ɛ to ɗɛgɛgɛ, Mba Luba a ɓarə-je ngan-ɛ!

Marəke 9:50

Kadə to ne gə may ja; ngaa to gə kadə ləl ang le se d-a ɗa ban ɓa kar a təl ləl wa? Ar-je ta-si ləl to gə kadə be, ngaɓa ar-je ɗɛgɛgɛ to horo-si gə gə yo gə nee.

Romaindjé 12:18

To gə ɓo ɗəw to, gə to ne gə kəm kar-si ꞌɗaje nama, ar-je ɗɛgɛgɛ to horo-si gə gə dəwje tɔ̰y.

Romaindjé 15:2

May kar na-na kara horo-si gə ləl njemar-ɛ mba ne gə may mba kar singa ɔsə ne dɔ mar-ɛ.

1 Corinthiendjé 10:23

D-un ɗəw kar ꞌɗa ne tɔ̰y ja, ngaa ne tɔ̰y to ne gə may ang baa; d-un ɗəw kar ꞌɗa ne tɔ̰y ja, ngaa ne tɔ̰y ar dəw singa ang baa.

1 Corinthiendjé 10:33

to to gə ꞌma kara, m-ɗa ga mba may kəm dəwje gə ɔji dɔ neje tɔ̰y le, m-sangə ne may lə-m ꞌma ja baa ang, ngaa mba may lə nje gə bula, mba kar d-inga ne kaji.

1 Corinthiendjé 14:26

Ngan ko̰-mje, ɗi ɓa to ne gə kəm ɗa wa? Logə uwaje dɔ naa nama, na-na kara asə kɔsə pa, dəw kara gə nje tɔji ne, dəw gə nee pa tar ne gə ꞌkila gəl-e d-ar-ɛ, dəw gə kən pa ndo̰ tar, dəw ɗangə to njendaji-e, ngaa may kar neje tɔ̰y nee le ar-si singa tɔ̰y ja ɓa.

1 Corinthiendjé 14:3

Ngaa dəw gə pa tar gə pajambərə le, pa ar ne dəwje singa nəm, n-ula ne jingaw mə-je gə, ngaɓa n-dəji-je ne nəm tɔ.

1 Corinthiendjé 14:4

Dəw gə nje pa tar gə ndo̰ tarje le, pa ula ne jingaw m-e ye gə ja, ngaa dəw gə pa tar gə pajambərə le, ula ne jingaw mə Mbo̰ naa lə njetakagəje gə.

1 Corinthiendjé 14:5

M-njigi kar-sisəy tɔ̰y ja ꞌpaje tar gə ndo̰ tarje, ngaa kar-si ꞌpaje tar gə pajambərə ɓa m-njigi ya̰ ja cibi. Dəw gə pa tar gə pajambərə le, to ɓəəl ya̰ unda dəw gə pa ndo̰ tarje, ɓo be ang nama, may kar nje pa tar gə ndo̰ tarje nee le ndaji ɓa, mba kar Mbo̰ naa lə njetakagəje inga ne singa.

1 Corinthiendjé 7:15

Ngaa to gə ɓo dəw gə ta kagə ang le, ɓo njigi kɔr rɔ-ɛ nama ɔr rɔ-ɛ; ngon ko̰-si ose ko̰ nan-si le, ne kara gə tɔ-je naa gə godo. Luba ɓar-sijee mba kar j-isi dan ɗɛgɛgɛ gə.

1 Corinthiendjé 8:1

Ne gə ɔji dɔ da gə ꞌpolo ne magəje le, gərəje to gə tɔ̰y ja negərə lə-si ga̰. Negərə ɗa dəw gə nje kɔsə rɔ-ɛ ngaa njigi ula jingaw mə dəw gə.

2 Corinthiendjé 12:19

Ləw baa ja le, sisəy əjije to gə j-aw sangə mba to gadə-gadə no sisəy gə. Sisəy gə ja njigi-si ya̰ le, sijee le ja pa tar no Luba gə, gə no Kirisi gə mba kar takagə lə-sisəy mongə ne.

2 Corinthiendjé 13:11

Be ɓa, ngan ko̰-mje, ɗudu tar ɗaa, ꞌɗaje rɔləl, awje gə dɔ-si gə may pɛdə, gə ꞌkulje mə naa, ar-je kəji lə-si to kara baa, awje dan ɗɛgɛgɛ gə, ngaɓa Luba gə nje gəl njigi gə nje gəl ɗɛgɛgɛ a nay gə si.

Ephésiendjé 4:12

mba tɔji ne ne njerɔsangəje kar ꞌto ne ngan njekulaje gə may pɛdə mba kar darɔ Kirisi ərə ne ɓər-ɓər,

Ephésiendjé 4:29

May kar tar gə ha̰rə̰w ce ta-si gə ang, ngaa to gə ɓo ɗəw to nama, ꞌpaje Tar gə May gə a kula jingaw mə naa gə nəm, ngaɓa dəwje d-o nama d-inga mənuji kəne tɔ.

1 Timoce 1:4

Ulaje ar d-ḭya̰ kɔr suje ose gə tura gəl kuji dəwje mba to ne gə a ɗe gə tar ma̰y ja baa horo-je gə ɓo a kɔsə kudu kula lə Luba gə go ɗəw takagə ang baa.

2 Timoce 2:22

Ar ɓo neɗa gə kṵra̰y gə dɔ basa̰ gə o̰ dɔ-i ang, ɗaa sangə go neɗa gə gadə-gadə, gə takagə, gə njigi, ngaɓa ar mə-i to ɗɛgɛgɛ gə dəwje tɔ̰y gə d-aw no ꞌɓar ne Mbayɓe gə mə gə arə ngadə.

Ebərəje 12:14

May kar-si ꞌsangəje go ɗɛgɛgɛ mba kar to horo-si gə gə dəwje tɔ̰y ngaɓa sangə rɔ godo nama dəw a ko kəm Mbayɓe ang.

1 Piyɛr 3:11

May kar n-ɔsə ne gə kṵra̰y ngərəng ɗaa ne gə may ɓa n-ɗa, May kar n-sangə ɗɛgɛgɛ ngaɓa n-ndole go-e nəm;